Read luganda Iošua 13 Bible Online

Iošua 13 - luganda bible

Iošua 13

¹Ni beni Iošua egbo ní eye afii pī le̱, Iehowa kē̱le̱ ake̱: Ogbo̱ ni oye afii pī, ni šikpoṅ ní eſe̱ ní abaṅõ le̱ fá babaō lolo.

²Šikpoṅ ní eſe̱ le̱ ne̱: Filistibii aniiaṅ fẽ ke̱ Gešurbii anõ le̱ fẽ,

³ke̱-dše̱ Šihor ní hoo̱ ye̱ Mizraim hĩe le̱ nā ke̱-yaši Ekron hũsũ le̱ nā ye̱ kōyigbe̱ le̱, abuo̱ no ahãa Kanaanbii le̱, Filistibii le̱ alumei enumo̱ le̱: Gazabii le̱ ke̱ Ašdodbii le̱ ke̱ Aškalonbii le̱ ke̱ Gatbii le̱ ke̱ Ekronbii le̱, ke̱ Avibii le̱ hũ, ye̱ wuoyigbe̱;

⁴Kanaanbii ašikpoṅ le̱ fẽ, ke̱ Meara ni dši Zidonbii le̱ auõ le̱ ke̱-yaši Afek ke̱ Amorbii ahũsũ le̱ nä;

⁵ke̱ Giblibii ašikpoṅ le̱, ke̱ Lebanon mū le̱ fẽ ye̱ bokãgbe̱ le̱, ke̱-dše̱ Baal-Gad ni yo̱ Hermon goṅ le̱ Siši le̱ ke̱-yaši heni atšṍo̱ ke̱-yaā Hamat le̱.

⁶Mei fẽ ni hĩo̱ goṅ le̱ no̱ ke̱-dše̱ Lebanon he ke̱-yaši *Misrefot-Maim nä ni dši Zidonbii le̱ fẽ le̱, midientše̱ mibaſieame̱ ke̱-adše̱ Israelbii le̱ ahĩe; fõ ošiki ke̱ke̱ ni oke̱-dša mli ohã Israel; ní etšṍ ame̱nõ, take̱ bo̱ni miwoö kitã le̱. [95]

⁷Ni agbe̱ne̱ dša ne̱ke̱ šikpoṅ ne̱ mli ohã akutšei ne̱hũ le̱ ke̱ Manase akutšo le̱ fã le̱, ní etšṍ ame̱gbošinii.

⁸Edšake̱ efã le̱ ke̱ *Rubenbii ke̱ Gadbii ená ame̱gbošinii, ni Mose ṅõ-hãame̱ le̱ ye̱ Iordan se̱, ye̱ bokãgbe̱ le̱, tamo̱ bo̱ni Iehowa tšũlo̱ Mose ehãame̱ le̱, [96]

⁹ke̱-dše̱ Aroer ni kã Arnon fā le̱ nā ke̱ maṅ ní kã dšē̱ le̱ teṅ le̱ he, ke̱ Medeba ṅã kplanā le̱ fẽ ke̱-yaši Dibon,

¹⁰ke̱ Amorbii amaṅtše̱ Sihon ni ye maṅtše̱ ye̱ Hešbon le̱ mãdši le̱ fẽ ke̱-yaši Amonbii le̱ ahũsũ le̱ nā,

¹¹ke̱ Gilead ke̱ Gešurbii ke̱ Maakatbii ahũsũ le̱ nä, ke̱ Hermon goṅ le̱ ſẽ ke̱ Bašan fẽ ke̱-yaši Salka;

¹²Og maṅtše̱yelihe ní yo̱ Bašan le̱ fẽ; edšake̱ le̱ eye maṅtše̱ ye̱ Aštarot ke̱ Edrei, ni le̱ dši moni eſe̱ ye̱ oblãṅi ní ſe̱ le̱ ateṅ, edšake̱ Mose gbeame̱ ni eſieame̱.

¹³Ši Israelbii le̱ eſiee Gešurbii ke̱ Maakatbii le̱, nohewo̱ le̱ Gešurbii ke̱ Maakatbii le̱ hĩ ši ye̱ Israel teṅ ke̱-baši ṅme̱ne̱.

¹⁴*Levi akutšo le̱ ke̱ke̱ ni ehããle̱ gbe̱fãṅnõ ko; Iehowa, Israel Nyoṅmo̱ le̱, afo̱lei ní ake̱ la šãa le̱ dši egbe̱fãṅnõ, take̱ bo̱ni ewole̱ ši le̱. [97]

¹⁵Noni Mose ṅõ-hã Rubenbii le̱ akutšo le̱ ye̱ ame̱wekui le̱ anä ne̱: [98]

¹⁶Ame̱hũsũ le̱ dše̱ Aroer ni kã Amon fā le̱ nā ke̱ maṅ ni kã dšē̱ le̱ teṅ le̱, ke̱ Medeba ṅã kplanä le̱ fẽ he,

¹⁷ke̱ Hešbon ke̱ ehe akrowai fẽ ni kãmo̱ ṅã kplanā le̱ no̱ le̱, Dibon ke̱ Bamot-Baal ke̱ Bet-Baal-Meon,

¹⁸ke̱ Iaza ke̱ Kedemot ke̱ Mefaat,

¹⁹ke̱ Kiriataim ke̱ Sibma ke̱ Zeret-Šahar ye̱ dšō̱ le̱ṅ goṅ le̱ no̱,

²⁰ke̱ Bet-Peor ke̱ Pisga hĩeši ke̱ Bet-Iešimot,

²¹ke̱ ṅã kplanā le̱ no̱ mãdši le̱ fẽ, ke̱ Amorbii amaṅtše̱ Sihon maṅtše̱yelihe le̱ fẽ, ni le̱ eye maṅtše̱ ye̱ Hešbon, ni Mose gbele̱ ke̱ Midian onukpai le̱, Evi ke̱ Rekem ke̱ Zur ke̱ Hur ke̱ Reba, ní dši Sihon lumei ní hĩ šikpoṅ le̱ no̱ le̱;

²²ni Israelbii le̱ ke̱ klante gbe *Bileam, Beor bi le̱, ní dši klamo̱ le̱ kũ, ame̱ši mei ni nyõnyõi le̱ ano̱. [99]

²³Ni Rubenbii le̱ ahũsũ dši Iordan ke̱ etoitoii le̱. Ene̱ dši Rubenbii le̱ agbe̱fãṅnõ ye̱ ame̱wekui le̱ anā, mãdši le̱ ke̱ ame̱he akrowai le̱.

²⁴Noni Mose ṅõ-hã Gad akutšo le̱ ni dši Gadbii le̱ ye̱ ame̱wekui le̱ anā ne̱:

²⁵Ame̱hũsũ dši Iazer ke̱ Gilead mãdši le̱ fẽ, ke̱ Amonbii le̱ ašikpoṅ le̱ fã, ke̱-yaši Aroer ni kã Raba hĩe le̱;

²⁶ni ke̱-dše̱ Hešbon ke̱-yaši Ramat-Mizpe ke̱ Betonim, ni ke̱-dše̱ Mahanaim ke̱-yaši Debir hũsũ le̱ nā;

²⁷ke̱ dšē̱ le̱ mli: Bet-Haram ke̱ Bet-Nimra ke̱ Sukot ke̱ Zafon, noni ſe̱ ye̱ Hešbon maṅtše̱ Sihon maṅtše̱yelihe le̱, Iordan ke̱ etoitoii le̱ ke̱-yaši Kineret-ṅšo̱ le̱ nāgbẽ, ye̱ Iordan se̱, ye̱ bokãgbe̱ le̱.

²⁸Ene̱ dši Gadbii le̱ agbe̱fãṅnõ ye̱ ame̱wekui le̱ anā, mãdši le̱ ke̱ ame̱he akrowai le̱.

²⁹Noni Mose ṅõ-hã Manase akutšo fã le̱ hũ, ni etšṍ Manasebii le̱ akutšo fã le̱ nõ ye̱ ame̱wekui le̱ anā ne̱:

³⁰Ame̱hũsũ le̱ dše̱ Mahanaim: Bašan mũ le̱ fẽ, ní dši Bašan maṅtše̱ Og maṅtše̱yelihe le̱ fẽ, ke̱ *Iair akrowai le̱ fẽ ni yo̱ Bašan le̱, mãdši nyoṅmai-ekpa soṅṅ; [100]

³¹ke̱ Gilead fã ke̱ Aštarot ke̱ Edrei, Og ní yo̱ Bašan le̱ maṅtše̱yelihe le̱ mli mãdši le̱, Manase bi Makir bii le̱, ni dši Makir bii le̱ aſã le̱ nõ etšṍ ye̱ ame̱wekui le̱ anā.

³²Mene̱mei dši mei ní Mose hãame̱ ame̱gbe̱fãṅnõ, ye̱ Moab ṅã kplanā le̱ no̱, ye̱ Iordan se̱, ye̱ Ieriko ṅe̱le̱no̱ ye̱ bokãgbe̱ le̱.

³³Ši *Levi akutšo le̱, Mose hããle̱ gbe̱fãṅnõ ko; Iehowa, Israel Nyoṅmo̱ le̱, dši egbe̱fãṅnõ, take̱ bo̱ni ewole̱ ši le̱. [101]