Read luganda Efesobii 2 Bible Online

Efesobii 2 - luganda bible

Efesobii 2

¹Nye hũ ni kũle̱ nyedši gbohĩĩ ye̱ no̱tõmo̱i ke̱ ešai amli, [17]

²nii ni nyenyie ye̱ mli *sá ye̱ dše ne̱ṅ su le̱ nã, ye̱ kō̱yo̱ mli hewale̱ le̱ no̱ †lumo le̱, ni dši mumo̱ ni tšuo̱ nii ṅme̱ne̱ṅme̱ne̱ ye̱ toigbẽle bii amli le̱ nã le̱, [18]

³nomei amli wo̱fē hũ wo̱ba wo̱dšeṅ ye̱ sá ye̱ wo̱helo ako̱no̱i le̱ amli, ni wo̱tšu nii ni helo ke̱ dſẽṅmo̱ sumoo̱ le̱, ni wo̱dši *mlifũ bii ye̱ wo̱fo̱mo̱su le̱ nā, tamo̱ mei ni eſe̱ le̱ noṅṅ: [19]

⁴ši Nyoṅmo̱, ni emo̱bo̱nale̱ fá babaō le̱, etšõ le̱dientše̱ esuomo̱ babaõ ni eke̱-sumo̱wo̱ le̱ no̱,

⁵ni wo̱ ni wo̱dši *gbohīīye̱ no̱tõmo̱i amli le̱, etšīe wo̱ke̱ Kristo fẽ hīe, dromo̱ aṅõ-here nyeyiwala! [20]

⁶ni etē wo̱ke̱le̱ ši, ni eṅõ wo̱ke̱le̱ fẽ etá ṅweiniiaṅ ye̱ Kristo Iesu mli, [21]

⁷koni bei ni baba le̱ amli le̱ edšie le̱dientše̱ edromo̱ *fále̱ ni teke no̱ le̱ kpo ye̱ emli ni hĩ hãwo̱ ye̱ Kristo Iesu mli le̱ṅ [22]

⁸Edšake̱ dromo̱ aṅõ-here nye-yiwala ke̱-tšõ hemo̱-ke̱-yeli no̱, ni ene̱le̱, dšee nyemli edše̱, Nyoṅmo̱ nõkēnõ ni, [23]

⁹dšee nitšumo̱i amli edše̱, *koni moko akaſã. [24]

¹⁰Edšake̱ enine nã nitšumo̱nii dšiwo̱, abo̱wo̱ ye̱ Kristo Iesu mli ahã nitšumo̱i kpakpai ni Nyoṅmo̱ esã eto koni wo̱nyie ye̱ mli le̱. [25]

¹¹Nohewo̱ le̱ nyekaia ake̱ nye ni *sá ni nyedši wo̱ṅdšálo̱i ye̱ helo gbefãṅ ni mei ni atšé̱o̱ame̱ ketiafolo̱i ni ake̱ nidši fe ye̱ helo mli le̱ tšé̱o̱nye fõlo̱i le̱, [26]

¹²nakai be le̱ mli le̱ nyehe Kristo, ni nyedši meikpõdši ye̱ Israel maṅ gbe̱ nānii agbe̱fãṅ ke̱ gbo̱i ye̱ *šiwō-kpãṅmo̱i le̱ agbe̱fãṅ hũ, nyebe̱ hīeno̱kāmo̱ ko, ni nyebe̱ Nyoṅmo̱ tete ye̱ dše ne̱ṅ. [27]

¹³Ši agbe̱ne̱, Kristo Iesu mli le̱, nye ni sá ni nyeyo̱ šoṅṅ le̱, nyetšõ Kristo lá le̱ no̱ nyebe̱ṅke̱.

¹⁴Edšake̱ le̱ dši *wo̱hedšo̱le̱ le̱, moni ṅõ wo̱yi enyo̱ le̱ fẽ efe †ekome, ni ekũmo̱ gbogbo afãbaṅ ni yo̱, teṅ ni dši nyē̱ le̱, [28]

¹⁵ni eke̱ le̱dientše̱ ehelo le̱ gu kitãi *amla le̱ ni yo̱ akpo̱i amli le̱, koni eke̱ mei enyo̱ le̱ fẽ abo̱ †gbomo hē kome ye̱ le̱dientše̱ emli ni ehã hedšo̱le̱ eba, [29]

¹⁶ni etšo se̱ṅme̱tšo le̱ no̱ ekpãtã ame̱yi enyo̱ le̱ fẽ ame̱ke̱ Nyoṅmo̱ teṅ ye̱ gbomotšo kome mli, egbe nyē̱ le̱ ye̱ le̱-dientše̱ emli.

¹⁷Ni eba ebadšadše hedšo̱le̱ sanekpakpa le̱ etšõ nye ni nyeyo̱ šoṅṅ le̱ ke̱ mei ni be̱ṅke̱ le̱ hũ, [30]

¹⁸edšake̱ eno̱ wo̱yi enye̱ le̱ fẽ wo̱tšoo̱ wo̱náa gbe̱, ye̱ mumo̱ kome mli, ke̱-yaä tše̱ le̱ ṅõ. [31]

¹⁹Nohewo̱ le̱ agbe̱ne̱ nyedšee gbo̱i ke̱ meikpõdši doṅṅ, ši moṅ nyedši meikroṅkroṅi le̱ ananemeimaṅbii ke̱ Nyoṅmo̱ webii, [32]

²⁰ni atſanye amã bo̱foi le̱ ke̱ gbalo̱i le̱ *ašišitō le̱, ni †ekoṅte̱ dši Iesu Kristo le no̱, [33]

²¹mo no̱ ni atšo atšẽ tšũ mũ le̱ fẽ awoṅ afe ekome, ni ēda ēfe so̱lemo̱tšũ kroṅkroṅ ye̱ Nuntšo̱ le̱ mli,

²²mo mli ni atſanye hũ awo afe Nyoṅmo̱ šihĩle̱he ye̱ Mumo̱ mli le̱. [34]