Read luganda Iošua 1 Bible Online

Iošua 1 - luganda bible

Iošua 1

¹Ni eba mli ake̱ Iehowa tšũlo̱ Mose gbẽle se̱ le̱ Iehowa kē̱ Iošua, Nun hi ni dši Mose súolo̱ le̱, ake̱:

²Mitšũlo̱ Mose *egbo, nohewo̱ le̱ agbe̱ne̱ te ši, ni bo ke̱ ne̱ke̱ maṅ mū ne̱ fẽ afo Iordan ne̱ ke̱-ya šikpoṅ ni miṅõ-hãaame̱, Israelbii le̱, no̱. [1]

³Hefẽhe ni nyenaneši aasa le̱, miṅo-hãnye, take̱ bo̱ni mikē̱ Mose mito le̱. [2]

⁴Nyehũsũ dši ke̱-dše̱ ṅã le̱ no̱ ke̱ ne̱ke̱ Lebanon ne̱ he ke̱-yaši fā kpeteṅkple ní dši Eufrate fā le̱ nā, Hitbii ašikpoṅ le̱ fẽ ke̱-yaši ṅšo̱ wulu le̱ nā, ni yo̱ anaigbe̱ le̱ nā.

⁵Mokomoko nyẽṅ ohĩe adamo̱ ye̱ owalagbĩĩ fẽ mli; bo̱ni mike̱ Mose hĩ ši le̱, nakai noṅṅ mike̱o aahĩ ši; *mišĩṅo ni mikwaṅo hũ. [3]

⁶*Wadšemo̱ ohe ni ofe ekã; edšake̱ bo obadša šikpoṅ ni mikã ne̱ke̱ maṅbii ne̱ atše̱mei le̱ akitã ake̱ mike̱-bahãame̱ le̱ mli ohãame̱. [4]

⁷Wadšemo̱ ohe ni ofe ekã dšogbāṅ ke̱ke̱, ní odſẽṅ no̱ ni oye mla le̱ ni mitšũlo̱ Mose woö le̱ fẽ no̱; kādše he *ke̱-mīya ninedšũrõ lo abe̱ku, †beni afe ní ohĩe akã ši ye̱ nofẽno ni ofeo̱ mli. [5]

⁸Kãhã ne̱ke̱ mla wolo ne̱ mli wiemo̱i le̱ mikpa ye̱ odãṅ, ši *dſẽṅmo̱ he nyōṅ ke̱ ſane, koni odſẽṅ no̱ ni ofe tamo̱ bo̱ni aṅmã ye̱ mli le̱ pẽpē̱pe̱; edšake̱ no aahã ofe no̱batše̱ ke̱ hĩešikãlo̱. [6]

⁹Ani dšee mi mifã́o? Wadšemo̱ ohe ni ofe ekã. Kāhã ṅmiṅmi mīmõo, ni asaṅ otšui akafã; edšake̱ Iehowa, o-Nyoṅmo̱ le̱, fĩ ose̱ ye̱ hefẽhe ní oyaä.

¹⁰Ke̱ke̱ ni Iošua wo maṅ le̱ no̱kwe̱lo̱i le̱ akitã ake̱:

¹¹Nyekpaä nsra le̱ mli, ni nyewoa maṅ le̱ kitã ake̱: Nyetaoa gbe̱ no̱ niyenii nyetoa; edšake̱ bie̱ gbĩĩ etẽ le̱ nyebafo Iordan ne̱, ní nyeya nyeyaṅõ šikpoṅ ní Iehowa, nye-Nyoṅmo̱ le̱, ṅõ-hãanye ake̱ nyenõ le̱.

¹²Ni Iošua kē̱ Rubenbii le̱ ke̱ Gadbii le̱ ke̱ Manase akutšo le̱ fã le̱ ake̱:

¹³Nyekaia wiemo̱ ní Iehowa tšũlo̱ *Mose wonye he kitã ake̱: Iehowa, nye-Nyoṅmo̱ le̱, ehãnye hedšole̱ ni eṅõ šikpoṅ ne̱ ehãnye. [7]

¹⁴Nyeṅãmei ke̱ nyebii abifabii ke̱ nyekoloi le̱ ahĩ šikpoṅ ní Mose ṅõ-hãnye ye̱ Iordan se̱ le̱ no̱; ši nye le̱ nyemĩaä ke̱-nyiea nyenyemimei le̱ ahĩe, nye hĩĩ ní eše̱ tayā le̱ fẽ, ní nyeye nyebuaame̱,

¹⁵ke̱-yaši beyino̱ ni Iehowa aahã nyenyemimei le̱ aadšō̱ ame̱he, tamo̱ bo̱ni ehã nyedšē̱ nyehe le̱, ni ame̱ hũ šikpoṅ ni Iehowa, nye-Nyoṅmo̱ le̱, ṅõ-hãame̱ le̱ aaše̱ ame̱deṅ, dãni nyekũ nyese̱ ke̱-ba nyešikpoṅ le̱ ní Iehowa tšũlo̱ Mose ṅõ-hãnye ye̱ Iordan se̱ ye̱ bokãgbè̱ le̱ no̱ ni nyebahĩ no̱.

¹⁶Ni ame̱to he ame̱hã Iošua ake̱: Nofẽno ní owoo̱wo̱ he kitã le̱, wo̱o̱fe, ni hefẽhe ní otšũo̱wo̱ le̱, wo̱o̱te.

¹⁷Boni wo̱bo Mose toi le̱, nakai noṅṅ wo̱o̱bo bo hũ toi; Iehowa, o-Nyoṅmo̱ le̱, ke̱ke̱ ke̱o ahĩ ši, take̱ bo̱ni eke̱ Mose hĩ ši le̱.

¹⁸*Mofẽmo ni aatše owiemo̱ hĩe atũa ní eboṅ ogbē toi ye̱ nofẽno ni oowowo̱ he kitã mli le̱, aagbele̱; *wadšemo̱ ohe ni ofe ekã dšogbāṅ ke̱ke̱! [8]