Read luganda Hebribii 9 Bible Online

Hebribii 9 - luganda bible

Hebribii 9

¹Agbe̱ne̱ kleṅkleṅnõ le̱ hũ ye̱ Nyoṅmo̱-dšámo̱ he gbe̱nānii ke̱ hekroṅkroṅ ní dši dše ne̱ṅ nõ le̱.

²Edšake̱ aši bū ko amã ši, ni beni oyio̱ kleṅkleṅ le̱, *kanetšo ke̱ okplõ ke̱ hĩe-mã-aboloi le̱ yo̱ dše̱i; atšé̱o̱ dše̱i ake̱ hekroṅkroṅ. [79]

³Ši muhō̱ ní dši enyo̱ le̱ se̱ le̱, dšei bū le̱ atšé̱ole̱ *hekroṅkroṅ fè fẽ; [80]

⁴dše̱i šika tšofã-ke̱-ṅmašãnõ le̱ ke̱ kpãṅmo̱-adeka ní ake̱ šika eha he kwrā le̱ yo̱, no mli šika kpulu ke̱ *mána le̱ ke̱ †Aaron tšo ní gba afofro le ke̱ **kpãṅmo̱-te̱i te̱tre̱bii le̱ yo̱; [81]

⁵ni *no no̱ anumnyam kerubim ní ha †kpãtãmo̱sẽi le̱ no̱ le̱ yo̱; nii ní amrõ ne̱ wo̱nyẽṅ amehe wo̱wie ekomekome le̱. [82]

⁶Ni beni asā ne̱ke̱ nibii ne̱ nakai le̱, *oso̱foi le̱ yaä kleṅkleṅ bū le̱ mli dāne̱, ame̱yatšuo̱ Nyoṅmo̱-dšámo̱ he nii; [83]

⁷Ši bū ní dši enyo̱ le̱, oso̱fonukpa le̱ ke̱ke̱ yaä mli *šĩkome dā afi, ní ešii lá eyaa, noni eke̱-yahãa ye̱ le̱dientše̱ ke̱ maṅ le̱ tõmoi ní ame̱lee le̱ ahewo le̱ [84]

⁸Ene̱ Mumo̱ kroṅkroṅ le̱ ke̱-tšõo̱ faṅṅ, ake̱ gbĩĩ abo̱ ní kleṅkleṅ bū le̱ mã ši lolo ne̱, bĕle̱ gbe̱ ni *ake̱-yaä hekroṅkroṅ le̱ anako adšie ši atšõ, [85]

⁹noni dši bene̱-be le̱ he abe̱ ní abu, ni no nā le̱ ake̱ nikēnii ke̱ afo̱lei ní *nyẽṅ ahã moni dšáa le̱ aye emū ye̱ henilē gbe̱fãṅ le̱ baä bahãa, [86]

¹⁰noni hīe *niyenii ke̱ numo̱nii ke̱ †hedšūi sro̱toi ní dši helo gbe̱nānii, ní ato ake̱ afe ke̱-yaši ehēsamo̱ be le̱. [87]

¹¹Ši Kristo ní ba ebaye *nii kpakpai ni baba le̱ ahe †oso̱fonukpa le̱, etšṍ bū ní da ní hĩ ke̱-wula ši fè no, ní dšee nidsi aṅõ-fe, no dši ake̱ dšee dše neṅ bō̱nii amli edše̱ le̱ mli, [88]

¹²ni asaṅ, dšee tōkpakpoi lo tšinabii alá, ši moṅ le̱dientše̱ elá le̱ eke̱-bote hekroṅkroṅ le̱ mli šĩkome nyoṅlo, eke̱-ná nāno̱ kpõmo̱ le̱.

¹³Edšake̱ ké̱ *tšinai ke̱ tōkpakpoi alá ke̱ tšinayō †lamlu ní atšo̱ö̱ aſãa mei ní ebule ame̱he le̱ ano̱ le̱ tšūo̱ ame̱he ni ame̱he tšeo̱ ye̱ helo gbe̱fãṅ le̱: [89]

¹⁴enyie noṅṅ ni Kristo, ní tšṍ nāno̱ mumo̱ le̱ no̱ eṅõ ehe ní kpa ko be̱ he le̱ ehã Nyoṅmo̱ le̱, *lá le̱ tšūmo̱ṅ wo̱henilē le̱ he ke̱-dše̱ṅ nitšumo̱i gbohĩĩ amli, koni wo̱súmo̱ Nyoṅmo hĩekãlo le̱? [90]

¹⁵Ni ene̱ noṅṅ hewo̱ ni edši kpãṅmo̱ hē *mlidamo̱lo̱ le̱, beni afe ní eke̱ gbĕle akpãtã kleṅkleṅ kpãṅmo̱ le̱ no̱ tõmo̱i le̱, ní mei ní atšé̱ame̱ le̱ anine aše̱ nāno̱ gbošinii le̱ ahe šiwō le̱ no̱. [91]

¹⁶Edšake̱ heni awo šamaṅšeo ye̱ le̱, ehĩa ake̱ moni wo le̱ agbo dã,

¹⁷edšake̱ šamaṅšeo le̱, dša agbo dãni enáa hewale̱, ši ké̱ moni wo le̱ hĩe kã lolo le̱, ebe̱ hewale̱.

¹⁸Nohewo̱ ni kleṅkleṅnõ le̱ hũ, ašii lá awoo le̱.

¹⁹Edšake̱ beni Mose edšadše kitã-fẽ-kitã etšõ maṅ mū le̱ fẽ ye̱ mla le̱ nā le̱, eṅõ tšinabii ke̱ tōkpakpoi le̱ alá le̱ ke̱ nu ke̱ tōgwanteṅhetšo̱i tšuru ke̱ hisopo, ni eke̱-ſã wolo le̱ dientše̱ ke̱ maṅ mū le̱ fẽ no̱,

²⁰ekē̱: *“Na, kpãṅmo̱ le̱ ni Nyoṅmo̱ wonye he kitã le̱ lá le̱ ne̱.” [92]

²¹Ni bū le̱ hũ ke̱ Nyoṅmo̱-dšámo̱ he nii le fẽ le, eke̱ *lá le̱ ſãa no nakai noṅṅ. [93]

²²Ni *ſe̱ fiō ni lá aṅõ-tšūo̱ nii fẽ he ye̱ mla le nā; ni †ké̱ aſiee lá ši le̱, aṅõ-faa. [94]

²³Bĕle̱ ehĩa ake̱, nii ni dši ṅweinii le̱ *aheno̱i ne̱, ake̱ ene̱mei atšū he; ši ṅweinii le̱ dientše̱ le̱, afo̱lei ni hĩ fè nomei ake̱tšūo̱ he. [95]

²⁴Edšake̱ *dšee hekroṅkroṅ ni ake̱ nidši fe ní dši nii le̱ dientše̱ le̱ aheno̱ ke̱ke̱ le̱ mli Kristo yabote le̱; ši moṅ ṅwei dientše̱ eyabote, koni agbe̱ne̱ †eyapue ye Nyoṅmo̱ hĩe ehãwo. [96]

²⁵Asaṅ eyabotee dše̱i koni eṅõ ehe ehã dādā, tamo̱ bo̱ni oso̱fonukpa le̱ ya-boteo̱ hekroṅkroṅ le̱ dā afi ke̱ lá ní dšee le̱dientše̱ enõ le̱;

²⁶edšake̱ ke̱dši nakai le̱, kũle̱ sa ake̱ ena amanehũlũ kpitiokpitio ke̱-dše̱ dšeṅ šišidšē bēbe; ši agbe̱ne̱ le̱, *šĩkome ke̱ke̱ adšiele̱ kpo †ye̱ dšeṅbei le̱ anāgbē le̱ mli, koni eke̱ le̱dientše̱ ehe ni eke̱-šā afo̱le le̱ adšie eša le. [97]

²⁷Ni *gbĩĩ abo̱ ní ekã ši ehã gbomei ake̱ šikome ame̱gboio̱, ši no se̱ le̱ abakodšoame̱ le̱: [98]

²⁸nakai noṅṅ *Kristo hũ, noni aṅõle̱ ahã šikome, koni etĕre mei pī ahe ešai ke̱-ya le̱, noni dši ši enyo̱ le̱ eeši eša ebapue ehã mei ní kwe̱e̱le̱ gbe̱ le̱ ayiwalaheremo̱. [99]