Read luganda 2 Timoteo 2 Bible Online

2 Timoteo 2 - luganda bible

2 Timoteo 2

¹Agbe̱ne̱ bo le̱, mibi, ohe awa ye̱ dromo̱ ni ye̱ Kristo Iesu mli le̱ mli;

²ni nii ni onu ye̱ minā ye̱ odasefoi pī ahíe le̱, no noṅṅ otu owo gbomei aṅo̱kwafoi adeṅ, mei ni yo̱ hewale̱ ni ame̱ke̱-atšõ meikrokomei hũ le̱.

³*Mĩamo̱ ohĩe ye̱ amanehũlũ mli, take Iesu Kristo tabilo̱ kpakpa ko. [12]

⁴Moko enyiee tagbe̱ ni eke̱ ehe wo šĩa sãdši amli, koni esa moni fãle̱ ke̱ te ta le̱ṅ le̱ hĩe.

⁵Ni ke̱dši moko mīši mple hũ le̱, afĩṅle̱ kũnimyeli-akekre, ake̱ dša ešile̱ mla nā. [13]

⁶Okwafonyo ni tšuo̱ nii le̱, le̱ tšutšu sa ake̱ eeye yibii le̱ eko. Dſēṅmo̱ noni mikē̱o̱ ne̱ he! [14]

⁷Edšake̱ Nuntšo̱ le̱ aahã ona nii fẽ šiši.

⁸Ohĩe ahĩ Iesu Kristo *ni te ši ke̱-dše̱ gbobĩĩ ateṅ †ni dše̱ David seši mli le̱ no̱, ye̱ misanekpakpa le̱ nā, [15]

⁹no he *amane noṅṅ minaā, ke̱-yaši kpãi amli tete, tamo̱ efõṅfelo̱ ko; ši kẽle̱ †Nyoṅmo̱ wiemo le̱ awoole̱ kpã. [16]

¹⁰Ene̱hewo̱ le̱ mimĩaä mihĩe ye̱ sãdši fẽ mli *ye̱ mei ni ahalaame̱ le̱ ahewo̱, koni ame̱ hũ ame̱nine aše̱ walaheremo̱ ni yo̱ Kristo Iesu mli le̱ ke̱ nāno̱ anumnyam le̱ no̱, [17]

¹¹Ano̱kwa wiemo̱ ne̱: edšake̱ ké̱ wo̱ke̱le̱ gbo le̱, wo̱ke̱le̱ aaná wala hũ; [18]

¹²ke̱ wo̱mia we̱hĩe ye̱ amanehũlũ mli le̱, wo̱ke̱le̱ aaye maṅtše̱ hũ; ké̱ *wo̱kpa ye̱ ese̱ le̱, le̱ hũ eekpa ye̱ wo̱se; [19]

¹³ké̱ wo̱fee wo̱he ano̱kwafoi le̱, le̱ le̱ eehĩ ši ane̱kwafo, enyẽṅ ekpa ye̱ le̱dientše̱ ehe se̱, [20]

¹⁴Kaimo̱ame̱ ne̱ke̱ nii ne̱, ni omã no̱ mĩ ohãame̱ ye̱ Nuntšo̱ le̱ hĩe, *koni ame̱kawu nābu ta ni se̱námo̱ ko be̱ he, ši ebutuo̱ mei ni nuo̱ le̱ moṅ le̱. [21]

¹⁵Bo̱ mo̱deṅ ni oke̱ ohe adamo̱ Nyoṅmo̱ hĩe, ake̱ *moko ni sa, nitšulo̱ ni hĩe gboo, ni dšaä ano̱kwale wiemo̱ le̱ mli pe̱pē̱pe̱. [22]

¹⁶Ši yakayakasanegbā ni buleo̱ mo le̱, tši ohe ke̱-dše̱ he; edšake̱ ame̱ate hĩe pĩ ye̱ nõšafemo̱ mli, [23]

¹⁷ni ame̱wiemo̱ le̱ aatšẽṅe tamo̱ hela fõṅ ko ke̱-akpe: *ame̱teṅ meikomei dši Himeneo ke̱ Fileto, [24]

¹⁸mei ni edũ gbe̱ ke̱-dše̱ ano̱kwale le̱ he, ni ame̱kē̱o̱ ake̱ šitẽ le̱ eho momo, ni ame̱butuo̱ meikomei ahemo̱-ke̱-yeli le̱.

¹⁹Ši Nyoṅmo̱ šišitõ-te̱ ni wa le̱ mã ši šiṅṅ, ni ehĩe ne̱ke̱ nãso̱omo̱nõ ne̱: *Nuntšo̱ le̱ le le̱dientše̱ emei le̱, ke̱: Hā ni mofẽmo ni tšĩo̱ Kristo gbe̱i le̱ atã le̱ atši ehe ke̱-dše̱ nii ni edšaa gbe̱ le̱ ahe. [25]

²⁰Ši šīa wolo ko mli le̱, dšee ši-kanii ke̱ dſie̱te̱inii ke̱ke̱ yo̱ dše̱i, ši moṅ tšonii ke̱ sũnii hũ ye̱ mli, ni ekomei le̱ abuo̱ame̱, ši ekomei hũ abuu.

²¹Agbe̱ne̱ ke̱dši moko tšũ ehe ke̱dše̱ ne̱ke̱ nii ne̱ amli le̱, etšõ nõ ni abuo̱, ni atšū ehe kro̱ṅṅ, ni ehĩ hã šĩatše̱ le̱ dšogbãṅ, ni asāle̱ ahã nitšumo̱ kpakpa-fẽ-nitšumo̱ kpakpa.

²²Ši oblahĩaṅ se̱dii le̱ hũ, dšo nā foi: ši moṅ oke̱ mei ni tšé̱o̱ Nuntšo̱ le̱ ke̱-dše̱o̱ tšui ni mli tše mli le̱ atiu dšale̱, hemo̱-ke̱-yeli, suomo̱ ke̱ hedšo̱le̱. [26]

²³Ši kwašiai aṅwanedšẽi ni aṅõ-kasee noko le̱ gũ, edšake̱ ole ake̱ ame̱ke̱ béi baā; [27]

²⁴ši Nuntšo̱ le̱ tšũlo̱ le̱, esaa ake̱ ebéo̱, ši moṅ emli adšo̱ ahã mei fē, moni le nitšōmo, moni too̱ etšui ši ehãa efõṅ, [28]

²⁵moni ke̱ mlidšo̱le̱ wieo̱ tšõo̱ mei ni kũo̱ enā, ake̱ aleenõ Nyoṅmo̱ aahãame̱ tšuitšakemo̱ ni ame̱le ano̱kwale,

²⁶ni ame̱hĩe aatšere̱ame̱ ke̱-dše̱ abonsam tšõne le̱ṅ; edšake̱ eke̱-dũame̱ ni ame̱fe esuomo̱nānii.