Read luganda Tesalonikabii 1 Bible Online

Tesalonikabii 1 - luganda bible

Tesalonikabii 1

¹Paulo ke̱ *Silvano ke̱ Timoteo ṅmã yahã Tesalonikabii asafo ni yo̱ Nyoṅmo̱, tše̱ le̱, ke̱ Nuntšo̱ Iesu Kristo mli le̱: Dromo̱ ke̱ hedšo̱le̱ ni dše̱ wo̱tše̱ Nyoṅmo̱ le̱ ke̱ Nuntšo̱ Iesu Kristo deṅ le̱ ahãnye! [1]

²Wo̱daä Nyoṅmo̱ ši dā ye̱ nyefẽ nyehewo̱, ni wo̱tšĩo̱nye tā̃ ye̱ wo̱so̱lemo̱i le̱ amli, ni wo̱fõko,

³ni wo̱kaio̱ nyehemo̱-ke̱-yeli nitšumo̱ le̱ ke̱ nyesuomo̱ mo̱deṅbō̱ le̱ ke̱ wo̱-Nuntšo̱ Iesu Kristo he hĩeno̱kãmo̱ mli tšuišitõ le̱ ye̱ Nyoṅmo ke̱ wotše le̱ hĩe, [2]

⁴Edšake̱, anyemimei ni Nyoṅmo̱ su-moo̱, wolo halamo̱ ni ahalanye le̱,

⁵ake̱ wo̱sanekpakpa le̱ baa nyeṅõ ye̱ wiemo̱ mli ke̱ke̱, ši moṅ ye̱ *hewale̱ ke̱ Mumo̱ kroṅkroṅ ke̱ no̱mimā babaō mli, take̱ bo̱ni nyele, bo̱ni wo̱tšõ wo̱ba wo̱dšeṅ ye̱ nyeteṅ ye̱ nyehewo̱ le̱, [3]

⁶Ni nye le̱, nyetšõmo̱ wo̱ke̱ Nuntšo̱ le̱ *kaselo̱i, ake̱-ni nyeke̱ Mumo̱, kroṅ-kroṅ mli mīše̱ mõ wiemo̱ ie̱ mii ye̱ amane-hũlũ babaō mli le̱; [4]

⁷ni ehã nyetšõmo̱ okadii nyehã mei fẽ ni he ye ye̱ *Makedonia ke̱ Akaia le̱. [5]

⁸Edšake̱ nyeṅõ Nuntšo̱ le̱ wiemo̱ le̱ dše̱ ni egbe̱ eſã, dšee ye̱ Makedonia ke̱ Akaia ke̱ke̱, ši moṅ *nyehé ni nyeheo̱ Nyoṅmo̱ no̱ nyeyeo̱ le̱ edšidše ke̱-te he-fẽhe, ni ehĩaawo̱ noko kē̱mo̱ tete, [6]

⁹Edšake̱ ame̱dientše̱ ame̱gbaä bo̱ni wo̱ná nyeteṅgbe̱ wo̱hã ke̱ bo̱ni *nye-kpale ke̱-dše̱ amãgãi ahe ke̱-ba Nyoṅmo̱ ṅõ, ni nyebasumo̱ ano̱kwa Nyoṅmo̱ hĩe-kãlo̱ le̱, [7]

¹⁰ni nyemĩkwe̱ ebi le̱ ni etēle̱ ši ke̱-dše̱ gbohĩĩ ateṅ le̱ gbe̱ ke̱-dše̱ ṅwei, Iesu, ni dšiewo̱ ke̱-dše̱ mlifũ ni baba le̱ mli le̱, [8]