Read luganda Iošua 4 Bible Online

Iošua 4 - luganda bible

Iošua 4

¹Ni eba mli ake̱, beni maṅ mū le̱ fẽ efo Iordan etã le̱, Iehowa kē̱ Iošua ake̱:

²Nyefãmo̱a hĩĩ nyoṅma ke̱ enyo̱ ke̱-dše̱a maṅ le̱ mli, akutšo-fẽ-akutšo mli le̱ nū kome,

³ni nyewoame̱ kitã ake̱: Nyeholea te̱i nyoṅma ke̱ enyo̱ ke̱-dše̱a Iordan te ne̱ṅ, heni oso̱foi le̱ anãdši damo̱ le̱, ni nyetẽre ke̱-fo ni nyeke̱-yamãmo̱ ši ye̱ tōhe, heni nyeyato nyō ne̱ṅ le̱.

⁴Ke̱ke̱ ni Iošua tšé̱ hĩĩ nyoṅma ke̱ enyo̱ ní esā eto ye̱ Israelbii le̱ ateṅ, ni dši akutšo-fẽ-akutšo mli nū komekome le̱.

⁵Ni Iošua kē̱ame̱ ake̱: Nyenyiea Iehowa, nye-Nyoṅmo̱ le̱, adeka le̱ hĩe ke̱-yaä Iordan teṅ, ni nyeteṅ mofẽmo awó te̱ kome atſa ekõṅ ye̱ Israelbii le̱ akutšei le̱ ayibo̱ nā,

⁶koni ene̱ afe okadi ye̱ nyeteṅ, ni kē̱ *nyebii le̱ binye wó̱se̱ ko ake̱: Té ne̱ke̱ te̱i ne̱ ašišiṅ? le̱, [20]

⁷koni nyeto he nyehãame̱ ake̱: Edšake̱ Iordan nui le̱ ase̱ fo ye̱ Iehowa kpãṅmo̱ adeka le̱ hĩe; beni ake̱-fo Iordan le̱, mli nui le̱ ase̱ fo; ni ne̱ke̱ te̱i ne̱ afe kaimo̱nõ ahã Israelbii le̱ ke̱-ya nāno̱.

⁸Ni Israelbii le̱ fe, take̱ bo̱ni Iošua woame̱ kitã le̱, ni ame̱hole te̱i nyoṅma ke̱ enyo̱ ye̱ Iordan teṅ, ye̱ Israelbii le̱ akutšei le̱ ayibo̱ nā, take̱ bo̱ni Iehowa kē̱ Iošua le̱; ni ame̱tẽre ke̱-ba ame̱tōhe le̱, ni ame̱ke̱-bamãmo̱ ši ye̱ dše̱i.

⁹Ni Iošua hole te̱i nyoṅma ke̱ enyo̱ hũ emãmo̱ ši ye̱ Iordan teṅ, heni oso̱foi ní tĕre kpãṅmo̱ adeka le̱ anãdši da-mo̱ le̱, ni ame̱ye̱ dše̱i ke̱-baši ṅme̱ne̱.

¹⁰Ni oso̱foi le̱ ni tĕre adeka le̱ wa damo̱ ši ye̱ Iordan teṅ ke̱-yaši beyino̱ ni agbe nofẽno ní Iehowa fã́ Iošua ake̱ ekē̱ maṅ le̱ nā, take̱ boni Mose wo Iošua kitã le̱ pe̱pē̱pe̱. Ni maṅ le̱ he fe oyá ni ame̱fo.

¹¹Ni eba mli ake̱, beni maṅ mū le̱ fẽ efo etã le̱, ke̱ke̱ ni Iehowa adeka le̱ hũ fo, ni oso̱foi le̱ yayi maṅ le̱ hĩe.

¹²Ni Rubenbii le̱ ke̱ Gadbii le̱ ke̱ Manase akutšo le̱ fã le̱ mĩa ke̱-nyie Israelbii le̱ ahĩe ke̱-foṅ, take̱ bo̱ni Mose ekē̱ame̱ le̱: [21]

¹³aafe mei akpei-nyoṅmai-edſe̱ ni esā ame̱he ehã ta le̱ nyie Iehowa hĩe ke̱-fo ke̱-te ta le̱ ye̱ Ieriko ṅã kplenẽ le̱ no̱.

¹⁴Nakai *gbĩ le̱ no̱ le̱ Iehowa wo Iošua hĩe nyam ye̱ Israel mū le̱ fẽ hĩe, ni ame̱šele̱ gbeyei ewala gbĩĩ fẽ mli, take̱ bo̱ni ame̱še Mose gbeyei le̱. [22]

¹⁵Ni Iehowa kē̱ Iošua ake̱:

¹⁶Fã́ oso̱foi ní tĕre odase-adeka le̱, ni ame̱dše Iordan le̱ mli.

¹⁷Ni Iošua fã́ oso̱foi le̱ ake̱: Nyedšea Iordan le̱ mli!

¹⁸Ni eba mli ake̱, beni oso̱foi le̱ ni tĕre Iehowa kpãṅmo̱ adeka le̱ dše Iordan te le̱ṅ, ni oso̱foi le̱ fãmo̱ amenãdši ame̱mãmo̱ šikpoṅ gbĩṅ no̱ pe̱ le̱, Iordan mli nu le̱ kũ se̱ ba egbe̱he, ni esram etoi le̱ fẽ no̱ ke̱-ho, tamo̱ sá le̱.

¹⁹Ni maṅ le̱ dše kpo ke̱-dše̱ Iordan mli ye̱ kleṅkleṅ nyõṅ le̱ no̱ gbĩ ni dši gbĩ nyoṅma le̱ no̱, ni ame̱yabo̱ nsra *ye̱ Gilgal ye̱ Ieriko bokãgbe̱ hũsũ le̱ no̱. [23]

²⁰Ni nakai te̱i nyoṅma ke̱ enyo̱ le̱ ni ame̱hole ye̱ Iordan mli le̱, Iošua ṅõmãmo̱ ši ye̱ Gilgal.

²¹Ni ekē̱ Israelbii le̱ ake̱: *Ké̱ nyebii aabi ame̱tše̱mei wó̱se̱ ko ake̱: Té ne̱ke̱ te̱i ne̱ ašišiṅ? le̱: [24]

²²no le̱ nyegbaä nyebii le̱ ake̱: Šikpoṅ gbĩṅ no̱ Israel tšṍ ke̱-fo ne̱ke̱ Iordan ne̱;

²³edšake̱ Iehowa, nye-Nyoṅmo̱ le̱, hã Iordan mli nu le̱ gbĩ ye̱ nyehĩe ke̱-yaši beyino̱ ni nyefo, take̱ bo̱ni Iehowa, nye-Nyoṅmo̱ le̱, fe *Nšo̱-tšuru le̱, ní ehã egbĩ ye̱ wo̱hĩe ke̱-yaši beyino̱ ní wo̱fo le̱, [25]

²⁴koni šikpoṅ le̱ no̱ mãdši fẽ ana ale Iehowa nine le̱ ake̱ eye̱ hewale̱, ni nyeše Iehowa, nye-Nyoṅmo̱ le̱, gbeyei dāne̱.