Read luganda Hebribii 2 Bible Online

Hebribii 2 - luganda bible

Hebribii 2

¹Nohewo le̱ esa ake̱ wo̱mõ nii ní wo̱nu le̱ mli ní awa, koni wo̱kakplaṅ ke̱-dše̱ he beko.

²Edšake̱ ké̱ wiemo̱ ní awie ye̱ *ṅweibo̱foi anā le̱ mā ši šinn, ni awo no̱tõmo̱-fẽ-no̱tõmo̱ ke̱ toigbĕle-fẽ-toigbĕle he nyõmo̱ boni dša le̱: [11]

³*té wo̱ le̱ wo̱bafe tēṅ wo̱dšo nā foiṅ, ke̱dši wo̱buu ne̱ke̱ yiwalaheremo̱ kpeteṅkple ne̱ le̱? Noni tšutšu le̱ †Nuntšo̱ le̱ dši moni wie he, ní mei ní nu le̱ hũ mā no̱ mĩ́ ame̱hãwo̱, [12]

⁴ni Nyoṅmo̱ dientše̱ hũ ke̱ okadii ke̱ nākpe̱nii ke̱ hewale̱nii sro̱toi ke̱ Mumo̱ kroṅkroṅ hãmo̱ le̱ miye *odase mīši no̱, ye̱ le̱dientše̱ esuomo̱ nā le̱. [13]

⁵Edšake̱ dšee ṅweibo̱foi ašiši eke̱ dšeṅ ní baba ní wo̱wieo̱ he le̱ to.

⁶Ši moko ye odase faṅṅ ye̱ *heko ake: “Meni dši gbomo ádesã ni okaio̱le̱? alo gbomo bi hũ, ni ohĩe kãa ehe ne̱? [14]

⁷ſe̱ fiō ke̱ke̱ ni ohã eke̱ ṅweibo̱foi aye egbo̱; oke̱ anumnyam ke̱ wō efĩle̱ akekre [ni oṅõle̱ oto oninenā-nitšumo̱i le̱ ano̱].

⁸Oṅõ nibii fẽ-kwa oto enãdšiaši.” Edšake̱, ké̱ eke̱ nibii fẽ eto enãdši aši le̱, eſe̱e̱le̱ nokonoko ní aṅõ-toko ešisi; ši agbe̱ne̱ le̱, wo̱náko wo̱na ake̱ ake̱ nibii fẽ eto ešiši,

⁹ši moni ahã ſe̱ fiō ke̱ke̱ ní eke̱ ṅweibo̱foi aye egbo le̱, wo̱na ake̱ Iesu ni, moni gbĕle mli amanehũlũ le̱ hewo̱ ni *ake̱ anumnyam ke̱ wō fĩle̱ akekre le̱, beni afe ní Nyoṅmo̱ dromo̱ nā le̱ esa enā gbĕle ehã mofẽmo. [15]

¹⁰Edšake̱ esale̱, mo hewo̱ ní nii fiā yo̱ ke̱ *mo no̱ ní atšṍ ní nii fiā yo̱ le̱, moni ṅõo̱ bii babaō ke̱-baä anumnyam mli le̱, ake̱ ehã ame̱yiwalaheremo̱ tatše̱nukpa le̱ atšṍ amanehũlũi amli ahĩ ke̱-wula ši. [16]

¹¹Edšake̱ moni tšūo̱ mei ahe le̱ ke̱ mei ní atšūo̱ amehe le̱ fẽ dše̱ mokome mli, no hewo̱ dše̱ ni ehĩe gboo ake eetšé̱ame̱ *nyemimei le̱, [17]

¹²ni ekē̱: *“Matšĩ ogbe̱i le̱ atã matšõ minyemimei le̱; asafo teṅ hũ mala madšie oyi ye̱.” [18]

¹³Ni asaṅ: *“Maṅõ mihĩe mafõ eno̱.” Ni asaṅ: †“Nami, ke̱ bii ni Nyoṅmo̱ eṅõ-hãmi le̱.” [19]

¹⁴Nohewo le̱ ake̱-ní bii le̱ hĩe helo ke̱ lá hewo̱ le̱, le̱ hũ eṅõ no noṅṅ eko *tamo̱ame̱, koni etšṍ gbĕle no̱ ekpãtã moni yo̱ gbĕle no̱ †hewale̱ ní dši abonsam le̱ hĩe, [20]

¹⁵ní ekpo mei ní gbĕle gbeyeišemo̱ hewo̱ le̱ ame̱tšṍmo̱ nyṍdši ye̱ ame̱wala-be fẽ mli le̱.

¹⁶Edšake̱ le̱le̱ṅ, dšee ṅweibo̱foi eyeo ebuaä, ši moṅ Abraham sešibii eyeo̱ ebuaä;

¹⁷nohewo̱ le̱ nibii fẽ gbe̱fãṅ le̱ esa ake̱ *etamo̱ enyemimei le̱, koni etšṍ mo̱bo̱nalo̱ ke̱ ano̱kwa oso̱fonukpa ye̱ Nyoṅmo̱ hĩe, koni ekpa maṅ le̱ yi musu. [21]

¹⁸Edšake̱ ake̱-ní le̱dientše̱ le̱ ena amanehũlũ ni akale̱ hewo̱ le̱, enyẽo̱ eyeo̱ ebuaä mei ní akaäarne̱ le̱. [22]