Read luganda 2 Tesalonikabii 1 Bible Online

2 Tesalonikabii 1 - luganda bible

2 Tesalonikabii 1

¹Paulo ke̱ Silvano ke̱ Timoteo ṅmã yahã Tesalonikabii asafo ni yo̱ wo̱tše̱ Nyoṅmo̱ le ke̱ Nuntšo̱ Iesu Kristo mli le̱: [1]

²Dromo̱ ke̱ hedšo̱le̱ ni dše̱ wo̱tše̱ Nyoṅmo̱ le̱ ke̱ Nuntšo̱ Iesu Kristo le̱ deṅ ahãnye! [2]

³Esawo̱ ake̱ wo̱daä Nyoṅmo̱ ši dā ye̱ nyehewo̱ bo̱ni sa, anyemimei, edšake̱ nyehemo̱-ke̱-yeli le̱ mĩda naakpa, ni nyefẽ nyeteṅ mofẽmo suomo̱ ni eke̱-su-moo̱ enanemei le̱ mĩfá ke̱-mĩya no̱ hũ, [3]

⁴nohewo̱ le̱ wo̱dientše̱ tete *wo̱ſãa wo̱fõo̱ nyeno̱ ye̱ Nyoṅmo̱ asafoi le̱ amli, ye̱ nyetšuišiṅmẽ ke̱ nyehemo̱-ke̱-yeli ní nyehīe ye̱ nyeyiwale̱i ke̱ nyemanehũlũi ni nyemĩa nyehīe ye̱ mli le̱ṅ le̱ ahewo̱, [4]

⁵nii ni dši Nyoṅmo̱ *kodšomo̱ ní dša gbe̱ le̱ he okadi ni anaä faṅṅ, koni †abunye ake̱ nyesa Nyoṅmo̱ maṅtše̱yeli ni nyenaä hewo̱ nõ le̱, [5]

⁶ke̱dši eye̱ mli nakai ake̱ edša ye̱ Nyoṅmo̱ hĩe ake̱ mei ni haoo̱nye le̱ eehaoame̱ eto nãdšiaṅ, [6]

⁷ni nye mei ni ahaoo̱nye le, eehã nyeke̱wo̱ fẽ hedšō̱mo̱, beni aadšie Nuntšo̱ Iesu kpo ke̱-adše̱ ṅwei *ke̱ ehewale̱ bo̱foi le, [7]

⁸moni ke̱ lalile̱i aato̱ owele ye̱ mei ni lee Nyoṅmo̱ ke̱ mei ni boo wo̱-Ṅuntšo̱ Iesu Kristo sanekpakpa le̱ toi le̱ ano̱ le̱, [8]

⁹mei ni aaná nyomo̱wo ni dši nãno̱ hĩekpãtãmo̱ ke̱-adše̱ Nuntšo̱ le hĩe ke̱ *ehewale̱ le̱ anumnyam le̱ he, [9]

¹⁰beni *eeba ni aawo ehĩe nyam ye̱ emeikroṅkroṅi le̱ amli, ni aana enãkpe̱nii ye̱ eheyelilo̱i le̱ fẽ mli ye̱ nakai gbĩ le̱ no̱ le̱, edšake̱ ahé wo̱dase ni wo̱ye wo̱-tšõnye le̱ aye. [10]

¹¹Ene̱hewo̱ hũ ni wo̱so̱leo̱ dā wo̱-hãanye, koni wo̱-Nyoṅmo̱ le̱ ahã nyesa tšé̱mo̱ le, ni ehã emlihĩle̱ taomo̱nii le̱ fẽ ke̱ hemo̱-ke̱-yeli nitšumo̱ le̱ ayi obõ ye̱ hewale̱ mli,

¹²beni afe ni awo wo̱-Nuntšo̱ Iesu Kristo gbe̱i le̱ hĩe nyam ye̱ nyemli, ni nye hũ nyehĩe aba nyam ye̱ emli, ye̱ wo̱-Nyoṅmo̱ le̱ ke̱ Nuntšo̱ Iesu Kristo dromo̱ le̱ nā.