Read luganda Iošua 2 Bible Online

Iošua 2 - luganda bible

Iošua 2

¹Ni Iošua, Nun bi le̱, tšũ hĩĩ sralo̱i enyo̱ ke̱-dše̱ Šitim nĩgī̃, ni ekē̱: Nyeyaä ní nyeyakwe̱a šikpoṅ le̱ ke̱ Ieriko! Ni ame̱yiṅ ame̱te, ni ame̱ba *yō adſamaṅ ko ni atšē̱o̱le̱ Rahab le̱ we, ni ame̱yato dše̱i. [9]

²Ni ayakē̱ Ieriko maṅtše̱ le̱ ake̱: Na, hĩĩ komei eba bie̱ nyõ ne̱ṅ, ame̱dše̱ Israelbii le̱ ateṅ, ni ame̱basra šikpoṅ le̱.

³Ni Ieriko maṅtše̱ le̱ tšũ ke̱-te Rahab ṅõ ayakē̱le̱ ake̱: Dšiemo̱ hĩĩ le̱ ní ba oṅõ, ni ame̱bato owe le̱, ke̱-ba; edšake̱ ame̱ba šikpoṅ le̱ fẽ sramo̱!

⁴Ni yō le̱ ṅõ hĩĩ enyo̱ le̱ ni eke̱ame̱ yatē, ni ekē̱: Ye̱ṅ, hĩĩ le̱ ba miṅõ, ši mileo heni ame̱dše̱.

⁵Ni eba mli ake̱, beni dše ena ni abaṅã́ agbó le̱, ni hĩĩ le̱ dše kpo; ši mileo heni hĩĩ le̱ te; nyetiuaame̱ mrãmrã, ni nyeaninaame̱!

⁶Ši eṅõame̱ ke̱-te tšũ le̱ yiteṅ, ni eke̱ame̱ eyatē ye̱ gblo̱ ni eka ye̱ tšũ le̱ yiteṅ le̱ šiši.

⁷Ni hĩĩ le̱ tiuame̱ ke̱-tšã́ Iordan nā gbe̱ le̱ ke̱-te fā fōhe le̱, ni amrõ ni mei ni tiuame̱ le̱ dše kpo pe̱ ni aṅã́ agbó le̱.

⁸Ši ame̱náko ame̱kãmo̱ ši ni yō le̱ te ame̱ṅõ ye̱ tšũ le̱ yiteṅ,

⁹ni ekē̱ hĩĩ le̱ ake̱: Mile ake̱ Iehowa eṅõ šikpoṅ le̱ ehãnye, ni *nyehe ṅmiṅmi emõmo̱wo̱, ni šikpoṅ le̱ no̱ bii fẽ tšui mĩfã nyeno̱. [10]

¹⁰Edšake̱ wo̱nu, bo̱ni Iehowa hã *Nšo̱-tšuru le̱ mli nu gbĩ ye̱ nyehĩe, beni nyedše Mizraim le̱, ke̱ noni †nyefe Amorbii amaṅtše̱mei enyo̱ ni yo̱ Iordan se̱ le̱, Sihon ke̱ Og, mei ní nyefeame̱ musu le̱. [11]

¹¹Ni amrõ ni wo̱nu le̱, *wo̱tšui fã, ni ekã be̱ nū ko nū ko mli doṅṅ ye̱ nyehewo̱; edšake̱ †Iehowa, nye-Nyoṅmo̱ le̱, le̱ dši Nyoṅmo̱ ye̱ ṅwei ní yo̱ ṅwei šoṅṅ le̱ ke̱ šikpoṅ ni yo̱ šiši le̱ no̱. [12]

¹²Nohewo̱ le̱ agbe̱ne̱, mīkpanye fai, nyenaä Iehowa nyetšõami ake̱ gbĩĩabo̱ ní mifenye edšũrõ ne̱, nye hũ *nyeafe mitše̱ we le̱ edšũro nakai, ni nyetšõmi ano̱kwa okadi ko, [13]

¹³ake̱ nyeahere mitše̱ ke̱ minye ke̱ minyemimeihīĩ ke̱ minyemimeiyei ke̱ nii fẽ ní ame̱yo̱ le̱ ayiwala, ni nyedšie wo̱susumai ke̱-dše̱ gbĕle mli!

¹⁴Ni hĩĩ le̱ kē̱ yō le̱ ake̱: Ke̱dši nyeyadšieewo̱ ši le̱, no le̱ wo̱ke̱ wo̱wala aatšake nyenõ; ni aaba mli ake̱, ké̱ Iehowa ṅõ šikpoṅ le̱ ehãwo̱ le̱, we̱ke̱o aaye ye̱ mo̱bo̱nale̱ ke̱ ano̱kwale nā!

¹⁵Ke̱ke̱ ni yō le̱ šiame̱ ke̱ tãṅkpẽ ke̱-tšṍ samfle̱-mli ke̱-yimo̱ ši, edšake̱ ewe le̱ mã maṅ le̱ gbogbo no̱, ni gbogbo le̱ no̱ noṅṅ ehĩo̱.

¹⁶Ni ekē̱ame̱ ake̱: Nyeyaã goṅ le̱ no̱, koni tiulo̱i le̱ ke̱nye akakpe, ni nyetē nyehe ye̱ dše̱i gbĩĩ etẽ ke̱-yaši beyino̱ ni tiulo̱i le̱ aakũ ame̱se̱, ni no se̱ dãni nyeyi gbe̱.

¹⁷Ni hĩĩ le̱ kē̱le̱ ake̱: Kitã ni ohã wo̱kão ne̱ wo̱he badše mli:

¹⁸na, ké̱ wo̱baše̱ šikpoṅ le̱ no̱ le̱, oke̱ ne̱ke̱ kpã tšuru tãṅkpẽ ne̱ afi samfle̱ ní oke̱wo̱ tšṍ mli yimo̱ ši le̱ he, ni obua otše̱ ke̱ onye ke̱ onyemimei ke̱ otše̱ we le̱ fẽ nã ye̱ oṅõ ye̱ owe le̱;

¹⁹ni aaba mli ake̱ mofẽmo ni aadše̱ owe le̱ šĩnā le̱ ši adše kpo ayi blohũṅ le̱, elã abua eyiteṅ, ni sõ ko tẽreewo̱; ši mofẽmo ni yo̱ oṅõ ye̱ owe le̱, ke̱dši moko nine ta ehe le̱, no le̱ elã abua wo̱yiteṅ.

²⁰Ši ke̱dši oyadšiewo̱ ši le̱, no le̱ wo̱he edše kitã ní ohã wo̱kão ne̱ mli.

²¹Ni ekē̱: Bo̱ni nyekē̱ ne̱, afe nakai! Ni ewoame̱ gbe̱ ni ame̱te. Ni eṅõ tãṅkpẽ tšuru le̱ efĩ samfle̱ le̱ he.

²²Ni ame̱yiṅ ni ame̱yaše̱ goṅ le̱ no̱, ni ame̱hī dše̱i gbĩĩ etẽ ke̱-yaši beyino̱ ni tiulo̱i le̱ kũ ame̱se̱. Ni tiulo̱i le̱ taoame̱ ye̱ gbe̱ le̱ no̱ fẽ, ši ame̱naa-ame̱.

²³Ke̱ke̱ ni hĩĩ enyo̱ le̱ kũ ame̱se̱ ni ame̱kpleke goṅ le̱, ni ame̱fo fā le̱, ni ame̱ba Iošua, Nun bi le̱, ṅõ, ni ame̱ba-gbale̱ sãdši ni ba ame̱no̱ le̱ fẽ.

²⁴Ni ame̱kē̱ Iošua ake̱: Iehowa etu šikpoṅ le̱ fẽ ewo we̱deṅ le̱le̱ṅ, ni asaṅ šikpoṅ le̱ no̱ bii le̱ atšui mīfã wo̱no̱. [14]