Read luganda Filipibii 3 Bible Online

Filipibii 3 - luganda bible

Filipibii 3

¹Noni eſe̱ le̱, minyemimei, *nyemĩ aše̱a ye̱ Nuntšo̱ le̱ mli! Ké̱ miṅmãnye ne̱ke̱ nii ne̱ noṅṅ le̱, efeemi ahuntō, ši nye le̱ ehãa nyefĩo̱ ši. [37]

²Nyekwe̱a dšogbāṅ ye̱ *gbéi le̱ ahewo̱, nyekwe̱a dšogbāṅ ye̱ nitšulo̱i fõdši le̱ ahewo̱, nyekwe̱a dšogbāṅ ye̱ nāfō le̱ hewo̱! [38]

³Edšake̱ wo̱ mei ni wo̱dšáa Nyoṅmo̱ ye̱ mumo̱ nã, ni wo̱ke̱ wo̱hĩe efõõ helo no̱, ši Kristo Iesu no̱ moṅ wo̱ſãa wo̱fõo̱ le̱, wo̱ moṅ dši ketiafolo̱i le̱; [39]

⁴tše̱bele̱ mi hũ miye̱ noko ye̱ helo gbe̱fãṅ ni kũle̱ mike̱ mihĩe aafõ no̱. Ké̱ efeo̱ moko ake̱ eye̱ noko ni eṅõo̱ ehĩe efõo̱ no̱ ye̱ helo gbe̱fãṅ le̱, minõ fè: [40]

⁵gbī ni dši gbĩ kpãnyo̱ le̱ no̱ afomi ketia, Israel fo̱mo̱ ke̱ Benyamin akutšo le̱ṅ-nyo dšimi, Hebrinyo mli Hebrinyo, ni mla le̱ nā le̱ *Farisifonyo hũ, [41]

⁶mo̱deṅbō̱ gbe̱fãṅ le̱ asafo le̱ yiwalo̱ dšimi, ni mla mli dšale̱ gbe̱fãṅ le̱ mihe be̱ ſamo̱ ko.

⁷Ši kẽle̱ nii ni dši *se̱námo̱ hãmi sá le̱, mibu nomei lãdšemo̱nii ye̱ Kristo hewo̱. [42]

⁸Ši le̱le̱ṅ ake̱ mibuo̱ fẽ lãdšeme̱nii ye̱ Kristo Iesu, mi-Nuntšo̱ le̱, he nilẽ ni fé fẽ ie̱ hewo̱, le̱ ehewo̱ ni nii fẽ ebo̱mi, ni mibuo̱ame̱ ake̱ tumuno̱nii, koni Kristo moṅ afe minõ,

⁹ni anami ye̱ emli, ake̱ mibe̱ midientše̱ midšale̱ ni dše̱ mla mli, ši moṅ noni tšõ Kristo no̱ hemo̱-ke̱-yeli no̱ ni dši dšale̱ ni dše̱ Nyoṅmo̱ deṅ ye̱ hemo̱-ke̱-yeli nā miyo̱, [43]

¹⁰ni malele̱ ke̱ *ešitē le̱ hewale̱ le̱ ke̱ †emanehũlũi le̱ amli nanyobō̱ le̱, ni matamole̱ ye̱ egbĕle le̱ gbe̱fãṅ; [44]

¹¹ake̱ aleenõ minine aaše̱ gbohĩĩašitẽ le̱ no̱ lo.

¹²Dšee ake̱ minine eše̱ no̱ momo alo mihĩ ke̱-wula ši momo, ši mĩtin ni *minine aše̱ no̱, gbĩĩ abo̱ ni Kristo Iesu †nine eše̱ mi hũ mino̱ le̱. [45]

¹³Anyemimei, mibuu mihe ake̱ minine eše̱ no̱, ši nokome ke̱ke̱: nii ni yo̱ se̱gbe̱ le̱ mĩdšie mihĩe ye̱ no̱, ši nii ni yo̱ hĩegbe̱ le̱ ahe moṅ mi-pleo̱,

¹⁴ni mītiu oti le̱ ke̱-yaše̱ Nyoṅmo̱ tšé̱mo̱ ni dše̱ ṅwei ye̱ Kristo Iesu mli le̱ he dšũromo̱nõ le̱ he. [46]

¹⁵Nohewo̱ le̱ mei abo̱ ni *hī ke̱wula ši ye̱ wo̱teṅ le̱, nyehãa wo̱dſẽṅa nakai; ni ké̱ noko ye̱ ni nyedſẽṅo̱ le̱ ekroko le̱, Nyoṅmo̱ aadšie no hũ kpo atšõnye. [47]

¹⁶Ši noni wo̱nine eše̱ no̱ momo le̱, nyehãa wo̱nyiea nakai *susume̱kpã le̱ noṅṅ nā, ni wo̱dſẽṅ nokome. [48]

¹⁷Anyemimei, nyefea minanemei-kaselo̱i, ni mei ni nyieo̱ bo̱ni we̱too̱nye okadi le̱, nyekwe̱aame̱. [49]

¹⁸Edšake̱ mei pĩ nyieo̱, mei ni mikē̱nye ame̱he sane ãhũ ni agbe̱ne̱ hũ mike̱ yāfó mĩkē̱, ake̱ Kristo *se̱ṅmo̱tšo le̱ henye̱lo̱i dšiame̱, [50]

¹⁹ame̱ le̱ ame̱nãgbē dši híekpãtãmo̱, ni *ame̱mũsũ dši ame̱nyoṅmo̱, ni ame̱-hĩegbedšianii amli ame̱numnyam yo̱, ši-kpoṅno̱nii ahe ke̱ke̱ ame̱dſẽṅo̱. [51]

²⁰Ši *wo̱le̱ wo̱maṅ le̱ ṅwei eyo̱, heni wo̱kwe̱o̱ walaherelo̱ ni dši Nuntšo̱ Iesu Kristo le̱ gbe̱ ke̱-dše̱o̱ le̱, [52]

²¹moni batšake wo̱gbomotšo ni hīe be̱ nyam le̱, koni etamo̱ enumnyam-gbomotšo le̱ su, ye̱ ehe-wale̱-nitšumo̱ ni eke̱-nyẽo̱ eṅõo̱ nibii fẽ etoo̱ ešiši hũ le̱ nā le̱. [53]