Read luganda Iošua 14 Bible Online

Iošua 14 - luganda bible

Iošua 14

¹Ni ene̱mei dši Israelbii le̱ agbe̱fãṅnii ni ame̱ná ye̱ Kanaan šikpoṅ le̱ no̱, ní oso̱fo *Eleazar ke̱ Iošua, Nun bi le̱, ke̱ Israelbii le̱ akutšei atše̱mei onukpai le̱ dša hãame̱ le̱. [102]

²*Ošiki ame̱fõ ni ame̱ke̱-dša ame̱gbe̱fãṅnii le̱ ame̱hãame̱, take̱ bo̱ni Iehowa tšṍ Mose nine no̱ ewoame̱ kitã ake̱ ahã akutšei ne̱hũ ke̱ fã le̱. [103]

³Edšake̱ Mose ehã akutšei enyo̱ ke̱ fã le̱ ame̱gbe̱fãṅnõ ye̱ Iordan se̱, ši Levibii le̱ ehããame̱ gbe̱fãṅnõ ko ye̱ ame̱teṅ. [104]

⁴Edšake̱ Iosef bii le̱ feo̱ akutšei enyo̱, Manase ke̱ Efraim; ši ame̱hãã Levibii le̱ gbe̱fãṅnõ ko ye̱ šikpoṅ le̱ no̱, ake̱ dša *mãdši ní ame̱ahĩ mli ke̱ ame̱hewo̱hewo̱ šikpõdši hã ame̱koloi ke̱ ame̱nibii le̱. [105]

⁵Bo̱ni Iehowa wo Mose kitã le̱, nakai Israelbii le̱ fe, ni ame̱dša šikpoṅ le̱ mli.

⁶Ni Iudabii le̱ tši be̱ṅke̱ Iošua ye̱ Gilgal, ni Iefune bi Kaleb, Keniznyo le̱, kē̱le̱ ake̱: Bodientše̱ ole wiemo̱ ni *Iehowa ke̱ Nyoṅmo̱ gbomo Mose le̱ wie ye̱ mihewo̱ ke̱ ohewo̱ ye̱ Kadeš-Barnea le̱. [106]

⁷Afii nyoṅmai-edſe̱ miye, beni Iehowa tšũlo̱ Mose tšũmi ke̱-dše̱ Kadeš-Barnea, ni miyasra šikpoṅ le̱, ni mibahãle̱ wiemo̱ ekoṅ, bo̱ni yo̱ mitšui nā le̱. [107]

⁸Ši minyemimei ní ke̱mi te le̱ hã maṅ le̱ tšui fã; ši mi le̱ miho Iehowa, mi-Nyoṅmo̱ le̱, toi ke̱-wula ši.

⁹Ni Mose kã kitã ye̱ nakai gbĩ le̱ no̱ ake̱: Šikpoṅ ní onane eyanyie no̱ le̱, ke̱-dšee bo ke̱ obii agbe̱fãṅnõ eetšṍ ke̱-ya näno̱, fĩ! edšake̱ obo Iehowa, mi-Nyoṅmo̱ le̱, toi ke̱-wula ši!

¹⁰Ni agbe̱ne̱, na, Iehowa ehã miyi ená wala, take̱ bo̱ni ekē̱ le̱, ne̱ke̱ afii nyoṅmai-edſe̱ ke̱ enumo̱ ne̱, ke̱-dše̱ beyino̱ ní Iehowa ke̱ Mose wie ne̱ke̱ wiemo̱ ne̱, beni Israelbii le̱ nyie ṅã le̱ no̱ le̱. Ni agbe̱ne̱, na, ṅme̱ne̱ gbĩ ne̱ miye afii nyoṅmai-kpānyo̱ ke̱ enumo̱.

¹¹Kẽle̱ *miye̱ hewale̱ ṅme̱ne̱ gbĩ ne̱ lolo, tamo̱ bo̱ni miyo̱ gbĩ ní Mose tšũmi le̱; bo̱ni mihewale̱ yo̱ no be le̱ mli le̱, nakai noṅṅ eyo̱ ṅme̱ne̱ ne̱ ye̱ tawū mli dšio, ye̱ yã ke̱ bã mli dšio, [108]

¹²Nohewo̱ le̱ agbe̱ne̱, ṅõ ne̱ke̱ goṅ ne̱ ní Iehowa wie he ye̱ nakai gbĩ le̱ no̱ le̱ ohãmi; edšake̱ nakai gbĩ le̱ bodientše̱ onu; edšake̱ Anakbii ye̱ dše̱i ke̱ mãdši wudši ní atſa gbogboi awo he; ekole̱ Iehowa aafata mihe, ní maſieame̱, take̱ bo̱ni Iehowa wie le̱. [109]

¹³Ni Iošua dšō̱le̱, ni eṅõ *Hebron ehã Kaleb, Iefune bi le̱, ake̱ egbe̱fãṅnõ. [110]

¹⁴Nohewo̱ le̱ Hebron tšo Kaleb, Iefune bi Keniznyo le̱, gbe̱fãṅnõ ke̱-baši ṅme̱ne̱, edšake̱ ebo Iehowa, Israel Nyoṅmo̱ le̱, toi ke̱-wula ši.

¹⁵Ni sá le̱ Hebron gbe̱i dši Kiriat-Arba; ni le̱ dši gbomo agbo ye̱ Anakbii le̱ ateṅ. Ni *šikpoṅ le̱ no̱ dšo̱ ni tawū se̱ fo. [111]