Read luganda Iošua 17 Bible Online

Iošua 17 - luganda bible

Iošua 17

¹Ni Manase akutšo le̱ ošiki ne̱, edšake̱ le̱ dši Ioseſ kromo̱bi; ni Manase kromo̱bi Makir ni dši Gilead tše̱ le̱, le̱ le̱ tawulo̱ dšile̱, hewo̱ le̱ Gilead ke̱ Bašan tšṍ enõ. [126]

²Ni Manasebii ni eſe̱ le̱ ná ame̱gbe̱fãṅnõ ye̱ ame̱wekumei le̱ anä, no dši Abiezer bii le̱ ke̱ Helek bii le̱ ke̱ Asriel bii le̱ ke̱ Šekem bii le̱ ke̱ Hefer bii le̱ ke̱ Šemida bii le̱; mene̱mei dši Iosef bi Manase bihĩĩ le̱ ye̱ ame̱wekui le̱ anā.

³Ši Manase bi Makir bi Gilead bi Hefer bi *Zelofehad le̱ be̱ bihĩĩ, ši biyei ke̱ke̱ eyo̱; ni ebiyei le̱ agbe̱ii ne̱: Mala ke̱ Noa ke̱ Hogla ke̱ Milka ke̱ Tirza. [127]

⁴Ni ame̱tši ame̱ba oso̱fo Eleazar ke̱ Iošua, Nun bi le̱, ke̱ lumei le̱ ahĩe ame̱bakē̱ ake̱: Iehowa wo Mose kitã ake̱ ahãwo̱ wo̱gbe̱fãṅnõ ye̱ wo̱nyemimeihĩĩ le̱ ateṅ. Ni ehãame̱ ame̱gbe̱fãṅnõ ye̱ ame̱tše̱ nyemimeihĩĩ le̱ ateṅ ye̱ Iehowa wiemo le̱ nā.

⁵Ni Manase ná susumo̱ kpãi aafe nyoṅma, sŏro Gilead ke̱ Bašan šikpoṅ le̱ ní yo̱ Iordan se̱ le̱;

⁶edšake̱ Manase biyei le̱, ná ame̱gbe̱fãṅnõ ye̱ ebihĩĩ le̱ ateṅ, ni Gilead šikpoṅ le̱ tšṍ Manase bii ní efe̱ le̱ anõ.

⁷Ni Manase hũsũ le̱ dše̱ Ašer ke̱-te Mikmetat ní yo̱ Šekem hĩe le̱, ni hũsũ le̱ nyie no̱ ke̱-te wuoyigbe̱ ye̱ En-Tapua bii le̱ amase̱i.

⁸Tapua šikpoṅ le̱ tšṍ Manase nõ; ši Tapua [maṅ] ní yo̱ Manase hũsũ le̱ no̱ le̱ Efraimbii le̱ anõ ni.

⁹Ni hũsũ le̱ mã eyi ši ke̱-te Kana fā le̱ nā ye̱ fā le̱ wuoyigbe̱; ne̱ke̱ mãdši ne̱ tšṍmo̱ Efraim nii *ye̱ Manase mãdši le̱ ateṅ, ni Manase hũsũ le̱ kã fā le̱ kōyigbe̱, ni enä yamõ ṅšo̱ le̱. [128]

¹⁰Wuoyigbe̱ le̱ Efraim nõ ni, ni kōyigbe̱ le̱ Manase nõ ni, ni ṅšo̱ le̱ dši ehũsũ. Ni ame̱ke̱ Ašer dše hũsũ ye̱ kōyigbe̱, ni ame̱ke̱ Isakar dše hũsũ ye̱ bokãgbe̱.

¹¹Ni mãdši ni *Manase ná ye̱ Isakar ke̱ Ašer teṅ le̱ ne̱: Bet-Šean ke̱ ehe mã-dši le̱, Ibleam ke̱ ehe mãdši le̱, Dorbii ke̱ ame̱mãdši le̱, †En-Dorbii ke̱ ame̱-mãdši le̱, Taanakbii ke̱ ame̱mãdši le̱ ke̱ Megidobii ke̱ ame̱mãdši le̱; šikpõdši sro̱toi etẽ. [129]

¹²Ši Manasebii le̱ *nyẽẽ ne̱ke̱ mãdši ne̱ amli bii le̱ ame̱ſie, nohewo̱ le̱ Kanaanbii le̱ ná hegbe̱ hĩ nakai šikpoṅ le̱ no̱. [130]

¹³Ni eba mli ake̱, heni Israelbii le̱ ahe bawa le̱, ame̱ṅõ Kanaanbii le̱ ame̱wo súomo̱ mli; ši ſiemo̱ ni ame̱ſieeame̱. [131]

¹⁴Ke̱ke̱ ni Iosefbii le̱ bakē̱ Iošua ake̱: Mẽba ohãmi mlidšä kome ke̱ susumo̱ kpã kome pe̱ ake̱ migbe̱fãṅnõ? Ni ole ake̱ maṅ wulu dšimi ní Iehowa edšō̱mi ke̱-baši bene̱ le̱!

¹⁵Ni Iošua kē̱ame̱ ake̱: Ke̱dši nyeyi fá tšṍ le̱, te ši ní oya kō le̱ mli, ni oyagba Perizbii le̱ ke̱ oblãṅi ašikpoṅ le̱ eko ohã ohe, edšake̱ ohoo Efraim gõdši le̱ ano̱!

¹⁶Ni Iosefbii le̱ kē̱ ake̱: Gõdši le̱ ano̱ šikpoṅ le̱ fáá hããwo̱, ni asaṅ Kanaanbii ní yo̱ dšō̱ le̱ṅ šikpoṅ le̱ no̱ le̱ fẽ ye̱ dade ſīlii, mei ni yo̱ Bet-Šean ke̱ ehe mãdši le amli le ke̱ mei ní yo̱ Iezreel dšō̱ le̱ṅ le̱ fẽ.

¹⁷Ni Iošua kē̱ Iosef we le̱ ni dši Efraim ke̱ Manase le̱ ake̱: Maṅ wulu dšio ni oye̱ hewale̱ naakpa, dšee mlidša kome ke̱ke̱ aatšṍ onõ;

¹⁸ši moṅ goṅ le̱ no̱ aatšṍ onõ, edšake̱ kō ye̱ no̱, ni ogba ohã ohe, ni etšṍ onõ ke̱ hei ní tšara no̱ le̱; edšake̱ kē̱ Kanaanbii le̱ ye̱ dade ſīlii ni ame̱he wa po le̱ ooſieame̱ kẽ.