Read luganda Hebribii 13 Bible Online

Hebribii 13 - luganda bible

Hebribii 13

¹Nyehãa nyemimeiahedō̱ ahĩa ši dã! [179]

²*Gbo̱femo̱ hũ, nyehĩe akakpaä no̱; edšake̱ no no̱ meikomei tšṍ fe †ṅwei-bo̱foi agbo, ni ame̱lee. [180]

³Nyekaia mei ní *awoame̱ gbokle̱i le̱ tamo̱ ake̱ nyeke̱ame̱ kãmo̱ mli, ke̱ mei ni afeo̱ame̱ efõṅ le̱ hũ, ake̱ nye hũ nyeye̱ gbomotšo mli lolo. [181]

⁴Awo gblã hĩe nyam ye̱ nyefẽ nyeteṅ, ni akabule gblãsā hũ; ši adſamaṅbo̱lo̱i ke̱ gblaṅkũolo̱i le̱, Nyoṅmo̱ bakodšoame̱. [182]

⁵Šikasuomo̱ akaba nyedšeṅba mli, ni *nyemī aše̱a nii ní nyeyo̱ le̱ he; edšake̱ le̱dientše̱ †ekē̱: “Mišĩṅo ni misā mikwaṅo gbĩkogbĩko.” [183]

⁶Beni afe ní wo̱ná tšui ni wo̱kē̱: *“Nuntšo̱ le̱ dši mibobalo̱, ni mišeṅ gbeyei; meni gbomo aafemi?” [184]

⁷Nyekaia *nyetšõlo̱i, mei ní wie Nyoṅmo̱ wiemo̱ le̱ tšõnye le̱; nyekwe̱a ame̱dšeṅba le̱ nāgbē, ni †nyekasea ame̱-hemo̱-ke̱-yeli le̱. [185]

⁸Iesu Kristo le̱, bo̱ni eyo̱ nyè ke̱ ṅmene̱ le̱, nakai noṅṅ eyo̱ ke̱-yaä nāno̱. [186]

⁹Nyekahãa *tšõmo̱i sro̱toi ke̱ tšõmo̱i krokomei kenye mīlila ši; edšake̱ ehī ake̱ ake̱ dromo̱ †awo tšui hewale̱, ši **dšee niyenii ní hãã mei ní tšuo̱ he nii le̱ aná se̱ ko ye mli le̱. [187]

¹⁰Wo̱ye̱ afo̱lešãlate̱ ko ní mei ní súmoo̱ ye̱ bū le̱ mli le̱ be̱ hegbe̱ ake̱ ame̱yeo̱ ene̱ nii. [188]

¹¹Edšake̱ *koloi ní oso̱fonukpa le̱ ṅõo̱ ame̱lá ke̱-yaä hekroṅkroṅ le̱ ye̱ eša hewo̱ le̱ agbohĩĩ le̱ ayašãa ye nsra le̱ se̱. [189]

¹²Nohewo̱ le̱ Iesu hũ, heni afe ní eke̱ le̱dientše̱ elá le̱ atšū maṅ le̱ he le̱, agbó le̱ se̱ ena amanehũlũ le̱ ye̱. [190]

¹³Nohewo̱ le̱ agbene, nyehãa wo̱dšea kpo ke̱-yaä eṅõ ye̱ nsra le̱ se̱ ni wo̱tẽre *ehorabō̱ le̱. [191]

¹⁴Edšake̱ wo̱be̱ maṅ ní kãa ši ye̱ bie̱, ši maṅ ní baba le̱ moṅ se̱gbe̱ wo̱taoo̱. [192]

¹⁵Bĕle̱ nyehãa wo̱tšṍa eno̱ ní wo̱ke̱ yidšĩemo̱ afo̱le abahãa Nyoṅmo̱ dā; no dši nābui ní dšadšeo̱ egbe̱i le̱ ayibii le̱. [193]

¹⁶Ši edšũrõfemo̱ ke̱ nikē le̱, nyehĩe akakpaä no̱; edšake̱ *nakai afo̱lei saä Nyoṅmo̱ hĩe dšogbāṅ. [194]

¹⁷*Nyeboa nyetšõlo̱i le̱ atoi ni nyebaä nyehe ši nyehãäame̱; edšake̱ ame̱ ame̱buo̱ nyesusumai le̱ ahe ake̱ mei ni †babu he akontā, koni ame̱ke̱ mīše̱ afe nii ne̱, ši dšee ntšo̱idõmo̱; edšake̱ no ehĩĩ hããnye. [195]

¹⁸Nyeso̱lea nyehãawo̱; edšake̱ *wo̱hĩe kã no̱ ake̱ wo̱ye̱ henilē kpakpa, ni wo̱mītao ake̱ wo̱ba wo̱dšeṅ fe̱fe̱o ye̱ nii fẽ mli. [196]

¹⁹Ni mikpanye fai babaō ake̱ nyefe nakai, koni akpalemi ahãnye oyá.

²⁰Ši hedšo̱le̱ Nyoṅmo̱ le̱, moni dšie tōi le̱ *akwe̱lo̱ kpeteṅkple ní dši wo̱-Nuntšo̱ Iesu ke̱-dše̱ gbohĩĩ ateṅ ye̱ nāno̱ kpãṅmo̱ le̱ lá le̱ mli le̱, [197]

²¹le̱ ésānye ehã nitšumo̱ kpakpa-fẽ-nitšumo̱ kpakpa, ní nyefe esuomo̱nānii, ní etšṍ Iesu Kristo no̱ efe noni sa le̱dientše̱ ehĩe ye̱ nyemli; le̱ aṅõ anumnyam ahã ke̱-yaši nāno̱i anāno̱ le̱! Amen.

²²Ši, anyemimei, mikpanye fai ní nyemõ wiemo̱-ke̱-tšõmo̱ ne̱ mli, edšake̱ wiemo̱ kukuō miṅmã mimãdšenye ne̱.

²³Nyenáa nyelea ake̱ aṅmē̃ wo̱nyemi Timoteo he, ni ké̱ eba mrã le̱, mike̱le̱ aaba mabananye.

²⁴Wo̱mībi nyetšõlo̱i le̱ fẽ ke̱ meikroṅkroṅi le̱ fẽ-tſẽm. Mei ní dše̱ Italia le̱ mībinye.

²⁵Dromo̱ le̱ ke̱ nyefẽ ahĩ ši! Amen. (Aṅmã amãdše Hebribii le̱ ke̱-dše̱ Italia ke̱-tšṍ Timoteo no̱.)