Read luganda Iošua 16 Bible Online

Iošua 16 - luganda bible

Iošua 16

¹Ni Iosefbii le̱ ná ame̱gbe̱fãṅnõ ke̱-dše̱ Iordan nã ye̱ Ieriko ṅe̱le̱no̱, ke̱-dše̱ Ieriko nui le̱ anā ye̱ bokãgbe̱ ke̱-tšṍ ṅã ní dše̱ Ieriko, ni ewó enā no̱ ke̱-te gõdši le̱ ano̱ ye̱ Betel le̱ no̱.

²Ni edše̱ Betel ke̱-te Luz, ni etšṍ Arkibii ahũsũ le̱ no̱ ke̱-te Atarot;

³ni emã eyi ši ke̱-tšó anaigbe̱ ke̱-te Iafletbii ahũsũ le̱ he ke̱-yaši Bet-Horon ni yo̱ šišigbe̱ le̱ āhũ ke̱-yaši Gezer, Ni enā yamõ anai ṅšo̱ le̱.

⁴Ni Iosefbii Manase ke̱ Efraim le̱ agbe̱fãṅnõ ni ame̱ná ne̱.

⁵Ni Efraimbii le̱ ahũsũi ye̱ ame̱wekui le̱ anā ne̱: ame̱gbe̱fãṅnõ le̱ bokãgbe̱ hũsũ dši Atarot-Adar ke̱-yaši Bet-Horon ni yo̱ yiteṅgbe̱ le̱.

⁶Ni hũsũ le̱ ho ke̱-te anaigbe̱ ye̱ Mikmetat kōyigoe̱, ni elo̱go̱ ši ke̱-te Taanat-Šilo bokãgbe̱, ni etšṍ dše̱i ke̱-yadše Ianoha bokãgbe̱,

⁷ni edše̱ Ianoha ekpleke ši ke̱-te Atarot ke̱ Naarat, ni ešrã Ieriko he ke̱-yamõ Iordan nā.

⁸Ni hũsũ le̱ dše̱ Tapua ke̱-te anaigbe̱ ye̱ Kana fā le̱ nā, ni enā yamõ ṅšo̱ le̱. Ene̱ dši Efraimbii le̱ agbe̱fãṅnõ ye̱ ame̱wekui le̱ anā;

⁹ke̱ mãdši ni adšie ke̱-dše̱ Manasebii le̱ akutšo le̱ gbe̱fãṅnõ le̱ mli ahã Efraimbii le̱, mãdši le̱ fẽ ke̱ ame̱he akrowai. [124]

¹⁰Ši ame̱ſiee Kanaanbii ni yo̱ Gezer le̱, nohewo̱ le̱ Kanaanbii le̱ hĩ Efraim teṅ ke̱-baši ṅme̱ne̱, ni ame̱súmo̱ame̱. [125]