Read luganda Iošua 3 Bible Online

Iošua 3 - luganda bible

Iošua 3

¹Ke̱ke̱ ni Iošua te ši lebi mā̃ṅkpa, ni ame̱fã ke̱-dše̱ *Šitim ni ame̱ba Iordan nā, le̱ ke̱ Israelbii le̱ fẽ, ni ame̱wo̱ dše̱i dãni ame̱fo fā le̱. [15]

²Ni eba mli ake̱ gbĩĩ etẽ se̱ le̱ no̱kwe̱lo̱i le̱ kpa nsra le̱ mli,

³ni ame̱wo maṅ le̱ kitã ake̱: Ké̱ nyena Iehowa, nye-Nyoṅmo̱ le̱, kpãṅmo̱ adeka le̱, ní oso̱foi ní dši Levibii le̱ tẽre le̱, no le̱ nye hũ nyefãa ke̱-dše̱a hei ní nyeyo̱ le̱, ni nyenyiea se̱;

⁴kẽle̱ gbe̱ akã nyeke̱le̱ teṅ, bo̱ni ké̱ asusu ni aafe ninetalo̱i akpei-enyo̱; nyekabe̱ṅke̱ale̱, beni afe ní nyele nõ gbe̱ no̱ ní nyeatšṍ; edšake̱ nyetšṍko gbe̱ le̱ no̱ dã.

⁵Ni Iošua kē̱ maṅ le̱ ake̱: *Nyefea nyehe kroṅkroṅ; edšake̱ wó̱ le̱ Iehowa bafe nākpe̱nii ye̱ nyeteṅ. [16]

⁶Ni Iošua kē̱ oso̱foi le̱ ake̱: Nyewóa *kpãṅmo̱ adeka le̱, ni nyeyia maṅ le̱ hĩe! Ni ame̱wó kpãṅmo̱ adeka le̱, ni ame̱yanyie maṅ le̱ hĩe. [17]

⁷Ni Iehowa kē̱ Iošua ake̱: Ṅme̱ne̱ gbĩ ne̱ mibabõi *ohĩe nyamwõ ye̱ Israel fẽ hĩe, koni ame̱nã́ ame̱le ake̱, †bo̱ni mike̱ Mose hĩ ši le̱, nakai noṅṅ mike̱o bahī ši. [18]

⁸Ni bo le̱ wo oso̱foi ni tẽre kpãṅmo̱ adeka le̱ kitã ake̱: Ke̱dši nyeše̱ Iordan fā le̱ nā le̱, nyewaä nyedamo̱a ši ye̱ Iordan mli!

⁹Ni Iošua kē̱ Israelbii le̱ ake̱: Nyetšia nyebaä bie̱, ní nyebaboa Iehowa, nye-Nyoṅmo̱ le̱, wiemo̱i le̱ atoi!

¹⁰Ni Iošua kē̱: Ene̱ nyeaṅõ-le ake̱ Mawu hĩekãlo̱ le̱ ye̱ nyeteṅ, ni ſiemo̱ eefiẽ Kanaanbii le̱ ke̱ Hitbii le̱ ke̱ Hivbii le̱ ke̱ Perizbii le̱ ke̱ Girgašbii le̱ ke̱ Amorbii le̱ ke̱ Iebusbii le̱ ke̱-adše̱ nyehĩe.

¹¹Na, šikpoṅ le̱ fẽ Nuntšo̱ le̱ kpãṅmo̱ adeka le̱ mītšṍ nyehĩe ke̱-mīho ke̱-mīya Iordan mli.

¹²Nohewo̱ le̱ agbe̱ne̱ nyehalaã hĩĩ nyoṅma ke̱ enyo̱ ke̱-dše̱a Israel akutšei le̱ amli, akutšo-fẽ-akutšo mli le̱ mokome.

¹³Ni aaba mli ake̱ amrõ pe̱ ni oso̱foi le̱, ni tẽre Iehowa ni dši šikpoṅ le̱ fẽ Nuntšo̱ le̱ adeka le̱, anãdšiaši aasa Iordan nui le̱ amli le̱, Iordan mli nu ni dše̱o̱ yiteṅgbe̱ baä le̱ bawa, ni eedamo̱ ši tamo̱ gbogbo.

¹⁴Ni eba mli ake̱, heni maṅ le̱ fā ke̱-dše̱ ame̱bũi le̱ amli ní ame̱yafo Iordan, ni oso̱foi le̱ tẽre kpãṅmo̱ adeka le̱ ke̱-nyie maṅ le̱ hĩe,

¹⁵ni mei ni tẽre adeka le̱ baše̱ Iordan nã, ni oso̱foi ní tẽre adeka le̱ anãdši sa nu le̱ mli pe̱ le̱ (edšake̱ nikpamo̱ be le̱ mli fẽ le̱ Iordan dšeo̱ ṅã),

¹⁶ke̱ke̱ ni nu ní dše̱ yiteṅgbe̱ baä le̱ *te ši damo̱ ši ké kome, ye̱ šoṅṅ ye̱ Adam ní dši maṅ ko ni yo̱ Zaretan mase̱i le̱ he; ni nu ní kplekeo̱ ši ke̱-yaä Araba-ṅšo̱ ní dši Ṅō-ṅso le̱ mli le̱ tã ni ese̱ fo. Ni maṅ le̱ fo fā le̱ ye̱ Ieriko ṅe̱le̱no̱ tū̃ntũ. [19]

¹⁷Ši oso̱foi le̱ ní tẽre Iehowa kpãṅmo̱ adeka le̱ wa damo̱ ši šiṅṅ ye̱ šikpoṅ gbĩṅ no̱ ye̱ Iordan teṅ tū̃ntū; ni Israelbii le̱ fẽ tšṍ šikpoṅ gbĩṅ no̱ ke̱-ho, ke̱-yaši beyino̱ ni maṅ mū le̱ fẽ fo Iordan tã.