Read luganda Kolosebii 4 Bible Online

Kolosebii 4 - luganda bible

Kolosebii 4

¹Nye nuntšo̱mei le̱, nyeṅõa noni dša ke̱ noni sa pe̱ nyehãa nyetšũdši le̱, ni nyelea ake̱ nye hũ nyeye̱ nuntšo̱ ye̱ ṅwei. [59]

²*Nyekāa se̱lemo̱ he, ni nyešia kpe ye̱ mli ke̱ šidã; [60]

³ni nyesā *nyeso̱lea nyehãa wo̱ hũ, koni Nyoṅmo̱ †agble wiemo̱ le̱ šĩnā ahãwo̱ ni wo̱ke̱-wie Kristo tēmo̱sane le̱, nõ hewo hũ ni mikã kpã mli ne̱, [61]

⁴koni madšie no ši faṅṅ bo̱ni dša ake̱ mawie le̱.

⁵Nyenyiea ye̱ nilē mli, ye̱ mei ni yo̱ se̱ le̱ ahĩe, ni nyetšu nyedekã le̱ he nii. [62]

⁶Nyehāa nyewiemo̱ he *abaā nyam dā, ni †ṅō ahī mli, ni nyele bo̱ni sa ake̱ nyehãa mofẽmo hetō. [63]

⁷Tihiko, ni dši suomo̱-nyemi ke̱ ano̱-kwa-suolo̱ ke̱ nanyo-tšũlo̱ ye̱ Nuntšo̱ le mli le̱, aagbanye mihe sãdši le̱ fē,

⁸mo hũ ni mitšũ nyeṅõ ye̱ ene̱ noṅṅ hewo̱, koni male nyehe sãdši le̱, ni etšé̱ nyetšui eṅmẽ nyemli, [64]

⁹ni miṅõ *Onesimo ni dši ano̱kwa ke̱ suomo̱ nyemi ni dše̱ nyeteṅ le̱ mifata ehe; āme̱agbanye bie̱ sãdši fē. [65]

¹⁰*Aristarko, minanyo-gbokle̱fonyo le̱, ke̱ Marko ni dši Barnaba nyemibi le̱, mo hewo̱ nl nyená wodši le̱ (ke̱dši eba nyeṅõ le̱, nyehereale̱ hĩemẽ!), [66]

¹¹ke̱ Iesu ni atšē̱o̱le̱ Iusto le̱, mei ni dše̱ ketiafolo̱i le̱ ateṅ le̱, mībinye. Mene̱mei pe̱ dši minanemei-nitšulo̱i ye̱ Nyoṅmo̱ maṅtše̱yeli le̱ hewo̱, ni etšõmo̱ tšuiwō ehãmi.

¹²*Epafra ni dše̱ nyeteṅ ní dši Kristo tšũlo̱ ni dāne̱ epleo̱ nyehe ye̱ eso̱lemo̱i amli, koni nyedamo̱ ši ni nyeye emũ ni nyeyimo̱ obõbõ ye̱ Nyoṅmo̱ suomo̱nãnii fẽ mli le̱, mĩbinye. [67]

¹³Edšake̱ mĩye ehe odase, ake̱ ebo̱ō̱ mo̱deṅ naakpa ye̱ nye ke̱ mei ni yo̱ Laodikea ke̱ mei ni yo̱ Hierapoli le̱ ahewo̱.

¹⁴Luka, tšofãtše̱ ni asumoo̱ le̱, ke̱ Dema mībinye. [68]

¹⁵Wo̱mībi nyemimei ni yo̱ Laodikea le̱, ke̱ Nimfa ke̱ asafo ni yo̱ ewe le̱.

¹⁶Ni ké̱ akane ne̱ke̱ wolo ne̱ ye̱ nyeṅõ le̱, nyehãa akanea ye̱ Laodikea asafo le̱ mli hũ, ni ame̱bã nye hũ nyekane Laodikea nõ le̱.

¹⁷Ni nyekē̱a Arkipo ake̱: Bāmo̱ súomo̱ ni atu owo odeṅ ye̱ Nuntšo̱ le̱ mli le̱ yi, koni ogbe nã kwrā! [69]

¹⁸Mi Paulo dientše̱ *minine nā bimo̱ ni miṅmã ne̱. Nyekaia mikpāi le̱! Dromo̱ le̱ ke̱nye ahī ši! Amen. [70] (Aṅmã ake̱-yahã Kolosebii le̱ ke̱-dše̱ Roma ke̱-tšõ Tihiko ke̱ Onesimo no̱.)