Read luganda Filemon 1 Bible Online

Filemon 1 - luganda bible

Filemon 1

¹Paulo, ni dši Kristo Iesu *gbokle̱fonyo le̱, ke̱ wo̱nyemi Timoteo ṅmã yahã Filemon, wo̱suolo̱ ke̱ wo̱nanyo-nitšulo̱ le, [1]

²ke̱ wo̱nyemiyõ Apia, ke̱ *Arkipo ni dši wo̱nanyo-tabilo̱ le̱, ke̱ asafo ní yo̱ owe le̱ fẽ: [2]

³Dromo̱ ke̱ hedšo̱le̱ ní dše̱ wo̱tše̱ Nyoṅmo̱ le̱ ke̱ Nuntšo̱ Iesu Kristo le̱ deṅ ahānye! [3]

⁴Midaä mi-Nyoṅmo̱ le̱ ši dā ni mitšīo̱ otã ye̱ miso̱lemo̱i amli,

⁵ake̱-ni minuo̱ osuomo̱ ke̱ hemo̱-ke̱-yeli ni ohīe ye̱ Nuntšo̱ Iesu ke̱ mei-kroṅkroṅi le̱ fē agbe̱fãṅ le̱ he le̱;

⁶beni afe ni ohemo̱-ke̱-yeli nanyobō̱ le̱ atšu nii ye̱ ekpakpa-fẽ-ekpakpa ni yo̱ nyemli le̱ he nilē gbe̱fãṅ ahã Kristo Iesu. [4]

⁷Edšake̱ *miná mīše̱ pī ke̱ tšuiwō ye̱ osuomo̱ le̱ hewo̱, anyemi, ake̱-ni ohā meikroṅkroṅi ie̱ atšui enyõ ame̱mii le. [5]

⁸Nohewo̱ le̱, tše̱ miye̱ ekā̃ pī ye̱ Kristo mli ni mike̱-awoö kitã ye̱ noni sa hewo̱,

⁹kẽle̱ suomo̱ hewo̱ le̱ fai moṅ mikpaäo; kwe̱mo̱ mi nūmo Paulo bo̱ni miyo̱ ne̱, ni asaṅ midši Iesu Kristo gbokle̱fonyo hū ne̱;

¹⁰mīkpao fai ye̱ *mibi ni †mifó̱ ye̱ mikpãi le̱ amli ni dši Onesimo le hewo, [6]

¹¹moni sá le̱ ehe be̱ se̱námo̱ ko hão, ši agbe̱ne̱ le̱ ehe ye̱ se̱námo̱ ba mike̱o fẽ dšogbāṅ, ni mihã ekpale ke̱-baä oṅõ ne̱.

¹²Ni bo le̱ heremo̱le̱, tamo̱ bo̱ni oohere midientše̱,

¹³moni kũle̱ mĩsumo̱ ake̱ eke̱mi ahī ši, *koni esúmo̱mi ye̱ onãdšiaṅ ye̱ sanekpakpa le̱ kpãi le amli; [7]

¹⁴ši misumo̱o̱ ake̱ madše osusumo̱ se̱ mafe noko, beni afe ni edšurõ ni obafe le̱ akabafe ake̱ fĩmo̱ nā ni, ši moṅ *tšuidšũrõ nā, [8]

¹⁵Edšake̱ ene̱ hewo̱ ni ekole̱ ãgbla nyemli fiō, koni agbe̱ne̱ onále̱ dā,

¹⁶dšee ake̱ tšũlo̱ doṅṅ, ši moṅ moni fé tšũlo̱ tete, moni dši suomo̱nyemi, ni dši minõ titri, ši bo moṅ onõṅ āhũ ye̱ helo ke̱ Nuntšo̱ le̱ gbe̱fãṅ fẽ, [9]

¹⁷Hewo̱ le̱ agbe̱ne̱, ké̱ obuo̱mi ake̱ onanyo le̱, heremo̱le̱ tamo̱ midientše̱.

¹⁸Ši ke̱dši eyeo sane fõṅ ko alo ehĩeo nyōmo̱ ko le̱, no le̱ bū nakai akontā le ohãmi.

¹⁹Mi, Paulo, miṅmã ke̱ midientše̱ minine ake̱, mawo; koni mikakē̱o ake̱ ohĩemi bodientše̱ oyi nyõmo̱ tete.

²⁰Hē, anyemi, hā maná ohe se̱ ye̱ Nuntšo̱ le̱ mli; *hã mitšui anyõ mimli ye̱ Kristo mli. [10]

²¹Ake̱-ni mihĩe kã ono̱ ake̱ oobomi toi hewo̱ miṅmão ne̱, edšake̱ mile ake̱ oofe fẽ beni mikē̱o̱ ne̱ tete.

²²Ši asaṅ sāmo̱ heko otomi; edšake̱ mihĩe kã no̱ ake̱ aatšõ nyeso̱lemo̱i le̱ ano̱ ake̱mi *aakenye. [11]

²³*Epafra, moni dši minanyo gbokle̱fonyo ye̱ Kristo Iesu mli le̱, mībio, [12]

²⁴ke̱ Marko hũ ke̱ Aristarko ke̱ Dema ke̱ Luka, mei ni dši minanemei nitšulo̱i le̱. [13]

²⁵Wo̱-Nuntšo̱ Iesu Kristo dromo̱ le̱ ke̱ nyemumo̱ le̱ ahĩ ši! Amen (Aṅmā ke̱-dše̱ Roma ayahã Filemon ke̱-tšō e̱wenũ Onesimo no̱.)