Read luganda Hebribii 1 Bible Online

Hebribii 1 - luganda bible

Hebribii 1

¹Sá le̱ bei sro̱toi amli ke̱ gbe̱i sro̱toi ano̱ Nyoṅmo̱ tšṍ eke̱ tse̱mei le̱ wie ye̱ gbaloi le̱ anā,

²ši ne̱ke̱ gbĩĩ ne̱ anāgbē mli le̱, ebi le̱ nā eke̱wo̱ wie ye̱, moni enõle̱ eto nibii fẽ *yelo̱ le̱, mo †no̱, hũ ní etšṍ efe dšen bei le̱; [1]

³mo noṅṅ ní dši enumnyam le̱ kpe̱mo̱ ke̱ esu le̱ *heno̱ le̱ ni eke̱ le̱dientše̱ ehewale wiemo le̱ hĩeo̱ nibii fẽ le̱, beni eṅõ le̱dientše̱ ehe efe wohe ešai le̱ †ahetšūmo̱ le̱, ete **eyatá ši ye̱ anumnyamtše̱ agbo le̱ ninedšŭrõ no ye̱ ṅwei, [2]

⁴ni babaō ni ena gbe̱i ni fè ṅweibo̱foi anõ le̱, babaō hũ ni efèame̱ āhũ dši no. [3]

⁵Edšake̱ bo̱foi le̱ ateṅ namo ni ekē̱le̱ pēn ake̱: *“Mibi dšio: nme̱ne̱ mifo̱o”? ni asaṅ: †“Matšṍ etše, ni le̱ hũ eetšṍ mibi”? [4]

⁶Ni beni eke̱ *kromo̱bi le̱ aaba dše ne̱ mli ekoṅ le̱, eke̱: †“Hà Nyoṅmo̱ bo̱foi fè adšále̱.” [5]

⁷Ni ṅweibo̱foi le̱, eke ye̱ ame̱hewo̱ ake̱: *“Moni feo ebo̱foi le̱ mumo̱i, ni esuoloi le̱ hũ efeoame̱ lalile̱ii le̱;” [6]

⁸ši bi le̱, eke ye̱ ehewo̱ ake̱: *“Ō Nyoṅmo̱, omaṅtše̱sẽi le̱ mã ši ke̱-mīya nāno̱i anāno̱; ni omaṅtše̱yelitšo le̱, dšale̱ maṅtše̱yelitso ni; [7]

⁹osumoo̱ dšale̱ ni onye̱o̱ efõṅ-femo̱; hewo le̱ Nyoṅmo̱ ní dši o-Nyoṅmo̱ le̱ ke̱ mliflimo̱ mũ le̱ efo̱o fè onanemei le̱.”

¹⁰Ni: *“Nuntšo̱, šišidšē le̱ mli le̱, bo oto šikpoṅ le̱ šiši, ni ṅwei le̱ onine nã nitšumo̱i ni; [8]

¹¹ame̱ le̱, ame̱hĩe bakpãtã, ši bo le̱, ohĩo̱ ši dā, ni ame̱fẽ ame̱basū tamo̱ atade;

¹²ni ookotaame̱ tamo̱ mama, ni ame̱atšake; ši bo le̱, oye bo̱ni oyo̱ le̱ noṅṅ, ni ofii le̱ etãã.”

¹³Ši ṅweibo̱foi le̱ ateṅ namo po ni eke ye̱ ehewo̱ pẽṅ ake̱: *“Tá mininedšŭrõ no̱ ke̱-yaši beyino̱ ní maṅõ ohenye̱lo̱i le̱ mafe onãdšiaši-mãṅō?” [9]

¹⁴Ani amefẽ le̱, dšee mumo̱i ni *súmoo̱ dsiame̱, ní mei ni batšṍmo̱ yiwalaheremo̱ le̱ yelo̱i le̱ †asúomo̱ hewo̱ atšũo̱ame̱? [10]