Read luganda Galatabii 1 Bible Online

Galatabii 1 - luganda bible

Galatabii 1

¹Paulo ni dši bo̱fo ni *dšee gbomei aṅõ edše̱ ni dšee gbomo ko no̱ hũ etšõ, ši moṅ Iesu Kristo ke̱ tše̱ Nyoṅmo̱ ni tēle̱ ši ke̱-dše̱ gbohĩĩ ateṅ le no̱ etšõ le̱, [1]

²ke̱ nyemimei le̱ fẽ ni ke̱mi yo̱ le̱, ṅmã yahã Galata asafoi le̱:

³Dromo̱ ke̱ hedšo̱le̱ ni dše̱ tše̱ Nyoṅmo̱ le̱ ke̱ wo̱-Nuntšo̱ Iesu Kristo deṅ ahãnye; [2]

⁴mo hũ ni ṅõ *le̱dientše̱ ehe ehã ye̱ wo̱he ešai le̱ ahewo̱, koni edšiewo̱ ke̱-dše̱ †dšeṅ fõṅ ni yo̱ ṅme̱ne̱ṅme̱ne̱ ne̱ mli, ye̱ Nyoṅmo̱ ke̱ wo̱tše̱ le̱ suomo̱ nā, [3]

⁵mo nõ ní dší anumnyam le̱ ke̱-dše̱ nāno̱ ke̱-yašio̱ nãno̱ le̱! Amen.

⁶Efe míhĩe yã ake̱ amrõ ne̱ noṅṅ le̱ nyemītši nyehe ke̱-dše̱ moni tšē̱nye ye̱ Kristo dromo̱ mli le̱ ṅõ ke̱-ya sane-kpakpa kroko he;

⁷ni kẽle̱ ekroko be̱, moṅ meikomei yo̱ ni *haoo̱nye, ni ame̱taoo̱ ake̱ ame̱tšõ Kristo sanekpakpa le̱ hĩe ame̱bu ši. [4]

⁸Ši ke̱dši wo̱ po, alo bo̱fo ni dše̱ ṅweí tete, badšadše sanekpakpa kroko tšõnye, ye̱ noni wo̱dšadše wo̱tšõnye ne̱ se̱ le̱, *hã éye musu! [5]

⁹Take̱ bo̱ni wo̱kē̱ momo le̱, nakai noṅṅ mikē̱o̱ ekoṅ ake̱: Ké̱ moko badša-dše sanekpakpa kroko tšõnye ye̱ noni nyehé ne̱ se̱ le̱, hã éye musu!

¹⁰Edšake̱ be ne̱ le̱, *gbomei ahīe gbe̱ mitaoo̱ alo Nyoṅmo̱ hĩe gbe̱? alo mĩtao gbomei ahīe masa? Edšake̱, ké̱ mikã he mĩsa gbomei ahĩe lolo le̱, dšee Kristo tšũlo̱ dšimi. [6]

¹¹Ši mĩhã nyele, anyemimei, ake̱ sane-kpakpa ni midšadše le̱, edše̱e̱ gbomo nã;

¹²edšake̱ dšee gbomo ko deṅ miná ke̱-dše̱, ni dšee tšõmo̱ hũ atšõmi, ši moṅ Iesu Kristo kpodšiemo̱ nã miná ye̱.

¹³Edšake̱ nyenu misá-dšeṅba le̱ he ye̱ Iudafoi adšámo̱ ie̱ mli, *bo̱ni miwa Nyoṅmo̱ asafo le̱ yi babaō ni mikpãtã ehĩe, [7]

¹⁴ni mifé mitipẽṅfoi pĩ ye̱ Iudafoi adšámo̱ le̱ mli ye̱ midšakubii ateṅ, ni mihĩe do̱ naakpa ye̱ wo̱tše̱mei ablema-sãdši ní aṅõ-hãwo̱ le̱ hewo̱.

¹⁵Ší beni esa Nyoṅmo̱ ni dšíemí to ke̱-dše̱ minye mũsũṅ bẽbe ni eke̱ edromo̱ le̱ tšé̱mí ke̱-ba le̱ hĩe, [8]

¹⁶ake̱ *eedšie le̱dientše̱ ebi le̱ kpo ye̱ mimlí, koní midšadše ehe sanekpakpa le̱ mitšõ ye̱ †dšeṅmãdši le̱ ateṅ le̱: amrõ le̱ mike̱ helo ke̱ lá eyaa he adšina, [9]

¹⁷ni misã miyaa Ierusalem hũ ye̱ mei ni dši bo̱foi dãni mi hũ mitšõ bo̱fo le̱ aṅõ, ši moṅ miyiṅ ke̱-te Arabia, ni misã mikũ mise̱ ke̱-ba Damasko ekoṅ.

¹⁸Ke̱ke̱ le̱ no se̱ afii etẽ le̱, mite Ierusalem ni mike̱ Petro yagba sane, ni mihĩ eṅõ gbĩī nyoṅma ke̱ enumo̱; [10]

¹⁹ši minaa bo̱foi le̱ ateṅ mokroko, ake̱ dša *Iakobo, Nuntšo̱ le̱ nyemi le̱. [11]

²⁰Ši nii ni miṅmãanye ne̱, na, Nyoṅmo̱ hĩe mikē̱o̱ ye̱, ake̱ši mimalee.

²¹No se̱ le̱ miba Siria ke̱ Kilikia niiaṅ. [12]

²²Ši miyo̱ ne̱, alee mihĩe ye̱ Iudea asafoi ní yo̱ Kristo mli le̱ ateṅ;

²³ši moṅ ame̱nuo̱ ke̱ke̱ ake̱, moni wawo̱ yi sã le̱, agbe̱ne̱ édšadše hemo̱-ke̱-yeli ni sá ni ekpãtã hĩe le̱ he sane-kpakpa le̱ ẽtšõ;

²⁴ni ame̱wo Nyoṅmo̱ hĩe nyam ye̱ mihewo̱.