Read luganda Iošua 22 Bible Online

Iošua 22 - luganda bible

Iošua 22

¹Ke̱ke̱ ni Iošua tšé̱ Rubenbii ke̱ Gadbii ke̱ Manase akutšo le̱ fã le̱,

²ni ekē̱ame̱ ake̱: Nyeye kitãi ſẽ ni Iehowa tšũlo̱ Mose *wonye le̱ no̱, ni nyebo migbē toi ye̱ nofēno ní miwonye he kitã le̱ mli. [163]

³Gbĩĩ babaō ne̱ mli fẽ le̱ nyešĩĩ nyenyemimei le̱ ke̱-baši ṅme̱ne̱ gbĩ ne̱, ni nyeye Iehowa, nye-Nyoṅmo̱ le̱, kitã le̱ no̱ pe̱pē̱pe̱.

⁴Ni agbe̱ne̱ le̱ Iehowa, nye-Nyoṅmo̱ le̱, ehã nyenyemimei le̱ hedšē̱mo̱, take̱ bo̱ni ewoame̱ ši le̱; nohewo̱ le̱ agbe̱ne̱ nyekũa nyese̱ nyeyaä nyebūi le̱ amli ye̱ nyedientše̱ nyešikpoṅ ni Iehowa tšũlo̱ Mose ṅõ-hãnye ye̱ Iordan se̱ le̱ no̱.

⁵Ši nyehe no̱ ke̱ke̱ nyekwe̱a ní ahĩa, koni nyeye kitã ke̱ mla ni Iehowa tšũlo̱ Mose wonye le̱ no̱, ní nyesumo̱ Iehowa, nye-Nyoṅmo̱ le̱, ní nyenyie egbè̱i le̱ fẽ no̱, ni nyeye ekitãi le̱ ano̱, ni nyekpe̱te̱ ehe, ni nyesúmo̱le̱ ke̱ nyetšui fẽ ke̱ nyesusuma fẽ.

⁶Ni Iošua dsō̱ame̱, ni ewoame̱ gbe̱, ni ame̱yiṅ ame̱te ame̱būi le̱ amli.

⁷Ši Manase akutšo le̱ fã kome le̱, Mose ehãame̱ ame̱gbe̱fãṅnõ ye̱ Bašan, ni fã kroko le̱, Iošua hãame̱ ame̱nõ ye̱ ame̱nyemimei le̱ ateṅ ye̱ Iordan se̱ ye̱ anaigbe̱. Ni beni Iošua woe̱ame̱ gbe̱ ni ame̱ya ame̱būi le̱ amli le̱, edšō̱ame̱,

⁸ni ekē̱ame̱ ake̱: Nibii babaō nyeke̱-kũo̱ nyese̱ ke̱-ya nyebūi le̱ amli ne̱: ke̱ koloi babaō dientše̱, ke̱ dſie̱te̱i ke̱ šika ke̱ akō̱ble ke̱ dade ke̱ mamai pī dientše̱; nyeke̱ nyenyemimei le̱ ayadšaä nyehenye̱lo̱i le̱ anihānii le̱ amli! [164]

⁹Ke̱ke̱ ni Rubenbii le̱ ke̱ Gadbii le̱ ke̱ Manase akutšo le̱ fã le̱ kũ ame̱se̱ ni ame̱yiṅ ke̱-dše̱ Israelbii le̱ aṅõ ye̱ Šilo ye̱ Kanaan šikpoṅ le̱ no̱, koni ame̱ya Gilead šikpoṅ ni dši ame̱gbe̱fãṅnõ ní ame̱na ye̱ Iehowa wiemo̱ ni etšṍ Mose no̱ ewie le̱ nā le̱ no̱.

¹⁰Ni beni ame̱baše̱ Iordan niiaṅ ye̱ Kanaan šikpoṅ le̱ no̱ gbe̱ le̱, Rubenbii le̱ ke̱ Gadbii le̱ ke̱ Manase akutšo le̱ fã le̱ mã afo̱lešãlate̱ ye̱ dše̱i ye̱ Iordan nä, afo̱lešãlate̱ kpeteṅkple ní sa ake̱ akwe̱.

¹¹Ni Israelbii le̱ nu ake̱: Na, Rubenbii le̱ ke̱ Gadbii le̱ ke̱ Manase akutšo le̱ fã le̱ emã afo̱lešãlate̱ ye̱ Kanaan šikpoṅ le̱ no̱ ye̱ Iordan niiaṅ ye̱ Israelbii le̱ anõ le̱ mli.

¹²Ni beni Israelbii le̱ nu le̱, ame̱bua Israelbii le̱ asafo mū le̱ fẽ nā ye̱ Šilo, ake̱ ame̱mīya ame̱ke̱ame̱ ayawu.

¹³Ni Israelbii le̱ tšũ oso̱fo Eleazar bi *Pinehas ke̱-te Rubenbii le̱ ke̱ Gadbii le̱ ke̱ Manase akutšo le̱ fã le̱ ṅõ ye̱ Gilead šikpoṅ le̱ no̱, [165]

¹⁴ni ame̱ṅõ lumei nyoṅma ame̱fata ehe, Israel akutšei le̱ fẽ mli tše̱mei awei komekome no̱ le̱ lumo kome, ni ame̱teṅ mofẽmo dši ame̱tše̱mei awe le̱ no̱ onukpa ye̱ Israel akpekpei le̱ ateṅ.

¹⁵Ni ame̱te Rubenbii le̱ ke̱ Gadbii le̱ ke̱ Manase akutšo le̱ fã le̱ ṅõ ye̱ Gilead šikpoṅ le̱ no̱, ni ame̱ke̱ame̱ yawie ame̱kē̱:

¹⁶Bo̱ni Iehowa asafo mū le̱ fẽ kē̱ ne̱: Mẽ tõ nyeto Israel Nyoṅmo̱ le̱ no̱ ne̱, ni nyekpale ṅme̱ne̱ gbĩ ne̱ ke̱-dše̱ Iehowa se̱, ake̱-ni nyemã nyedientše̱ nye-folešãlate̱, ni nyetše Iehowa hĩe atũa ṅme̱ne̱ gbĩ ne̱! [166]

¹⁷Ani Peor *no̱tõmo̱ le̱, ni wo̱náko we̱tšū wo̱he ke̱-dše̱ mli ke̱-baši ṅme̱ne̱ gbĩ ne̱, tše̱bele̱ Iehowa asafo le̱ na amanehũlũ ye̱ he le̱, fáá hããwo̱? [167]

¹⁸Hewo̱ ni nyekpaleo̱ ṅme̱ne̱ gbĩ ne̱ ke̱-dše̱ Iehowa se̱; ni aaba mli ake̱, ké̱ nyetše Iehowa hĩe atũa ṅme̱ne̱ le̱, wó̱ le̱ emli aafũ awo Israel asafo mū le̱ fẽ!

¹⁹Ši ké̱ nyesusuo̱ ake̱ šikpoṅ ní aṅõ-hãnye le̱ he tšee le̱, no le̱ nyefoa mli ke̱-baä Iehowa gbe̱fãṅ šikpoṅ le̱ no̱, heni Iehowa sihĩle̱he le̱ yo̱ le̱, ni nyena nye-gbe̱fãṅnii ye̱ wo̱teṅ; ši nyekatšea Iehowa hĩe atũa, ni nyekatšea wo̱ hũ wo̱hĩe atũa, ní nyemã nyedientše̱ nyefo̱lešãlate̱ ye̱ Iehowa, wo̱-Nyoṅmo̱ le̱, afo̱lešãlate̱ le̱ se̱!

²⁰Nto Zera bi *Akan le̱ yato ye̱ musunii le̱ agbe̱fãṅ le̱, ni mlifũ bakã Israel asafo mū le̱ fẽ no̱, ni dšee ekome ke̱ke̱ ehĩe kpãtã ye̱ etomo̱ le̱ hewo̱? [168]

²¹Ni Rubenbii le̱ ke̱ Gadbii le̱ ke̱ Manase akutšo le̱ fã le̱ here no̱ ni ame̱kē̱ Israel akpekpei le̱ ano̱ *onukpai le̱ ake̱: [169]

²²Nānyoṅmo̱ Mawu Iehowa, Nānyoṅmo̱ Mawu Iehowa, le̱ dši moni le, ni Israel hũ aale: ke̱dši atũatšemo̱ mli, alo Iehowa no̱tõmo̱ mli wo̱fe ye̱ le̱, kãhere wo̱yiwala ṅme̱ne̱ gbĩ ne̱!

²³Ké̱ afo̱lešãlate̱ le̱ wo̱mã wo̱hã wo̱-he, koni wo̱fõ Iehowa se̱ nyiemo̱ dšio, alo koni wo̱šã šã-afole lo niyenii-afo̱le ye̱ no̱, alo wo̱šã šidā-afo̱lei ye̱ no̱ dšio, no le̱ Iehowa dientse̱ abi ši!

²⁴Ni ké̱ dšee ne̱ke̱ sane ne̱ he gbeyeišemo̱ hewo̱ moṅ wo̱fe ene̱ ake̱: Wó̱se̱ ko le̱ nyebii aake wo̱bii ake̱: Meni nyeko̱ō̱ ye̱ Iehowa, Israel Nyoṅmo̱ le̱, he?

²⁵Edšake̱ Iehowa ke̱ Iordan efo wo̱ke̱ nye Rubenbii ke̱ Gadbii le̱ ateṅ hũsũ; nyebe̱ gbe̱nā ko ye̱ Iehowa ṅõ! ni nyebii aahã wo̱bii afõ Iehowa gbeyeišemo̱!

²⁶Nohewo̱ ni wo̱kē̱ ake̱: Nyehãa wo̱sā wo̱he ní wo̱mã afo̱lešãlate̱ ko; dšee ake̱ wo̱bašã šã-afo̱le lo gbē-afo̱le ye̱ no̱,

²⁷ši moṅ beni afe ní efe *odase ye̱ wo̱ke̱nye teṅ ke̱ wo̱sešibii ní baä ye̱ wo̱se̱ le̱ ateṅ, ake̱ wo̱ke̱ wošã-afo̱lei ke̱ wogbẽ-afo̱lei ke̱ wo̱šidã-afo̱lei le̱ aasúmo̱ Iehowa ye̱ ehĩe, koni wó̱se̱ ko le̱ nyebii akaba-kē̱ wo̱bii ake̱: Nyebe̱ gbe̱nā ko ye̱ Iehowa ṅõ! [170]

²⁸Nohewo̱ le̱ wo̱kē̱: Aleenõ ke̱dši wó̱se̱ ko ame̱akē̱wo̱ lo wo̱sešibii nakai le̱, no le̱ wo̱o̱kē̱ ake: Nyekwe̱a Iehowa afo̱le-šãlate̱ le̱ heno̱ ní wo̱tše̱mei le̱ fe, dšee šã-afo̱le hewo̱ṅ, ni asaṅ dšee gbē-afo̱le hewo̱ hũ ni, ši moṅ beni afe ní eye wo̱ke̱nye teṅ odase!

²⁹Ene̱ akagbalewo̱ fō̃ṅfõ ake̱ wo̱o̱tše Iehowa hĩe atũa, ni wo̱fõ Iehowa se̱ nyiemo̱ ṅme̱ne̱, ni wo̱mã afo̱lešãlate̱ kroko ni wo̱šã šã-afo̱le lo niyenii-afo̱le lo gbē-afo̱le ye̱ no̱, ye̱ Iehowa, wo̱-Nyoṅmo̱ le̱, afo̱lešãlate̱ le̱ ni yo̱ ešihĩle̱he le̱ hĩe le̱ se̱!

³⁰Ni beni oso̱fo Pinehas ke̱ asafo le̱ no̱ lumei le̱ ni dši Israel akpekpei atse̱mei le̱ ni fata ehe le̱ nu wieme̱i ni Rubenbii le̱ ke̱ Gadbii le̱ ke̱ Manasebii le̱ wie le̱, eṅõ ame̱nā naakpa.

³¹Ni Pinehas, oso̱fo Eleazar bi le̱, kē̱ Rubenbii le̱ ke̱ Gadbii le̱ ke̱ Manasebii le̱ ake̱: Nme̱ne̱ gbĩ ne̱ wo̱ná wo̱le ake̱ Iehowa ye̱ we̱teṅ, edšake̱ noni nyefe ne̱ nyeke̱-tõko Iehowa no̱. Nohewo̱ le̱ nyedšie Israelbii le̱ ye̱ Iehowa deṅ!

³²Ke̱ke̱ ni Pinehas, oso̱fo Eleazar bi le̱, ke̱ lumei le̱ kũ ame̱se̱ ke̱-dše̱ Rubenbii le̱ ke̱ Gadbii le̱ aṅõ ye̱ Gilead šikpoṅ le̱ no̱ ke̱-ba Israelbii le̱ aṅõ ye̱ Kanaan šikpoṅ le̱ no̱, ni ame̱bagbaame̱ sane le̱.

³³Ni sane le̱ ṅõ Israelbii le̱ anā, ni Israelbii le̱ dšie Nyoṅmo̱ yi, ní ame̱kē̱ē̱ doṅṅ ake̱ ame̱mīfã ní ame̱ke̱ame̱ ayawu ní ame̱fite šikpoṅ le̱ ní Rubenbii le̱ ke̱ Gadbii le̱ yo̱ no̱ le̱.

³⁴Ni Rubenbii le̱ ke̱ Gadbii le̱ wo afo̱lešãlate̱ le̱ gbe̱i ake̱ Ed, edšake̱ ame̱kē̱: Edši odase ye̱ wo̱teṅ ake̱ Iehowa dši Nyoṅmo̱!