Read luganda Iošua 20 Bible Online

Iošua 20 - luganda bible

Iošua 20

¹Ni Iehowa ke̱ Iošua wie ekē̱:

²Kē̱mo̱ Israelbii le̱ ake̱: Nyehalaā ahobã-mãdši nyetoa, tamo̱ bo̱ni mitšṍ *Mose no̱ mike̱nye wie le̱, [147]

³koni gbomogbelo̱ ni nine aayakpa ye̱ moko no̱ ní dšee kwa ekwa le̱ adšo foi ke̱-ya dše̱i, koni ame̱tšṍmo̱ nyebobāhei ke̱-dše̱ lá he oweleto̱lo̱ le̱ deṅ.

⁴Ni moni aadšo foi ke̱-ate ne̱ke̱ mã-dši ne̱ eko mli le̱ ayadamo̱ maṅ le̱ agbó le̱ nā, ni edšadše esane le̱ etšõ nakai mã le̱ṅ onukpai le̱; ni ame̱ṅõle̱ ke̱-ba ame̱ṅõ ye̱ mã le̱ṅ, ni ame̱hãle̱ hĩle̱he ko, koni eke̱ame̱ ahĩ ši.

⁵Ni ke̱dši lá he oweleto̱lo̱ le̱ tiule̱ ke̱-ba le̱, no le̱ ame̱kadšie gbomogbelo̱ le̱ ame̱hãle̱; edšake̱ dšee kwa ekwa etſa enanyo le̱ nõ, ni asaṅ enye̱e̱le̱ etoo.

⁶Ši ehĩ ši ye̱ nakai mã le̱ṅ ke̱-yaši beyino̱ ni eeyadamo̱ asafo le̱ hĩe ní aako-dšole̱, ke̱-yaši beyino̱ ni nakai be le̱ mli oso̱fonukpa le̱ aagbo; no se̱ dãni gbomogbelo̱ le̱ akũ ese̱ ke̱-ya le̱dientše emaṅ ke̱ le̱dientše ewe ye̱ maṅ beni edšo foi ke̱-dše̱ le̱.

⁷Ke̱ke̱ ni ame̱dšō̱ *Kedeš ye̱ Galilea ye̱ Naftali gõdši le̱ ano̱ ke̱ Šekem ye̱ Efraim gõdši le̱ ano̱ ke̱ †Kiriat-Arba ní dši Hebron ní yo̱ Iuda gõdši le̱ ano̱ le̱ no̱ ame̱hã. [148]

⁸Ni Iordan se̱ ye̱ Ieriko ṅe̱le̱no̱ ke̱-yaä bokãgbe̱ le̱ ame̱hala Bezer ye̱ šikpoṅ tre̱nē̱ le̱ no̱ ṅã le̱ no̱ ke̱-dše̱ Ruben akutšo le̱ mli, ke̱ Ramot ní yo̱ Gilead le̱ ke̱-dše̱ Gad akutšo le̱ mli, ke̱ Golan ni yo̱ Bašan le̱ ke̱-dše̱ Manase akutšo le̱ mli. [149]

⁹Ene̱mei dši mãdši ni ahala ahã Israelbii le̱ fẽ ke̱ gbo̱ ní aabatoame̱ le̱, koni mofẽmo ní nine aakpa ye̱ moko no̱ le̱ adšo foi ke̱-ya dše̱i, ní lá he oweleto̱lo̱ le̱ akagbele̱ ke̱-yaši beyino̱ ni eeyadamo̱ asafo le̱ hĩe.