Read luganda Efesobii 3 Bible Online

Efesobii 3 - luganda bible

Efesobii 3

¹Nohewo̱ le̱ mi, Paulo, ni midši Kristo Iesu gbokle̱fonyo hã nye dšeṅmãdšiaṅbii le̱, [35]

²ke̱dši nyenu Nyoṅmo̱ dromo̱ ni aṅõ-hãmi ye̱ nyehewo̱ le̱ gbe̱dšiano̱tō le̱ he,

³ake̱ kpodšiemo̱ no̱ etšõ ehã mile *tẽmo̱sane le̱, take̱ beni miṅmãnye fiõ mo̱mo le̱, [36]

⁴noni, ké̱ nyekane le̱, nyeanyẽ nyeke̱ yo mišišinamo̱ ni miyo̱ ye̱ Kristo tẽmo̱-sane le̱ mli;

⁵noni yino̱i krokomei amli le̱ ahãã gbomeiabii ale, take̱ bo̱ni agbe̱ne̱ adšie kpo atšõ ebo̱foi ke̱ gbalo̱i kroṅkroṅi le̱ ye̱ mumo̱ mli le̱, [37]

⁶ake̱ dšeṅmãdšiaṅbii le̱ hũ dši niyelo̱i le̱ ekomei ke̱ gbomotšo le̱ henii le̱ ekomei ke̱ mei ní awoame̱ ši ye̱ Kristo Iesu mli le̱ hũ ekomei, ye̱ sanekpakpa le̱ hewo̱, [38]

⁷no he sũole̱ dšimi ye̱ Nyoṅmo̱ dromo̱ nikẽnii ni atšõ ehewale̱ nitšumo̱ no̱ aṅõ-hãmi le̱ nã: —

⁸mi ni midši *bibiõ fẽ hetšelo̱i le̱ fẽ le̱, aṅõ ne̱ke̱ dromo̱ ne̱ ahãmi, ake̱ midšadše Kristo †nifále̱ ni anyẽẽ šiši ana ke̱-gbe nā le̱ he sanekpakpa le̱ mitšõ **dšeṅmãdši le̱, [39]

⁹ni mihã mei fẽ ahĩe atšere̱ame̱ ni ame̱le noni dši *tẽmo̱sane ni aṅõ-tē ye̱ Nyoṅmo̱ moni ke̱ Iesu Kristo †bo̱ nii fẽ le̱ mli le̱ gbe̱dšiano̱tõ le̱, [40]

¹⁰koni agbe̱ne̱ atšõ asafo le̱ no̱ ahã *onukpai ke̱ mei ni yo̱ hegbe̱ ye̱ ṅwei-niiaṅ le̱ ale †Nyoṅmo̱ nilẽ ni fá babao le̱, [41]

¹¹ye̱ *nãno̱-yiṅ ni eto ye̱ Kristo Iesu, wo̱-Nuntšo̱ le̱, mli le̱ nā, [42]

¹²*mo hũ ni ene̱ hemo̱-ke̱-yeli mli wo̱tšõ wo̱ná †ekã ke̱ gbe̱ṅmĕ ye̱ hĩe-ke̱-no̱fõ mli le̱. [43]

¹³Nohewo̱ le̱ mīkpa fai, koni nyetšui akafã ye̱ mimanehũlũi ni minaā ye̱ *nyehewo̱ le̱ ahewo̱, edšake̱ nyenum-nyam ni. [44]

¹⁴Ene̱hewo̱ ni midro̱ö̱ minakutšei mi-hāa wo̱-Nuntšo̱ Iesu Kristo tše̱ le̱,

¹⁵ni dši mei fẽ ni atšé̱ame̱ ake̱ bii ye̱ ṅwei ke̱ šikpoṅ le̱ no̱ le̱ atše̱ kro̱ṅṅ le̱,

¹⁶koni ye̱ enumnyam *fále̱ nā le̱ ehã nyetšõ Emumo̱ le̱ no̱ †nyehe awa kpintiṅṅ ye̱ nyemligbomo le̱ gbe̱fãṅ, [45]

¹⁷ni atšó̱ hemo̱-ke̱-yeli no̱ ni *Kristo ahĩ ši ye̱ nyetšuii amli, ni †nyešišifãi amõmo̱ ši ni nye-māmo̱ ši šiṅṅ ye̱ suome̱ mli, [46]

¹⁸koni nyená hewale̱, ni nyeke̱ mei-kroṅkroṅi le̱ fẽ ayo noni dši lē̱mo̱ ke̱ ke̱le̱ ke̱ miikwo̱le̱ ke̱ no̱kwo̱le̱ le̱,

¹⁹ni nyele Kristo suomo̱ ni tá nilẽ fẽ no̱ le̱, koni Nyoṅmo̱ obõyimo̱ le̱ ayimo̱ nyefẽ obõ.

²⁰Ši moni nyẽo̱ efeo̱ ke̱-teke no̱ babaō fe nii fẽ ni wo̱kpaä he fai lo wo̱dſẽṅo̱, ye̱ ehewale̱ ni tšuo̱ nii ye̱ wo̱mli le̱ nã le̱,

²¹le̱ aṅõ anumnyam ahã ye̱ asafo ni ye̱ Kristo Iesu mli ye̱ yino̱i fẽ no̱ ke̱-yaši nãno̱i anãno̱! Amen.