Read luganda 1 Timoteo 1 Bible Online

1 Timoteo 1 - luganda bible

1 Timoteo 1

¹Paulo ní dši Iesu Kristo bo̱fo ye̱ Nyoṅmo̱, wo̱yiwalaherelo̱ le̱, ke̱ Nuntšo̱ Iesu Kristo, *wo̱hĩenokãmo le̱, kitã nā le, [1]

²ṅmã yahã Timoteo ní dši *ebi kro̱ṅṅ ye̱ hemo̱-ke̱-yeli mli le̱: Dromo̱, mo̱bo̱nale̱, hedšo̱le̱ adše̱ wo̱tše̱ Nyoṅmo̱ ke̱ Iesu Kristo, wo̱-Nuntšo̱ le̱, deṅ ahão! [2]

³Take̱ boni, beni miyaä *Makedonia ní mikpao fai ake ohĩ ši ye̱ Efeso, koni obo̱ meikomei ako̱ko̱ ake̱ ame̱katšõ tšõmo̱i krokomei, [3]

⁴ni asaṅ ame̱kadi *adesãi ke̱ weku-šišitšõmo̱ tšralā le̱ se̱, edšake̱ ene̱mei ke̱ ṅwanedšē baä fè Nyoṅmo̱ tšumā̃ ní yo̱ hemo̱-ke̱-yeli mli le̱, nakai fai mikpaäo ekoṅ. [4]

⁵Ši *kitã le̱ nāgbē dši suomo̱ ní dše̱ tšui ni mli tše ke̱ henilē kpakpa ke̱ hemo̱-ke̱-yeli ní apasa ko be̱ mli le̱ mli, [5]

⁶nii ní meikomei edše se̱, ni ame̱-kpale ke̱-te *yakawiemo̱ he, [6]

⁷ame̱mītao ame̱tšṍmo̱ mlatšõlo̱i, tše̱ ame̱naa nii ní ame̱kē̱o̱ le̱ lo nii ní ame̱-mãa no̱ aduatšo̱ le̱ šiši.

⁸Ši wo̱le ake̱ mla le̱ hĩ hā moni tšuo̱ he nii bo̱ni sa mla le̱, [7]

⁹ni ele ene̱, ake̱ dšalo̱ le̱ awoole̱ mla, ši moṅ mlatõlo̱i ke̱ toigbolo̱i, mei ni dšáá Nyoṅmo̱ ke̱ ešafelo̱i, mei ní hĩe be̱ nyam ke̱ hebulelo̱i, tše̱gbelo̱i ke̱ nyegbelo̱i, awuyelo̱i,

¹⁰adſamaṅbo̱lo̱i, hĩĩ ní ke̱ hĩĩ wo̱ö̱, gbomodšulo̱i, amalelo̱i, kitãmlikũlo̱i, ke̱ nofẽno ní ke̱ *tšõmo̱ ní tšáa mo le̱ yee le̱ mla awoo, [8]

¹¹ye̱ Nyoṅmo̱ ní *adšō̱le̱ le̱ anumnyam sanekpakpa ní atu awo mideṅ le̱ nā. [9]

¹²Mida wo̱-Nuntšo̱ Kristo Iesu ní womi hewale̱ le̱ ši, ake̱ ebumi ano̱kwafo ni eṅõmi ewo súomo le̱ mli, [10]

¹³mi ní tšutšu le̱ midši musubo̱lo̱ ke̱ yiwalo̱ ke̱ mei aniseniianifelo̱; ši kẽle̱ anami mo̱bo̱, edšake̱ milee ni mife, ye̱ hé ní mihee miyee mli.

¹⁴Ši wo̱-Nuntšo̱ le̱ dromo̱ le̱ fá āhũ ke̱-teke no̱ ke̱ hemo̱-ke̱-yeli ke̱ suomo̱ ní yo̱ Kristo Iesu mli le̱.

¹⁵Edši ano̱kwa wiemo ni sa ake̱ amõ mli kwrā, ake̱ Kristo Iesu bá dše ne̱ṅ eba ešafelo̱i ayiwalaheremo̱, mei ateṅ ní mi midši otu le̱; [11]

¹⁶ši kẽle̱ ene̱ hewo ni anami mo̱bo̱ le̱, koni mi tšutšu mimli ni Iesu Kristo adšie etšuišitō le̱ fẽ kpo ye̱, ní aṅõ-to okadi ahã mei ní bahe eno̱ aye, ní amená nāno̱ wala le̱.

¹⁷Ši nāno̱i amaṅtše̱ le̱, moni gboo, moni anaa, moni dši Nyoṅmo̱ *kome le̱, aṅõ wō ke̱ anumnyam ahãle̱ ke̱-yaši nāno̱i anāno̱ le̱! Amen. — [12]

¹⁸Kitã ní miwoo̱o ne̱, mibi Timoteo, ye̱ gbale̱i ní agba sá ye̱ ohe le̱ anā, koni oke̱-wu ta kpakpa le̱, [13]

¹⁹ni ohĩe *emo̱-ke̱-yeli ke̱ henilē kpakpa, noni meikomei še̱re̱ ſie ni ame̱ke̱ hemo̱-ke̱-yeli le̱ †yaša ši le̱: [14]

²⁰ame̱teṅ meikomei dši *Himeneo ke̱ Aleksandro, mei ní mitu miwo †satan deṅ, koni agbla ame̱toi ní ame̱kawie musubō̱-wiemo̱i doṅṅ le̱. [15]