Read luganda Hebribii 4 Bible Online

Hebribii 4 - luganda bible

Hebribii 4

¹Nohewo le̱ nyehãa wo̱šea gbeyei, koni aleenõ, ni aši ehedšō̱mo̱ le̱ mli botemo̱ he šiwō ahãwo̱ ne̱, akaba ake̱ eṅmē̃ nyeteṅ moko.

²Edšake̱ wo̱ hũ adšadše sanekpakpa le̱ atšõwo̱, tamo bo̱ni adšadše atšõame̱ le̱ noṅṅ; ši kẽle̱ wiemo̱ ní ame̱nu le̱ he eyabaa se̱námo̱ ko hããame̱, edšake̱ mei ní nu le̱ ke̱ hemo̱-ke̱-yeli mõõ mli.

³Edšake̱ wo̱ mei ní wo̱he wo̱ye le̱ wo̱mībote nakai hedšō̱mo̱ le̱ mli, take̱ bo̱ni ekē̱: “No hã mikã kitã ye̱ mimlifũ le̱ mli *ake̱: Ké̱ ame̱bote mihedšō̱mo̱ le̱ mli, fĩ!” tše̱ agbe nitšumo̱i le̱ anā ke̱-dše̱ dšeṅ šišidšē. [34]

⁴Edšake̱ bo̱ni ewie ye̱ heko ye̱ gbĩ ní dši gbĩ kpawo le̱ hewo̱ ne̱: *“Ni Nyoṅmo̱ dšō̱ ehe ye̱ gbĩ ní dši gbĩ kpawo le̱ no̱ ke̱-dše̱ enitšumo̱i le̱ fẽ mli;” [35]

⁵ni bie̱ ne̱ esā ekē̱: “Ké̱ ame̱bote mihedšō̱mo̱ le̱ mli, fĩ!”

⁶Nohewo le̱, ake̱-ni ekã ši ake̱ meikomei babote mli, ni mei ní adšadše sanekpakpa le̱ atšõame̱ tšutšu le̱ botee mli ye̱ hé ní ame̱hee ame̱yee hewo̱ le̱,

⁷esā eto gbĩ ko ekoṅ, ni ekē̱ ye̱ David nā, ye̱ be babaō ne̱ se̱ ake̱, *“ṅmene̱”, take̱ bo̱ni †akē̱ sá le̱, “ṅme̱ne̱, ke̱dši nyenu egbē le̱, nyekawadšea nyetšuii.” [36]

⁸Edšake̱ edši *Iošua ná hãame̱ hedšō̱mo̱ kũle̱, fe se̱ le̱ ewieṅ ye̱ gbĩ kroko hewo̱ donṅ. [37]

⁹Nohewo le̱ hedšō̱mo̱gbĩyeli ko kã ši kẽ hã Nyoṅmo̱ maṅ le̱.

¹⁰Edšake̱ moni ebote ehedšō̱mo̱ le̱ mli le̱, le̱dientše̱ hũ *edšō̱ ehe ke̱-dše̱ enitšumo̱i le̱ amli, take̱ bo̱ni Nyoṅmo̱ dšō̱ ehe ke̱-dše̱ enõ le̱ mli le̱. [38]

¹¹Nohewo̱ le̱ nyehãa wo̱bo̱a mo̱deṅ, koni wo̱bote nakai hedšō̱mo̱ le̱ mli, ni moko akanyie nakai toigbĕle okadi le̱ se̱ ni egbē ši.

¹²Edšake̱ Nyoṅmo̱ wiemo̱ hĩe kã ni eye hewale̱ ni enā ba fè klante ke̱ enā nta fẽ, ni egbuo̱ ke̱-boteo̱ mli ke̱-yaši beyino ní egblaä susuma ke̱ mumo̱ le̱ ke̱ talo̱i ke̱ wuiaṅfo̱i le̱ amli, ni edši tšuiiaṅ susumo̱i ke̱ dſẽṅmo̱i le̱ akodšolo̱: [39]

¹³ni atēē bō̱nõ ko ye̱ ehĩe, ši nibii fẽ ye̱ faṅṅ ni agble no ye̱ le̱ moni wo̱-ke̱-yo̱ sane le̱ hĩṅme̱iiaṅ.

¹⁴Agbe̱ne̱, ake̱ noni *wo̱yo̱ oso̱fonu-kpa kpetenkple, ni efoṅ ke̱-tšṍ ṅweiiaṅ, ní dši Iesu, Nyoṅmo̱ bi le̱ ne̱, nyehãa womõa dšadšemo̱ le̱ mli ní awaä. [40]

¹⁵Edšake̱ wo̱so̱fonukpa ni wo̱yo̱ le̱ edšee moni *nyẽẽ anu wo̱gbede-mo̱i le̱ ahe ahãwo̱, ši edši moko ní akale̱ ye̱ nibii fẽ gbe̱fäṅ tamo̱wo̱ ní kẽle̱ eša-ko-eša-ko be̱ ehe. [41]

¹⁶Hewo le̱ nyehãa *wo̱ke̱ ekã atšia abe̱ṅke̱a †dromo̱ sẽi le̱, koni wo̱nine aše̱ mo̱bo̱nale̱ no̱ ni wo̱ná dromo̱ ní aaye abuawo̱ ye̱ be ní sa mli. [42]