Read luganda Hebribii 7 Bible Online

Hebribii 7 - luganda bible

Hebribii 7

¹Ši *Melkizedek ne̱, le̱ dši Salem maṅtše̱, Nyoṅmo̱, Ofe le̱, oso̱fo, ni ke̱ Abraham yakpe beni ekũ ese ke̱-dše̱ maṅtse̱mei le̱ agbē le̱ mli ni edšō̱le̱ le̱, [60]

²ní Abraham hãle̱ nii le̱ fẽ mlidšāi nyonma mli ekome, moni kleṅkleṅ, ké̱ atšõ egbe̱i le̱ šiši le̱, edši dšale̱ maṅtše̱, ši no se̱ hũ le̱ Salem maṅtše̱, ní dši hedšo̱le̱ maṅtše̱ le̱;

³moni be̱ tše̱, ebe̱ nye, ebe̱ weku-kpã, ebe̱ gbĩĩ ašišidšē lo wala nāgbē tete, ši aṅōle̱ ato Nyoṅmo̱ bi le̱ he le̱, ehĩo̱ ši ake̱ oso̱fo dāne̱.

⁴Agbene nyedſẽṅa, bo̱ni mone̱ da hã, ní blematše̱ Abraham le̱ tete ṅō nomṅõnii kpakpai le̱ amlidšāi nyoṅma mli ekome ehãle̱ le!

⁵Ni ye̱ mli ake̱ Levi bii le̱ ateṅ mei ní tšuo̱ oso̱foianitšumo̱ le̱ hũ ye̱ *kitã ko ake̱ ame̱hé mlidšāi nyoṅma mli ekome ye̱ maṅ le̱ deṅ ye̱ mla le̱ nā, no dši ye̱ ame̱nyemimei le̱ adeṅ, tše̱ ame̱ hũ ame̱dše̱ Abraham he mli; [61]

⁶ši moni be̱ wekušišitšõmo̱ ko ye̱ ame̱teṅ ne̱, ehé mlidšāi nyoṅma le̱ mli ekome ye̱ Abraham tete deṅ, ni edšō̱ moni yo̱ šiwōi le̱ tete.

⁷Ši ebe̱ ṅwanedšē ko kwrā ake̱, moni da fè mo le̱, le̱ edšō̱o̱ moni edaa le̱.

⁸Ni asaṅ bie̱ le̱, gbomei ní gboio̱ le̱ dši mei ní heo̱ mlidšāi nyoṅma mli ekome le̱, ši dše̱i le̱, moko ni aye ehe odase ake̱ ehĩe kã le̱ hé.

⁹Ni, ké̱ makē̱ nakai le̱, Abraham mli le̱ ahē mlidšāi nyoṅma mli ekome le̱ ye̱ Levi ní heo̱ no le̱ hũ deṅ:

¹⁰edšake̱ eye̱ etše he̱ mli lolo, beni Melkizedek ke̱le̱ bakpe le̱.

¹¹Agbene ke̱dši *emūyeli tšṍ Levi oso̱foyeli le̱ no̱ ke̱-ba le̱ (edšake̱ eyino̱ awo maṅ le̱ mla ye̱), kũle̱ mẽba ehĩa lolo ake̱ oso̱fo kroko ate ši ye̱ Melkizedek gbe̱dšiano̱ le̱ nā, ni awoole̱ ye̱ Aaron gbe̱dšiano̱ le̱ nā? [62]

¹²Edšake̱ ké̱ atšake oso̱foyeli le̱, bĕle̱ ehĩa ake̱ atšake mla le̱ hũ.

¹³Edšake̱ mo he ní ekē̱ nii ne̱ ye̱ le̱, edši akutšo-kroko-mlinyo, nõ mli ní moko dše̱ko ebatšuko afo̱lešālate̱ le̱ he nii pẽṅ;

¹⁴edšake̱ eye̱ faṅṅ ake̱, *Iuda mli wo-Nuntšo̱ le̱ dše̱, nakai akutšo le̱ Mose ewiee he noko ye̱ oso̱foyeli hewo̱. [63]

¹⁵Ni noni hã eyo̱ faṅṅ kwrā fè fẽ le̱ dši, oso̱fo kroko te ši ni tamo̱ Melkizedek,

¹⁶moni dšee helo kitã mla nā awole̱ ye̱, ši moṅ wala ni fitee le̱ hewale̱ nā.

¹⁷Edšake̱ eye odase ake̱: *“Oso̱fo dšio ke̱-mīya nāno̱ ye̱ Melkizedek gbe̱dšiano̱ le̱ nā.” [64]

¹⁸Edšake̱ kitã ní tšṍ hĩe le̱, ake̱-ní ebe̱ hewale̱ ni ehe be̱ se̱námo̱ ko hewo̱ le̱ agu,

¹⁹edšake̱ mla le̱ *hãã nokonoko aye emū, ši ake̱ no̱hĩekãmo̱ ní hĩ fè no ní wo̱ke̱-be̱ṅke̱o̱ Nyoṅmo̱ le̱ ba dšeṅ. [65]

²⁰Ni babaō ní ašii kitãkãmo̱ le̱: — edšake̱ ame̱ le̱, awoame̱ oso̱foi moṅ ši akãã kitã ko,

²¹ši mone̱ le̱, kitãkãmo̱ ake̱-wole̱, ye̱ moni kē̱le̱ ake̱: *“Nuntšo̱ le̱ ekã kitã ni eſaṅ ehe, ake̱: Oso̱fo dsio ke̱-mīya nāno̱ ye̱ Melkizedek gbe̱dšiano̱ le̱ nā,” le̱ hewo̱: [66]

²²— babaō ní kpãṅmo̱ ní Iesu damo mli le̱ hi fẽ no dši no. [67]

²³Ni ame̱ le̱, ake̱-ní gbĕle hãã ame̱wo šihĩle̱ hewo̱ le̱, ame̱yi pī ame̱ye oso̱foi;

²⁴ši mone̱ le̱, ake̱ noni ehĩo̱ ši ke̱-yaä nāno̱ hewo̱ le̱, eso̱foyeli le̱ se̱ efoo.

²⁵Nohewo hũ le̱ enyẽo̱ mei ní tšṍo̱ eno̱ ke̱-baä Nyoṅmo̱ ṅõ le̱ ayiwala ehereo̱ kwrā, edšake̱ eye dā koni edamo̱ mli ehãame̱. [68]

²⁶Edšake̱ oso̱fonukpa ní sawo̱ pe̱ ne̱: moni he tše, ní efõṅ ko be̱ ehe, ni ehé be̱ kpa ko, ní etše ehe ke̱-dše̱ ešafelo̱i ahe, ní awo eno̱ ahā ekwo̱ fè ṅweii; [69]

²⁷moni ehĩaale̱, *tamo̱ nakai oso̱fonukpai le̱, ake̱ gbĩ-fē-gbĩ le̱ ešã le̱dientše̱ ehe ešai ahe afo̱le tšutšu, dāni ešã maṅ le̱ hũ nõ; edšake̱ efe ene̱ ši kome nyoṅlo, beni eṅō le̱dientše̱ ehe ešã afo̱le le̱. [70]

²⁸Edšake̱ *mla le̱, gbomei gbedelo̱i eṅõ-woo̱ oso̱fonukpai le̱, ši kitã ní akã ye̱ mla le̱ se̱ le̱ he wiemo̱ le̱ ewo bi ni eye emū ke̱-yaä nāno̱ le [oso̱fonukpa]. [71]