Read luganda Hebribii 10 Bible Online

Hebribii 10 - luganda bible

Hebribii 10

¹Edšake̱ nii kpakpai ní baba le̱ *asusuma ke̱ke̱ mla le̱ hĩe, ni dšee nibii le̱ asubāṅ dientše̱ ni, hewo le̱ †enyēṅ eke̱ dā afi afo̱lei ní ame̱šãa no̱tono̱to le̱ ahā mei ni babe̱ṅke̱o̱ le̱ ahĩ ke̱-wula ši, gbĩkogbĩko; [100]

²kũle̱ aafõ afo̱lei le̱ šā̃, edšake̱ mei ni badšáa Nyoṅmo̱ le̱, ké̱ atšū ame̱he šikome pe̱ le̱, ame̱be̱ ame̱he ešai ahenilē kwrā doṅṅ?

³Ši moṅ afo̱lei le̱, *kaimo̱ aṅõ-kaio̱ ešai dā afi. [101]

⁴Edšake̱ anyẽṅ ake̱ tšinai ke̱ tōkpakpoi alá adšie ešai.

⁵Nohewo le̱ beni ebaä dše ne̱ṅ le̱, *ekē̱: “Afo̱le ke̱ nikēnii le̱ osumo̱o̱, ši gbomotšo osā ohãmi; [102]

⁶šā̃-afo̱lei ke̱ eša he afo̱lei esaa ohĩe.

⁷No ni mikē̱: Na, miba, aṅmã mihe sane ye̱ wolokpo le̱ mli, ní mibafe bo, Nyoṅmo̱, osuomo̱nānii le̱.”

⁸Beni ekē̱ tšutšu le̱ ake̱: “Afo̱le ke̱ nikēnii ke̱ šā̃-afo̱lei ke̱ eša he afo̱lei le̱ osumo̱o̱, ni esaa ohĩe hũ,” nii ni ake̱-bahãa ye̱ mla le̱ nā le̱, ke̱ke̱ le̱ ekē̱:

⁹“Na, miba ní mibafe bo, Nyoṅmo̱, osuomo̱nānii le̱,” edšie tšutšunõ le̱, ní eke̱ noni dši enyo̱ le̱ aba dšeṅ;

¹⁰nakai suomo̱nānii le̱ mli atšū wo̱he ye̱ ke̱-tšṍ Iesu Kristo gbomotšo ni eke̱-hã *šikome nyoṅlo le̱ no̱. [103]

¹¹Ni oso̱fo-fē-oso̱fo le̱, *gbĩ-fẽ-gbĩ le̱ edamoo̱ ši esúmoo̱, ni ešãa nakai afo̱lei le̱ noṅṅ kpitiokpitio, nii ni †nyẽẽ ešai adšie gbĩkogbĩko le̱; [104]

¹²ši le̱ le̱, noni ešã ešai ahe afo̱le *šikome nyoṅlo le̱, eyatá Nyoṅmo̱ ninedšŭrõ no̱; [105]

¹³ni noni eſe̱ dši ake̱, ēmẽ *“ke̱-yaši beyino̱ ní aaṅõ ehenye̱lo̱i le̱ afe enãdšíaši-māṅō.” [106]

¹⁴Edšake̱ afo̱le kome ní ešã le̱, eke̱hã mei ní atšū ame̱he le̱ ehĩ ke̱-wula ši nyoṅlo. [107]

¹⁵Ni Mumo̱ kroṅkroṅ le̱ hũ yeo̱wo̱ odase. Edšake̱ ekē̱ momo le̱ ake̱:

¹⁶“Ene̱ dši kpãṅmo̱ ni mike̱ame̱ aakpãṅ ye̱ nakai gbĩĩ le̱ ase̱” le̱, Nuntšo̱ le̱ kē̱: “Mike̱ mimlai le̱ aawo ame̱tšuĩi amli, ni maṅmã mawo ame̱dſẽṅmoi amli, [108]

¹⁷ni ame̱he ešai le̱ ke̱ ame̱no̱tõmo̱i le̱ mikaiṅ kwrā doṅṅ.” [109]

¹⁸Ni heni ake̱ ene̱mei efa ye̱ le̱, ešai ahe afo̱le-šā̃ ko be̱ doṅṅ.

¹⁹Nohewo̱ le̱, anyemimei, ake̱-ní wo̱yo̱ ekā̃ ye̱ Iesu lá le̱ hewo̱ ní wo̱ke̱-abote hekroṅkroṅ le̱ mli, [110]

²⁰ye̱ *gbe̱ hē ni hĩe kã ni edše ehãwo̱ le̱ no̱, ke̱-tšṍ muhō̱ le̱ ní dši le̱dientše̱ ehelo le̱ mli, [111]

²¹ni asaṅ wo̱ye̱ oso̱fonukpa kpeteṅkple ní yo̱ Nyoṅmo̱ we le̱ no̱ hewo̱ le̱,

²²*nyehāa wo̱ke̱ ano̱kwa tšui ababe̱ṅke̱a ye̱ hemo̱-ke̱-yeli ni wo̱-yo̱ hewale̱ ye̱ no̱ le̱ mli, ke̱ tšui hũ ní atšū he ní ebe̱ henilē fõṅ ko doṅṅ, ke̱ gbomotšo ní †ake̱ nu ní mli tše edšu he, [112]

²³ni nyehãa *wo̱mõa wo̱hĩeno̱kãmo̱ dšadšemo̱ le̱ mli ní awaä ní ekagbugbã, edšake̱ moni wo ši le̱ ano̱kwafo ni, [113]

²⁴ni nyehãa wo̱yo̱seyo̱sea wo̱he, koni wo̱hĩe ado̱ suomo̱ ke̱ nitšumo̱i kpakpai ahe, [114]

²⁵ni wo̱kakwa wo̱he nābuamo̱, take̱ bo̱ni meikomei fo̱ö̱ femo̱ le̱, ši moṅ *wo̱-wowō wo̱he ṅā, ni titri le̱ ake̱-ní †nyenaä ake̱ gbĩ le̱ mībe̱ṅke̱ ne̱. [115]

²⁶Edšake̱ ke̱ kwa wo̱kwaä wo̱feo̱ eša, beni wo̱ná ano̱kwale he nilē le̱ se̱ le̱, bĕle̱ ešai ahe afo̱le ko be̱ doṅṅ; [116]

²⁷ši kodšomo̱ gbe̱kwe̱mo̱ ní yo̱ gbeyei ke̱ke̱, ke̱ la grigri ní bašã henye̱lo̱i le̱.

²⁸Ké̱ moko kwa Mose mla le̱, anaale̱ mo̱bo̱, ši mei enyo̱ lo etẽ odaseyeli nä le̱ agbeo̱le̱; [117]

²⁹*mẽ toigblamo̱ ni wa po nyedſẽṅo̱ ake̱ sa gbomo ko ní enānā Nyoṅmo̱ bi le̱ no̱, ni ebu kpãṅmo̱ lá ní ake̱-tšū ehe le̱ ake̱ yakanoko, ni efe dromo̱ mumo̱ le̱ niseniianii le̱? [118]

³⁰Edšake̱ wo̱le moni kē̱ ake̱: *“Minõ dši oweletō̱, mi mawo he nyõmo̱”. Ni asaṅ: “Nuntšo̱ le̱ aakodso le̱dientše̱ emaṅ le̱.” [119]

³¹Nyoṅmo̱ hĩekãlo̱ le̱ deṅ gbēmo̱ ye̱ gbeyei pam.

³²Ši nyekaia kleṅkleṅ gbĩĩ le̱, *beni la tšo ye̱ nyeno̱ le̱, bo̱ni nyemĩa nyehĩe ye̱ amanehũlũi ata babaō mli. [120]

³³ni eko mli le̱ ake̱ dšé̱mo̱ ke̱ amanehũlũi so̱ṅṅ hã nyetšṍmo̱ *kwe̱mo̱nii, ni eko hũ nyetšṍmo̱ mei ni afeame̱ nakai le̱ ananemei; [121]

³⁴edšake̱ nyemũsũṅ šãnye ye̱ mei ní awoame̱ gbokle̱i le̱ ahewo̱, ni nyenii ni aha le̱ hũ nyeke̱ mīše̱ kplẽ, ake̱-ni *nyele ake̱ nyeye̱ dſetri ní hĩ fè no āhũ ní hĩo̱ ši dā ye̱ ṅwei le̱. [122]

³⁵Nohewo̱ le̱ nyekaše̱a nyemli eka le nyefoa, edšake̱ eye̱ nyõmo̱wo kpeteṅkple.

³⁶Edšake̱ tšuisitō ehĩanye, koni, beni nyefe Nyoṅmo̱ suomo̱nānii le̱, nyenine aše̱ šiwō le̱ no̱. [123]

³⁷Edšake̱ “fiō ke̱ke̱ eſe̱ ní moni baä le̱ aaba, ni etše̱ṅ kwrā; [124]

³⁸ši *dšalo̱ ni dše̱ hemo-ke̱-yeli mli le̱ yi aana wala; ni ké̱ ekpa ye̱ mise̱ le̱, misusuma náṅ ehe tšuidšŭrõ.” [125]

³⁹Ši wo̱ le̱, dšee mei ní kpaleo̱ ke̱-yaä hīekpãtãmo̱ mli le̱ ateṅ meikomei dšiwo̱, ši moṅ wo̱dsi mei ní ke̱ hemo̱-ke̱-yeli náa ame̱susuma yiwalaheremo̱ le̱ ateṅ meikomei.