Read luganda 1 Timoteo 2 Bible Online

1 Timoteo 2 - luganda bible

1 Timoteo 2

¹Agbe̱ne̱ nõ kleṅkleṅ ní miwoo̱ he ṅā dši ake̱ ahĩe *faikpamo̱i, so̱lemo̱i, mli-dãmoi, šidāi amli, ahã gbomei fẽ, [16]

²ahã maṅtše̱mei ke̱ mei fẽ ní yeo̱ onukpai le̱, koni wo̱hĩ ši kpō ye̱ hedšo̱le̱ mli, ye̱ Nyoṅmo̱ dšámo̱ ke̱ dšeṅba ní hĩe so̱ö̱ fẽ mli.

³Edšake̱ ene̱ hĩ ni eṅõ Nyoṅmo̱ ni dši *wo̱yiwalaherelo̱ le̱ nā, [17]

⁴moni sumoo̱ ake̱ ehere gbomei fẽ yiwala, koni ame̱še̱ ano̱kwale le̱ lē mli. [18]

⁵Edšake̱ *Nyoṅmo̱ kome yo̱, ke̱ Nyoṅmo̱ ke̱ gbomei †ateṅdamo̱lo̱ kome hũ ní dši gbomo Kristo Iesu le̱, [19]

⁶moni ṅõ ehe ehã ake̱ kpõmo̱nõ ehã mei fẽ, ní dši odase ní ayeo̱ ye̱ be ni sa mli le̱, [20]

⁷nõ he ní awomi šie̱lo̱ ke̱ bo̱fo (ano̱kwale miwieo̱ ye̱ Kristo mli, mimalee!), dšeṅmãdši atšõlo̱ ye̱ hemo̱-ke̱-yeli ke̱ ano̱kwale mli le̱. [21]

⁸Nohewo̱ le̱ mitao ake̱ hĩĩ aso̱le ye̱ hefẽhe ní ame̱hole nidši ní he tše no̱ ní mlifũ lo ṅwanedšē akaba mli.

⁹Nakai noṅṅ yei hū, ame̱ke̱ atade ní sa ke̱ hĩe ní gboo̱ nõ ke̱ dſẽṅmo̱ ni sa awula amehe, dšee ke̱ yigbō̱ lo šika lo adiagbai lo atade ní dšra wa, [22]

¹⁰ši moṅ ke̱ *nitšumo̱i kpakpai ní sa yei ní tšõo̱ amehe ake̱ Nyoṅmo̱ dšáloi le̱. [23]

¹¹Yō afe diō ní ekase nii ye̱ toibō fẽ mli; [24]

¹²ši mĩhãã *yō hegbe̱ ake̱ etšõ nii alo †eye nū no̱, ši moṅ efe diō. [25]

¹³Edšake̱ Adam tšutšu abo̱, no se̱ le̱ Hawa. [26]

¹⁴Ni dšee Adam alaka le̱, ši yō le̱ alaka, ni ebote no̱tõmo mli. [27]

¹⁵Ši aahere eyiwala ke̱-atšṍ biiafo̱mo̱ no̱, ke̱dši ame̱hĩ ši ye̱ hemo̱-ke̱-yeli ke̱ suomo̱ ke̱ hetšemo̱ ke̱ dſẽṅmo̱ hũ ní sa mli le̱.