Read luganda Efesobii 1 Bible Online

Efesobii 1 - luganda bible

Efesobii 1

¹Paulo, ni dši Iesu Kristo bo̱fo ye̱ Nyoṅmo̱ suomo̱ nã le̱, ṅmã yahã *meikroṅ-kroṅi ni yo̱ Efeso le̱ ke̱ heyelilo̱i ni yo̱ Kristo Iesu mli le̱: [1]

²Dromo̱ ke̱ hedšo̱le̱ ni dše̱ wo̱tše̱ Nyoṅmo̱ le̱ ke̱ Nuntšo̱ Iesu Kristo deṅ le̱ ahãnye!

³Adšō̱ Nyoṅmo̱ ke̱ wo̱-Nuntšo̱ Iesu Kristo tše̱ le̱, moni ke̱ mumo̱ṅ dšó̱mo̱-fẽ-dšó̱mo̱ edšō̱wo̱ ye̱ *ṅweiniiaṅ ye̱ Kristo mli, [2]

⁴take̱ bo̱ noṅṅ ni *ehalawo̱ ye̱ le̱ noṅṅ emli dãni ato dšeṅ šiši le̱, koni wo̱fe †kroṅkroṅ ni wo̱he akaba kpa ko ye̱ ehĩe, [3]

⁵ni edšiewo̱ ye̱ suomo̱ mli eto ehã ehe ni wo̱tšõmo̱ *ebii ye̱ Iesu Kristo hewo̱, take̱ bo̱ni sa ehīe ye̱ esuomo̱ nã le̱; [4]

⁶koni aṅõ-dšie edrome̱ anumnyam le̱ yi, noni eṅõ-drowo̱ ye̱ moni *asumoo̱le̱ le̱ mli le̱, [5]

⁷le̱ emli noṅṅ wo̱ná *kpõmo̱ le̱ ye̱, ni dši no̱tõmo̱i afā le̱, ye̱ elá le̱ hewo̱, ye̱ edromo †fále̱ le̱ nã, [6]

⁸noni ebã teke no̱ hãwo̱ ye̱ nilẽ ke̱ ṅã fẽ mli,

⁹ake̱-ni ehã wo̱le noni esumoo̱ le̱ mli *tēmo̱sane le̱ bo̱ni sa ehĩe, ni eto eyiṅ ye̱ emli [7]

¹⁰ehã *bei le̱ ayino̱ le̱ gbe̱dšiano̱tō, koni eṅõ nibii fẽ eto yitšo kome šiši ye̱ Kristo mli, nii ni yo̱ ṅwei ke̱ nii ni yo̱ šikpoṅ le̱ no̱ le̱ fẽ, ye̱ emli, [8]

¹¹le̱ emli noṅṅ wo̱ná *gbošinii le̱ bũ ye̱, wo̱ mei ni adšiewo̱ ato ye̱ moni tšuo̱ nibii fiã le̱ †yiṅtō nã, bo̱ni sa le̱-dientše̱ esuomo̱ ṅãwõ le̱ hĩe le̱, [9]

¹²beni afe ni wo̱mei ni wo̱tšõ hĩe wo̱ke̱ wo̱hīe efõ Kristo no̱ le̱, we̱tšõmo̱ enumnyam le̱ yidšiemo̱,

¹³le̱ noṅṅ eno̱ nye hũ nyeke̱ nyehĩe fõ, beni nyenu ano̱kwale le̱ wiemo̱ le̱ ni dši nyeyiwalaheremo̱ le̱ sanekpakpa le̱; le̱ noṅṅ emli ake̱ šiwõ le̱ Mumo̱ kroṅkroṅ le̱ *so̱o nyenã ye̱, beni nyehe nyeye le̱, [10]

¹⁴moni dši we̱gbošinii le̱ *ayibāfonõ le̱, koni aṅõ-kpõ emei ni dši le̱dientše̱ enii le̱, ni ake̱-dšie enumnyam le̱ yi. [11]

¹⁵Ene̱hewo̱ le̱ mi hũ, beni minu nyehemo̱-ke̱-yeli ni nyeyo̱ ye̱ Nuntšo̱ Iesu mli le̱ ke̱ nyesuomo̱ ni nyeke̱-sumoo̱ mei-kroṅkroṅi le̱ fẽ le̱ he le̱, [12]

¹⁶mifõõ nyehe šidã, ši mikaio̱nye ye̱ miso̱lemo̱i amli,

¹⁷koni wo̱-Nuntšo̱ Iesu Kristo Nyoṅmo̱ ni dši anumnyam tše̱ Ie̱ ahãnye nilẽ ke̱ kpodšiemo̱ mumo̱ ye̱ lē ni nyealele̱ dšogbãṅ le̱ mli,

¹⁸ni nyetšui hīṅme̱ii ano̱ atše, koni nyená nyele noni dši etšé̱mo̱ le̱ no̱hĩe-kãmo̱ le̱, ke̱ egbošinii le̱ enumnyam le̱ fále̱ ye̱ meikroṅkroṅi amli,

¹⁹ke̱ noni dši ehewale̱ le̱ dale̱ ni tekeo̱ no̱ babao hãawo̱ mei ni wo̱heo̱ wo̱yeo̱ le̱ ye̱ enyẽmo̱ le̱ hewale̱ nitšumo̱ le̱ nã,

²⁰noni etšu ye̱ Kristo mli, beni etẽle̱ ši ke̱-dše̱ gbobĩĩ ateṅ, ni eke̱le̱ *tá enine-dšurõ no̱ ye̱ ṅweiniiaṅ, [13]

²¹ye̱ onukpayeli ke̱ hegbe̱ ke̱ hewale̱ ke̱ no̱yeli fẽ ke̱ gbe̱i-fẽ-gbe̱i ni awo dšee bene̱be ne̱ mli ke̱ke̱, ši be ni baba le̱ mli hũ le̱ ano̱, [14]

²²ni eṅõ *nibii fiā eto enãdšiaši, ni eṅõle̱ efe nibii fē †yitšo ehã asafo le̱ [15]

²³ni dši *egbomotšo le̱ ke̱ le̱ †moni ewoo̱ mei fẽ obõ ye̱ nii fẽ mli le̱ obõyimo le̱, [16]