Read luganda Tesalonikabii 4 Bible Online

Tesalonikabii 4 - luganda bible

Tesalonikabii 4

¹Agbe̱ne̱ noni eſe̱ le̱, anyemimei, wo̱-mĩkpanye fai ni wo̱mīwonye ṅã ye̱ Nuntšo̱ Iesu mli, ake̱ bo̱ni nyená ke̱-dše̱ wo̱-deṅ koni sa ake̱ nyeba nyedšeṅ nyehã ni nyesa Nyoṅmo̱ hĩe, ke̱ bo̱ni nyebaä hũ le̱, ni nyeteke no̱ fé tšutšu le̱.

²Edšake̱ nyele nõ kitãi ni wo̱wonye ye̱ Nuntšo̱ Iesu mli le̱.

³Edšake̱ ene̱ dši Nyoṅmo̱ suo-mo̱nānõ, nyehetšemo̱ le̱, ni nyetšĩ nyehe nã ke̱-dše̱ adſamaṅbō̱ mli,

⁴ni nyeteṅ mofẽmo ale le̱dientše̱ *enõ le̱ hĩemo̱ ye̱ hetšemo̱ ke̱ wō mli, [27]

⁵dšee ye̱ ako̱no̱ hĩedō̱ mli, take̱ bo̱ni dšeṅmãdšiaṅbii ni lee Nyoṅmo̱ le̱ feo̱ le̱;

⁶koni moko akaye enyemi amim ni ešišiule̱ ye̱ sane ko mli, edšake̱ ene̱mei fẽ ahe oweleto̱lo̱ dši Nuntšo̱ le̱, take̱ bo̱ni wo̱kē̱nye wo̱to ni wo̱ye be odase le̱.

⁷Edšake̱ Nyoṅmo̱ tšé̱é̱wo̱ ehãã nyã-ṅemo̱-nitšumo̱, ši moṅ hetšemo̱.

⁸Hewo̱ le̱ agbe̱ne̱, moni kwáa le̱, dšee gbomo ko ekwáa, ši moṅ Nyoṅmo̱, moni ṅõ Emumo̱ kroṅkroṅ le̱ ewo nyemli le̱. [28]

⁹Ši *nyemimeiahedō̱ hewo̱ le̱ ehíaa-nye ake̱ aṅmãnye; edšake̱ †nyedientše̱ le̱, Nyoṅmo̱ etšõnye ake̱ nyesumo̱sumō̱ nyehe; [29]

¹⁰edšake̱ nyefeo̱ nakai hũ nyehãa nyemimei fẽ ni yo̱ Makedonia mū le̱ fẽ le̱, ši wo̱mĩkpanye fai, anyemimei, ake̱ nyeteke no̱ fẽ tšutšu le̱;

¹¹ni nyebo̱ mo̱deṅ ni nyehĩ ši diō ni nyehĩe nyedientše̱ nyenitšumo̱ mli ni nyeke̱ nyenidši atšu nii, bo̱ni wo̱wonye kitã le̱, [30]

¹²koni nyeba nyedšeṅ bo̱ni yo̱ fe̱o ye̱ mei ni yo̱ se̱ le̱ ahĩe, ni nokonoko akahĩanye. [31]

¹³Ši, anyemimei, wo̱mīsumo̱ ake̱ nyele mei ni *ewo̱ le̱ ahe sane, koni nyekaye ṅko̱mo̱ tamo̱ mei ni eſe̱ le̱, mei ni be̱ †no̱hĩekãmo̱ ko le̱. [32]

¹⁴Edšake̱ ke̱ wo̱heo̱ wo̱yeo̱ ake̱ Iesu gbo ni ete ši le̱, bĕle̱ nakai noṅṅ Nyo ṅmo̱ batšõ Iesu no̱ aṅõ mei ni ewo̱ le̱ hũ afata ehe ke̱-ba. [33]

¹⁵Edšake̱ we̱mīkē̱nye ene̱ ye̱ Nuntšo̱ le̱ wiemo̱ ko nã, ake̱ wo̱ mei ni wo̱hĩe kãmo̱ ni bafe̱ ye̱ Nuntšo̱ le̱ bãbe le̱ mli le̱, *wo̱tšóṅ mei ni ewo̱ le̱ ahĩe; [34]

¹⁶edšake̱ le̱ Nuntšo̱ le̱ dientše̱ ke̱ ošebō̱ ke̱ ṅweibo̱fonukpa gbē ke̱ Nyo-ṅmo̱ te̱tre̱mantre̱ aadše̱ ṅwei akpleke ši, ni gbohĩī ni yo̱ Kristo mii le̱ tšutšu bate ši, [35]

¹⁷no se̱ le̱ wo̱ mei ni wo̱hĩe kãmo̱ ni eſe̱ le̱, aaša wo̱ke̱ame̱ fẽ ye̱ atatui amli ke̱-ate Nuntšo̱ le̱ kpēmo̱ ye̱ kō̱yo̱ mli, ni nakai *wo̱ke̱ Nuntšo̱ le̱ aayahĩ ši dā. [36]

¹⁸Nohewo̱ le̱ nyeke̱ ne̱ke̱ wiemo̱i ne̱ atšé̱a nyetšui aṅmĕa nyemli