Read luganda Iošua 24 Bible Online

Iošua 24 - luganda bible

Iošua 24

¹Ni Iošua bua Israel akutšei le̱ fẽ nā ke̱-ba Šekem, ni etšé̱ Israel onukpai le̱ ke̱ ame̱lumei le̱ ke̱ ame̱kodšolo̱i le̱ ke̱ ame̱no̱kwe̱lo̱i le̱ ke̱-kpe, ni ame̱badamo̱ Nyoṅmo̱ hĩe.

²Ni Iošua kē̱ maṅ mũ le̱ fẽ ake̱: Bo̱ni Iehowa, Israel Nyoṅmo̱ le̱, kē̱ ne̱: Ke̱-dše̱ tetẽte le̱, fā le̱ se̱ nyetše̱mei le̱ yo̱, *Tera ní dši Abraham ke̱ Nahor tše̱ le̱, ni †ame̱súmo nyoṅmoi krokomei. [177]

³Ni miṅõ nyetše̱ Abraham ke̱-dše̱ fā le̱ se̱, ni mihã ekpa Kanaan sikpoṅ mū le̱ fẽ no̱, ni mihã ewo ſĩei babaō, ni mike̱ Isak hãle̱.

⁴Ni Isak le̱, mike̱ Iakob ke̱ Esau hãle̱; ni mike̱ *Seir goṅ le̱ hã Esau ake̱ enõ. Si †Iakob ke̱ ebii le̱ te Mizraim. [178]

⁵Ni mitšũ Mose ke̱ Aaron, ni mihao Mizraimbii, take̱ boni mife ye̱ ame̱teṅ le̱; ni no se̱ le̱ *midšienye ke̱-dše kpo. [179]

⁶Ni beni midšie nyetše̱mei le̱ ke̱-dše̱ Mizraim le̱, nyeba ṅšo̱ le̱ nä. Ni Mizraimbii le̱ tiu nyetše̱mei le̱ ke̱ ſīlii ke̱ okpo̱ṅo̱no̱trálo̱i ke̱-ba Nšo̱-tšuru le̱ nā.

⁷Ni beni ame̱blo̱ ame̱tšē̱ Iehowa le̱, eke̱ duṅ kpī fo nyeke̱ Mizraimbii le̱ ateṅ, ni ehã ṅšo̱ le̱ ba ni ebaha ame̱no̱. Ni nyena noni mife ye̱ Mizraim le̱ ke̱ nyehĩṅme̱ii; ni nyehī ṅã le̱ no̱ gbĩĩ pī. [180]

⁸Ni mike̱nye ba Amorbii ní yo̱ Iordan se̱ le̱ ašikpoṅ le̱ no̱, ni ame̱ke̱nye wu, ni miṅõame̱ miwo nyedeṅ, ni nyeṅõ ame̱šikpoṅ le̱, ni mikpãtã ame̱hĩe ye̱ nyehĩe. [181]

⁹Ke̱ke̱ ni Moab maṅtše̱ Balak, Zipor bi le̱, te ši ni eke̱ Israel bawu, ni etšũ ayakpẽ Bileam, Beor bi le̱, koni ebalomo̱nye. [182]

¹⁰Ši mikplẽẽ ake̱ mabo Bileam toi, nohewo̱ le̱ dšō̱mo̱ moṅ edšō̱nye, ni midšienye ye̱ edeṅ. [183]

¹¹Ni nyefo Iordan ni nyeba Ieriko; ni Ierikobii le̱ ke̱ Amorbii le̱ ke̱ Perizbii le̱ ke̱ Kanaanbii le̱ ke̱ Hitbii le̱ ke̱ Girgašbii le̱ ke̱ Hivbii le̱ ke̱ Iebusbii le̱ ke̱nye wu, ni midšieame miwo nyedeṅ. [184]

¹²Ni mitšũ *sosomo̱tii ke̱-tšṍ nyehĩe, ni ame̱fieame̱ ke̱-dše̱ nyehĩe, Amorbii amaṅtše̱mei enyo̱ le̱, dšee oklante nā, ni dšee ogãi nā hũ ni. [185]

¹³Ni mike̱ šikpoṅ ko ni nyetšuko no̱ nii hãnye, ke̱ mãdši ni dšee nye nyeto, ni nyehī mli; weintromi ke̱ mũtromi hũ ni dšee nye nyefe le̱ amli nii nyeyeo̱ ne̱. [186]

¹⁴Nohewo̱ le̱ agbe̱ne̱ nyešea Iehowa gbeyei, ni nyedšie nyeyitšoṅ nyesúmo̱le̱ ye̱ ano̱kwale mli, ni nyekwa nyoṅmo̱i ni nyetše̱mei le̱ súmo̱ ye̱ fā le̱ se̱ ke̱ Mizraim le̱, ni nyesúmo̱a Iehowa. [187]

¹⁵Ši ke̱dši esaa nyehĩe ake̱ nyeasúmo̱ Iehowa le̱, no le̱ ṅme̱ne̱ gbī ne̱ *nyekoa moni nyeasúmo̱, ke̱dši nyoṅmo̱i le̱ ni yo̱ fã le̱ se̱ ní nyetše̱mei le̱ súmo̱ le̱ dšio, lo Amorbii ní nyeyo̱ ame̱šikpoṅ no̱ ne̱ anyoṅmo̱i le̱ dšio; ši mi le̱, mike̱ miwe le̱, wo̱o̱súmo Iehowa! [188]

¹⁶Ni maṅ le̱ to he ni ame̱kē̱: Ene̱ akagbalewo fō̃ṅfõ ake̱ wo̱o̱šï Iehowa, ni wo̱yasúme̱ nyoṅmo̱i krokomei!

¹⁷Edšake̱ Iehowa, wo-Nyoṅmo̱ le̱, le̱ dši moni dšiewo̱ ke̱ wo̱tše̱mei le̱ ke̱-dše̱ Mizraim šikpoṅ le̱ no̱ ke̱-dše̱ nyṍdši awe le̱, ke̱ moni fe nakai okadii wudši le̱ ye̱ wo̱hĩe, ni ebā wo̱yi ye̱ gbè̱i ní wo̱nyie no̱ le̱ fẽ no̱ ke̱ mãdši fẽ ni wo̱tšṍ ame̱teṅ ke̱-ho le̱ mli.

¹⁸Ni Iehowa ſie mãdši le̱ fẽ ke̱ Amorbii ní yo̱ šikpoṅ le̱ no̱ le̱ ke̱-dše̱ wo̱hĩe. Nohewo̱ le̱ wo̱ hũ wo̱o̱súmo̱ Iehowa; edšake̱ le̱ dši wo̱-Nyoṅmo̱!

¹⁹Ni Iošua kē̱ maṅ le̱ ake̱: *Nyenyẽṅ Iehowa nyesúmo̱; edšake̱ Nyoṅmo̱ kroṅkroṅ dšile̱, Mawu †awuṅãyelo̱ dši-le̱, eke̱ nyeno̱tõmo̱i le̱ ke̱ nyehe ešai le̱ ekeṅnye! [189]

²⁰Ke̱dši nyekwa Iehowa ni nyeya-súmo̱ nyoṅmo̱i krokomei le̱, no le̱ eekũ ese̱ efenye efõṅ ni eetã nyeyi, beni efenye edšũrõ se̱ le̱.

²¹Ni maṅ le̱ kē̱ Iošua ake̱: Dabi, ši Iehowa kẽ wo̱o̱súmo̱!

²²Ni Iošua kē̱ maṅ le̱ ake̱: Nyedientse̱ nyeaye nyehe odase ake̱ nyeke̱ Iehowa, ni nyesúmo̱le̱! Ni ame̱kē̱: Odasefoi dšiwo̱!

²³Nohewo̱ le̱ *agbe̱ne̱ nyedšiea nyoṅmo̱i krokomei ní yo̱ nyeteṅ le̱ nyeſiea, ni nyetšṍmo̱a nyetšuii ke̱-baä Iehowa, Israel Nyoṅmo̱ le̱, ṅõ! [190]

²⁴Ni maṅ le̱ kē̱ Iošua ake̱: Iehowa, wo̱-Nyoṅmo̱ le̱, wo̱o̱súmo̱, ni le̱ egbe toi wo̱o̱bo!

²⁵Ke̱ke̱ ni Iošua ke̱ maṅ le̱ *kpãṅ nakai gbĩ le̱, ni ewoame̱ akpo̱ ke̱ mla ye̱ Šekem. [191]

²⁶Ni Iošua ṅmã ne̱ke̱ sãdši ne̱ fẽ ewo Nyoṅmo̱ mlawolo le̱ mli; ni ewó te̱ kpeteṅkple ko emã dše̱i, ye̱ *tšo kple le̱ ni mã Iehowa hekroṅkroṅ le̱ šiši. [192]

²⁷Ni Iošua kē̱ maṅ mũ le̱ fẽ ake̱: Na, ne̱ke̱ te̱ ne̱ aye wo̱he *odase; edšake̱ enu Iehowa wiemo̱i ní eke̱wo̱ wie le̱ fẽ, nohewo̱ le̱ no aaye nyehe odase, koni nyekakpa ye̱ nye-Nyoṅmo̱ le̱ se̱. [193]

²⁸Ke̱ke̱ ni Iošua wo maṅ le̱ gbe̱, ni mofẽmo te ešikpoṅ no̱.

²⁹Ni ne̱ke̱ sãdši ne̱ ase̱ le̱ eba mli ake̱ Iehowa tšũlo̱ Iošua, Nun bi le̱, gbo, beni eye afii oha ke̱ nyoṅma le̱.

³⁰Ni ame̱fũle̱ ye̱ le̱dientše̱ ešikpoṅ le̱ no̱, ye̱ *Timnat-Sera ní yo̱ Efraim gõdši le̱ ano̱, ye̱ Gaaš goṅ le̱ kōyigbe̱ le̱. [194]

³¹Ni Israel *súmo̱ Iehowa gbĩĩabo̱ ní Iošua yo̱ le̱ ke̱ gbĩĩabo̱ ni onukpai ní hĩ ši ye̱ Iošua gbẽle se̱ ni ame̱le Iehowa nitšumoi fẽ ní etšu ehã Israel le̱ yo̱ le̱. [195]

³²Ni *Iosef wui le̱ ní Israelbii le̱ ṅo ke̱-dše̱ Mizraim le̱, ame̱fũ ye̱ Šekem ye̱ šikpoṅ kuku ni †Iakob he ye̱ Šekem tše̱ Hamor bii le̱ adeṅ ehã dſie̱te̱i kukudši oha le no̱, ni etšṍ Iosefbii le̱ agbe̱fãṅnõ. [196]

³³Ni Aaron bi Eleazar hũ gbo, ni ame̱fũle̱ ye̱ ebi Pinehas maṅ Gibea ní aṅõ-hãle̱ ye̱ Efraim gõdši le̱ ano̱ le̱ mli.