Read luganda 2 Timoteo 1 Bible Online

2 Timoteo 1 - luganda bible

2 Timoteo 1

¹Paulo ni dši Iesu Kristo bo̱fo ye̱ Nyoṅmo̱ suomo̱ nã ke̱ wala ni yo̱ Kristo Iesu mli le̱ he šiwō nā le̱,

²ṅmã yahã esuomo̱bi Timoteo le̱: Dromo̱, mo̱bo̱nale̱, hedšo̱le̱ ni dše̱ tše̱ Nyoṅmo̱ le ke̱ wo̱-Nuntšo̱ Kristo Iesu le̱ deṅ ahão!

³Mīda Nyoṅmo̱ ni mike̱ minĩmei dšáa *ye̱ henilē kro̱ṅṅ mli le̱ ši, ake̱ mifõkoõ kaimo̱ dã, ye̱ mifaikpamo̱i amli nyõṅ ke̱ ſane, [1]

⁴ni, ké̱ mikai ohĩeyãfónui le̱, miſeo̱ ake̱ manao, koni mayi obõ ke̱ mĩše̱;

⁵edšake̱ mihĩe ye̱ ohemo̱-ke̱-yeli ni apasa be̱ mli le̱ no̱; noni tšutšu ni eyo̱ onã́ Loise ke̱ onye Eunike mli, ni miyo̱ hewale̱ ye no̱ ake̱ eye̱ bo hũ omli le̱. [2]

⁶Nohewo̱ le̱ mĩkaio ake̱, Nyoṅmo̱ dromo̱kēnõ ni yo̱ omli ye̱ minidši ni mike̱-ſie ono̱ le̱ nā le̱, tēmo̱le̱ ši ni etšo, [3]

⁷edšake̱ Nyoṅmo̱ hããwo̱ gbeyeišemo̱ mumo̱, ši moṅ hewale̱ ke̱ suomo̱ ke̱ dſẽṅmo̱ ni sa mumo̱ eṅõ-hãwo̱. [4]

⁸Nohewo̱ le̱ *ohĩe akagbo ye̱ wo̱-Nuntšo̱ le̱ he odaseyeli le̱ he alo ye̱ mi ni midši egbokle̱fonyo le̱ he, ši moṅ oke̱ sanekpakpa le̱ ahĩe amanehũlũ mli ye̱ Nyoṅmo̱ hewale̱ nã; [5]

⁹mo hũ ni ehere wo̱yiwala ni eke̱ tšē̱mo̱ kroṅkroṅ tšē̱wo̱, dšee wo̱nitšumo̱i anā, ši moṅ ye̱ le̱dientše̱ eyiṅtõ ke̱ edromo̱ nā, noni eṅõ-hãwo̱ ye̱ Kristo Iesu mli, dãni abo̱ dše ne̱ṅ be le̱, [6]

¹⁰ni agbe̱ne̱ atšó wo̱yiwalaherelo̱ Iesu Kristo puemo̱ le̱ no̱ *adšiele̱ ši faṅṅ le̱; le̱ efo †gbĕle se̱ ni edšie wala ke̱ nã-nošihĩle kpo etšõwo̱ ye̱ sanekpakpa le̱ṅ, [7]

¹¹nõ he ni awomi šie̱lo̱ ke̱ bo̱fo ke̱ dšeṅmãdši le̱ atšõlo̱ le̱. [8]

¹²Nohewo̱ noṅṅ minaã amanehũlũi ne̱, ši kẽle̱ mihĩe gboo; edšake̱ mile moni mihe miye le̱, ni miye̱ hewale̱ ye̱ no̱ ake̱ eenyẽ nii ni eto ehãmi le̱ ahe ebu ke̱-yaši nakai gbĩ le̱ no̱,

¹³Hĩemo̱ tšámo̱-wiemo̱i ni onu ye̱ minã le̱ akadi le̱ mli ye̱ hemo̱-ke̱-yeli ke̱ suomo̱ ni yo̱ Kristo Iesu mli le̱ mli; [9]

¹⁴nikpakpai ni atu awo odeṅ le̱ bu he ye̱ Mumo̱ kroṅkroṅ ni hĩo̱ wo̱mli le̱ hewale̱ nā! [10]

¹⁵Ole ene̱ ake̱ mei ni yo̱ Asia le̱ fẽ ekpa ye̱ mise̱, ame̱teṅ meikomei dši Figelo ke̱ Hermogene. [11]

¹⁶Nuntšo̱ le̱ ana Onesiforo we le̱ mo̱be̱, edšake̱ kpitiokpitio ebahãami tšui, ni ehĩe gboo mikõsõṅkõsõ le̱ he;

¹⁷ši beni eba Roma le̱, ebo̱ mo̱deṅ etaomi ni enami.

¹⁸Nuntšo̱ le̱ ahã ená Nuntšo̱ le̱ deṅ me̱bo̱nale̱ ye̱ nakai gbĩ le̱ no̱. Ni bo̱ni etšṍ esũmo̱mi ehã ye̱ Efeso le̱, ole pe̱-pē̱pe̱.