Read luganda 2 Petro 2 Bible Online

2 Petro 2 - luganda bible

2 Petro 2

¹Ši amalegbalo̱i hũ te ši ye̱ maṅ le̱ mli, take̱ bo̱ noṅṅ ni *amaletšõlo̱i baba nye hũ nyeteṅ le̱, mei ni ke̱ hĩekpãtãmo̱ tšõmo̱i abaho̱ mli nĩgī, ni Nuntšo̱ le̱ ni kpõame̱ le̱ po, ame̱akwale̱, ni ame̱ke̱ hĩekpãtãmo̱ ni he yo̱ oyá aaba ame̱ dientše̱ ame̱no̱ le̱. [9]

²Ni mei pĩ aanyie ame̱nyenyeṅtſibō̱i le̱ ase̱, ni ame̱hewo̱ le̱ aawie ano̱kwale gbe̱ le̱ he musubō̱-wiemo̱i.

³Ni ame̱ke̱ kũtũmpo̱o-wiemo̱i aaye nyehe dšra ye̱ hĩedšõmo̱ mli; mei ni ame̱kodšomo̱ ešašaoo ši ke̱-dše̱ blema bēbe, ni ame̱hĩekpātãmo̱ hũ wo̱o̱ wo̱dõi le̱.

⁴Edšake̱ ké̱ Nyoṅmo̱ eṅõõ bo̱foi ni fe eša le̱ ahe ekeeame̱, ši moṅ eke̱ duṅ kpī kpãi fĩmo̱ame̱ ewo gbohĩĩadše-bu le̱ mli, ni eṅõame̱ ehã ake̱ ake̱ame̱ ato ahã kodšomo̱, —

⁵ni asaṅ eṅõõ blema dše le̱ he ekeele̱, ši moṅ Noa ni dši dšale̱ šie̱le̱ le̱, moni gbe yi fe mei kpānyo̱ le̱ ke̱ke̱ yi ebā, ni eke̱ nu afua le̱ ba mei ni kwa Nyoṅmo̱ le̱ adše le̱ no̱, — [10]

⁶ni Sodoma ke̱ Gomora mãdši le̱ hũ ešã ni ehã ame̱tšō lamlu, ni eke̱ butumo̱ kodšoame̱ eke̱-to mei ni bakwa Nyoṅmo̱ ie̱ okadi, [11]

⁷ni edšie Lot, dšalo̱ le̱, moni hao ye̱ no̱tõlo̱i le̱ anyenyeṅtſibō̱ dšeṅba le̱ he le̱, ye̱ mli:

⁸(edšake̱ ame̱mlatõmo̱ nitšumo̱i le̱ ni dšalo̱ le̱ na ni enu, beni eyo̱ ame̱teṅ le̱, pĩ esusuma ni dša le̱ dāne̱:) [12]

⁹bẽle̱ Nuntšo̱ le̱ le bo̱ni efeo̱ edšieo̱ dšalo̱i ye̱ *kā mli, ke̱ bo̱ni efeo̱ etoo̱ meifõdši ye̱ pĩmo̱ mli ke̱-yaši kodšomo̱gbĩ le̱ no̱; [13]

¹⁰ši titri le̱ mei ni nyieo̱ helo se̱ ye̱ hebulemo̱ ake̱no̱ mli, ni ame̱gbeo̱ no̱yeli he guo̱ le̱. Tšuisalo̱i ke̱ yibulo̱i ni ke̱ ame̱mĩwie gbomei agboi ahe efõṅ ni ame̱he kpokpoo:

¹¹tše̱ ṅweibo̱foi tete ni yo̱ hewale̱ ke̱ hegbe̱ babaō le̱, ame̱ po ame̱wiee ame̱he efõṅ ame̱ke̱-kodšooame̱ ye̱ Nuntšo̱ le̱ hĩe.

¹²Ši ne̱ke̱ gbomei ne̱ tamo̱ koloi ni lee wiemo̱ ni afó̱ame̱ ahã mõmo̱ ke̱ gbẽ ye̱ ame̱fo̱mo̱su le̱ nā, ame̱wieo̱ nii ni ame̱lee he noko le̱ he efõṅ, ni ame̱hĩe aakpãtã ye̱ ame̱dientše̱ ame̱fitemo̱ le̱ mli,

¹³ni ake̱-awoame̱ nii ni edšaa gbe le̱ ahe nyõmo̱. Ame̱buo̱ dã ahoſibō̱ ake̱ nii ni ṅõ; mũdšiatše̱mei ni he yo̱ tãṅ ni; ame̱bo̱ō̱ ahoſi ye̱ ame̱gbe̱dũi le̱ amli, beni ame̱ke̱nye yeo̱ nii le̱;

¹⁴ame̱hĩṅme̱ii amli eyimo̱ obõbõ ke̱ gblãfitemo̱, ni ame̱hĩe edšo̱o̱ ke̱ ešafemo̱; ame̱lakaã susumai ni nane mõko ši le̱; ame̱ye̱ tšui ni he esa ke̱ híedšõmo̱; lõmo̱ bii ni.

¹⁵Ame̱dše gbe̱ ni dša le̱ no̱, ni ame̱dũ gbe̱ ke̱-yanyie Bosor bi *Bileam, moni sumo̱ nõšafemo̱ mli nyõmo̱wo le̱, gbe̱ le̱ no̱; [14]

¹⁶ši le̱ le̱ akã ehĩe ye̱ le̱dientše̱ emlatõmo̱ le̱ hewo̱: tedši ni lee wiemo̱ le̱ ke̱ gbomo gbē wie, ni etšĩ gbalo̱ le̱ kwašiafemo̱ le̱ nã. [15]

¹⁷Mene̱mei dši nubui ni nu be̱ mli, atatui ni ahum lōo̱ ke̱-yaã, mei ni ake̱ duṅ kpĩ le̱ eto ehãame̱ ke̱-yaã nāno̱ le̱.

¹⁸Edšake̱ ake̱-ni nãfū-wiemo̱i wudši dšeo̱ ame̱nã hewo̱ le̱, ame̱tšõo̱ helo ako̱no̱i ano̱ ame̱ke̱ nyenyeṅtſibō̱ lakaā mei ni dše mei ni baã ame̱dšeṅ ye̱ šišiumo̱ mli le̱ adeṅ etše̱ko le̱;

¹⁹ame̱woo̱ame̱ ši ake̱ ame̱aye ame̱he, tše̱ ame̱dientše̱ le̱ fitemo̱ nyõdši dšiame̱; edšake̱ moni eye moko no̱ le̱, *le̱ noṅṅ enyõṅ dšile̱. [16]

²⁰Edšake̱ ké̱ ame̱tšõ Nuntšo̱ ke̱ yiwalaherelo̱ Iesu Kristo he nilē le̱ no̱ ame̱dšo dše ne̱ṅ mũdšinii le̱ anā foi, ni nomei amli noṅṅ asá adũame̱ ye̱ ni aye ame̱no̱ ekoṅ le̱, *ame̱nãgbẽšihĩle̱ étšõ efõṅ fè tšutšunii le̱. [17]

²¹Edšake̱ fãṅ noni ame̱nãã ame̱le dšale̱ gbe̱ le̱, fè noni ame̱le ni kẽle̱ ame̱kpale ke̱-dše̱ kitã kroṅkroṅ ni atu awo ame̱deṅ le̱ he le̱. [18]

²²Ši ano̱kwa abe̱ le̱ eba mli ye̱ ame̱he ake̱: *“Gbé kũo̱ ese̱ ke̱-yaã le̱dientše̱ eſẽ he, ni kploko ni adšu ehe le̱ yakokloo̱ ṅmo̱to̱ mli,” [19]