Read luganda 2 Petro 1 Bible Online

2 Petro 1 - luganda bible

2 Petro 1

¹Simon Petro, ni dši Iesu Kristo tšũlo̱ ke̱ bo̱fo le, ṅmã yahã mei ni nine eše̱ hemo̱-ke̱-yeli ni dšra wa tamo̱ wo̱nõ le noṅṅ no̱ ye̱ wo̱-Nyoṅmo̱ ke̱ wo̱yi-walaherelo̱ Iesu Kristo dšale̱ le̱ mli le̱:

²Dromo̱ ke̱ hedšo̱le̱ afá ahãnye ye̱ Nyoṅmo̱ ke̱ wo̱-Nuntšo̱ Iesu he nilĕ le̱ mli!

³Gbīīabo̱ ni enyoṅmo̱hewale̱ le̱ eṅõ nii fiã ni hĩ hã wala ke̱ Nyoṅmo̱-dšámo̱ le̱ ekewo̱ ye̱ moni tšõ le̱dientše̱ enumnyam ke̱ enikpakpai anifemo̱ no̱ *etšé̱wo̱ le̱ he nilẽ mli le̱, [1]

⁴nii ni atšõ no̱ hũ ni aṅõ šiwōi kpleikplei ni dšra wa le̱ akewo̱, koni nyetšõ ne̱ke̱ nii ne̱ ano̱ nyená Nyoṅmo̱ fo̱mo̱su le̱ eko ni nyedšo dše ne̱ṅ fitemo̱ ni yo̱ ako̱no̱ mli le̱ nā foi:

⁵bĕle̱ ehe nonṅ hewo hũ le̱ nyeke̱ mo̱deṅbō̱ fẽ afataā he, ni nyetšõa nūfemo̱ ye̱ *nyehemo̱-ke̱-yeli le̱ mli; ši nūfemo̱ le̱ mli hũ, nyetšõa nilē; [2]

⁶ni nilē le̱ mli hũ le̱, hĩešikãmo̱; ni hĩešikãmo̱ mli le̱, tšuišitō; ni tšuišitō mli le̱, Nyoṅmo̱-dšámo̱;

⁷ni Nyoṅmo̱-dšámo̱ mli le̱, nyemimeiahedō̱; ni nyemimeiahedō̱ mli le̱, suomo. [3]

⁸Edšake̱ ke̱dši ne̱ke̱ nii ne̱ ye̱ nyemli ni efá le̱, ehãṅ nyefe hedšõlo̱i alo mei ni woo yibii ye̱ wo̱-Nuntšo̱ Iesu Kristo he nilē le̱ gbe̱fãṅ.

⁹Edšake̱ moni be̱ ne̱ke̱ nii ne̱ le̱, le̱ le̱ *ſilafo dšile̱, ni enaa šoṅṅ nii, ake̱ni ehĩe ekpa ehe-ešai ni efe sá le̱ ahe-tšũmo̱ no̱ le̱. [4]

¹⁰Nohewo̱ le̱, anyemimei, nyebo̱a mo̱deṅ ni nyewadšea nyetšé̱mo̱ ke̱ ha-lamo̱ le̱; edšake̱, ké̱ nyefe ene̱ le, nyetē̱re̱ṅ gbĩkogbĩko.

¹¹Edšake̱ nakai ni aaṅmẽnye wo̱-Nuntšo̱ ke̱ yiwalaherelo̱ Iesu Kristo nāno̱-maṅtše̱yeli le̱ mli gbe̱ āhũ.

¹²Nohewo̱ le dãne̱ mike̱ mihe efõṅ ši ni makainye ye̱ ne̱ke̱ nii ne̱ ahewo̱, tše̱ nyele momo ni nyenane emõ ši ye̱ ano̱kwale ni yo̱ le̱ mli.

¹³Ši gbĩĩabo̱ ni miyo̱ ne̱ke̱ *bū ne̱ mii ne̱, mibuo̱ ake̱ edša, ake̱ mike̱ kaimo̱ atšĩe nyehĩe; [5]

¹⁴edšake̱ mile ake̱ miba le̱ kpamo̱ le̱ bafe oyá, take̱ bo̱ni wo̱-Nuntšo̱ Iesu Kristo hũ edšie kpo etšõmi le. [6]

¹⁵Ši mabo̱ he mo̱deṅ, koni midšeṅdšẽ se̱ le̱, nyehīe ahĩ nii ne̱ ano̱ befēbe.

¹⁶Edšake̱ dšee adesãi ni atã ye̱ ṅā mli ase̱ wo̱nyie wo̱dšadše wo̱-Nuntšo̱ Iesu Kristo hewale̱ ke̱ ebã le̱ he sane wo̱tšõnye, ši moṅ wo̱dši odasefoi ni na enumnyam kpeteṅkple le̱ ke̱ wo̱hĩṅme̱ii.

¹⁷Edšake̱ ená wõ ke̱ anumnyam ke̱dše̱ tše̱ Nyoṅmo̱ ie̱ ṅō, beni nakai gbē le̱ dše̱ anumnyam kpeteṅkple le̱ mli ba eṅō ake̱: *“Mone̱ dši misuomo̱bi, ni mináa eba tšui le̱.” [7]

¹⁸Ni ne̱ke̱ gbē ne̱ wo̱dientše̱ wo̱nu ake̱ ṅwei edše̱, beni wo̱ke̱le̱ yo̱ goṅ kroṅkroṅ le̱ no̱ le̱.

¹⁹Ni amã gbale̱ wiemo̱ le̱ no̱ mi ahãwo̱ fé tšutšu le̱, noni ke̱dši nyeṅõ nyehĩe nyeto no̱ ake̱ la ni tšoo̱ ye̱ heko ni woo̱ duṅ, ke̱-yaši beyino̱ ni dše aatše̱re ni tolō le̱ aate ši ye̱ nyetšuii amli le̱, no̱ le̱ nyemĩfe dšogbãṅ.

²⁰Ni nyele ene̱ tšutšu ake̱ ṅmãle̱ le̱ṅ gbale̱-fẽ-gbale̱ le̱ edše̱e̱ gbomo ko šišitšõmo̱ mli.

²¹Edšake̱ gbale̱ ko bako ye̱ gbomo suomo̱ nã pẽṅ, ši moṅ Mumo̱ kroṅkroṅ le̱ tšire̱o̱ Nyoṅmo̱ gbomei kroṅkroṅi le̱ ni ame̱wieo̱. [8]