Read luganda Kodšolo̱i 1 Bible Online

Kodšolo̱i 1 - luganda bible

Kodšolo̱i 1

¹Ni eba mli ake Iošua gbẽle se̱ le̱, Israelbii le̱ bi Iehowa ake̱: Namo *tšutšu afā ye̱ wo̱teṅ ní eke̱ Kanaanbii le̱ ayawu? [1]

²Ni Iehowa kē̱: Iuda afā; na, miṅõ šikpoṅ le̱ miwo edeṅ!

³Ni Iuda kē̱ enyemi Simeon ake̱: Oke̱mi afã ke̱-ya migbe̱fãṅnõ le̱ no̱, ní wo̱ke̱ Kanaanbii le̱ ayawu, ni mi hũ mike̱o aate onõ le̱ no̱! Ni Simeon ke̱-le̱ te.

⁴Ni Iuda fã ke̱-te, ni Iehowa ṅõ Kanaanbii le̱ ke̱ Perizbii le̱ ewo ame̱deṅ, ni ame̱gbe mei akpei-nyoṅma ye̱ Bezek.

⁵Ni ame̱yanina Adoni-Bezek ye̱ Bezek, ni ame̱ke̱le̱ wu, ni ame̱gbegbē Kanaanbii ke̱ Perizbii le̱.

⁶Ni Adoni-Bezek dšo foi, ni ame̱tiule̱, ni ame̱yamõle̱, ni ame̱flo̱ enine ke̱ enane goṅtii.

⁷Ke̱ke̱ ni Adoni-Bezek kē̱: Maṅtše̱mei nyoṅmai-kpawo ní aflo̱flō̱ ame̱nine ke̱ ame̱nane goṅtii kŏ̱lo̱ nii ye̱ mikplõ le̱ šiši; bo̱ni mife le̱, nakai pe̱ Nyoṅme̱ etomi nãdšiaṅ ne̱! Ni ame̱ke̱le̱ ba Ierusalem ni ebagbo ye̱ dše̱i.

⁸Ni Iudabii le̱ ke̱ Ierusalem bawu, ni ame̱ṅõle̱, ni ame̱ke̱ klante gbegbē emli bii le̱, ni ame̱mã maṅ le̱ nā la.

⁹No se̱ le̱ Iudabii le̱ fã ni ame̱ke̱ Kanaanbii ní yo̱ gõdši le̱ ano̱ le̱ ke̱ wuoyigbe̱ le̱ ke̱ ṅãno̱ šikpoṅ le̱ no̱ le̱ yawu [2]

¹⁰Ni Iuda fã ke̱-yanina Kanaanbii ní yo̱ Hebron le̱; ši sá le̱ Hebron gbe̱i dši Kiriat-Arba; ni ame̱gbe Šešai ke̱ Ahiman ke̱ Talmai.

¹¹Ni edše̱ dše̱i le̱ efã ke̱-yanina Debirbii le̱; ši sá le̱ Debir gbe̱i dši Kiriat-Sefer.

¹²Ni Kaleb kē̱: Moni aatſia Kiriat-Sefer nii ni eeṅõ dše̱i le̱, maṅõ mibiyõ Aksa mahãle̱ gblã.

¹³Ke̱ke̱ ni Otniel, Kaleb nyemi gbekẽ Kenaz bi le̱, yaṅõ dše̱i; ni eṅõ ebiyō Aksa le̱ ehãle̱ gblã.

¹⁴Ni eba mli ake̱, beni ete ewù le̱ ṅõ le̱, ewo eyĩṅ ake̱ ebi etše̱ šikpoṅ ko. Ni edše̱ tedši le̱ no̱ eyi ši; ni Kaleb kē̱le̱ ake̱: Meni feo̱o?

¹⁵Ni ekē̱le̱ ake̱: Hãmi gbe̱wōnii; edšake̱ ohãmi šikpoṅ ye̱ wuoyigbe̱, agbene̱ hãmi nubui hũ! Ni Kaleb hãle̱ nubui ní yo̱ goṅ no̱ ke̱ nubui ní yo̱ dšō̱ mli.

¹⁶Ni Mose šānū *Kennyo le̱ bii le̱ ke̱ Iudabii le̱ dše̱ tẽṅi amã le̱ṅ ba Iuda ṅã le̱ ni yo̱ †Arad wuoyigbe̱ le̱ no̱, ni ame̱yiṅ ame̱te ame̱ke̱ dše̱i bii le̱ yahĩ ši. [3]

¹⁷Ni Iuda ke̱ enyemi Simeon fã ke̱-te, ni ame̱yagbe Kanaanbii ní yo̱ Zefat le̱, ni ame̱feame̱ *musu; ni ame̱wo maṅ le̱ gbe̱i ake̱ Horma. [4]

¹⁸Asaṅ Iuda yaṅõ Gaza ke̱ ehe šikpõdši le̱, ke̱ Aškelon ke̱ ebe šikpõdši le̱, ke̱ Ekron ke̱ ehe šikpõdši le̱.

¹⁹Ni Iehowa fĩ Iuda se̱ ni eſie gõdši ano̱ bii le̱; ši enyẽẽ eſie dšō̱ le̱ṅ bii le̱, edšake̱ ame̱ye̱ dade ſīlii.

²⁰Ni *ame̱ṅõ Hebron ame̱hã Kaleb, take̱ bo̱ni Mose kē̱ le̱, ni eſie Anak bihĩĩ etẽ le̱ ke̱-dše dše̱i. [5]

²¹Ši Iebusbii ní yo̱ Ierusalem le̱, Benyaminbii le̱ eſieeame̱; ni Iebusbii le̱ ke̱ Benyaminbii le̱ hĩ Ierusalem ke̱-baši ṅme̱ne̱. [6]

²²Ni Iosefbii le̱, ame̱ hũ ame̱fã ame̱yanina Betel, ni Iehowa fata ame̱he.

²³Ni Iosefbii le̱ tšũ ayasra Betel. Ši *sá le̱ maṅ le̱ gbe̱i dši Luz. [7]

²⁴Ni sralo̱i le̱ na nū ko ní dše̱ mã le̱ṅ, ni ame̱kē̱le̱ ake̱: Tšõmo̱wo̱ heni wo̱o̱tšṍ wo̱bote mã le̱ṅ, ni wo̱o̱feo edšũrõ!

²⁵Ni etšṍame̱ gbe̱, ni ame̱ke̱ klante gba mã le̱ṅ bii le̱, ši *ame̱ṅmē̃ nū le̱ ke̱ eweku le̱ fõ he. [8]

²⁶Ni nū le̱ yĩṅ ete Hitbii ašikpoṅ le̱ no̱, ni eyato maṅ, ni etšé̱ egbe̱i ake̱ Luz; no dši egbe̱i ke̱-baši ṅme̱ne̱.

²⁷Ni Manase eſiee Bet-Šean ke̱ ehe mãdši le̱ amli bii le̱, ke̱ Taanak ke̱ ebe mãdši le̱ amli bii le̱, ke̱ Dor ke̱ ebe mãdši le̱ amli bii le̱, ke̱ Ibleam ke̱ ehe mãdši le̱ amli bii le̱, ke̱ Megido ke̱ ehe mãdši le̱ amli bii le̱; bo̱ni fe ni Kanaanbii le̱ ka nakai šikpoṅ le̱ no̱ ne̱. [9]

²⁸Ši eba mli ake̱, beni Israelbii le̱ ahe bawa le̱, ame̱hã Kanaanbii le̱ súmo̱-ame̱; ši ſiemo̱ ni ame̱ſieeame̱.

²⁹Ni Efraim eſiee Kanaanbii ní yo̱ Gezer le̱; ni Kanaanbii le̱ hĩ ame̱teṅ ye̱ Gezer. [10]

³⁰Zebulon eſiee Kitronbii le̱ ke̱ *Nahalolbii le̱; ni Kanaanbii le̱ hĩ ame̱teṅ, ni ame̱súmo̱ame̱. [11]

³¹Ašer eſiee Akobii le̱ ke̱ Zidonbii le̱ ke̱ Ahĕlab ke̱ Akzib ke̱ Helba ke̱ Afik ke̱ Rehob bii le̱;

³²ši Ašerbii le̱ bahĩ Kanaanbii ni yo̱ šikpoṅ le̱ no̱ le̱ ateṅ; edšake̱ ame̱ſieeame̱.

³³Naftali eſiee Bet-Šemešbii le̱ ke̱ Bet-Anatbii le̱, ši ebahĩ Kanaanbii ni yo̱ šikpoṅ le̱ no̱ le̱ ateṅ, *ni Bet-Šemešbii le̱ ke̱ Bet-Anatbii le̱ súmo̱ame̱. [12]

³⁴Ni Amorbii le̱ tši Danbii le̱ ke̱-te gõdši le̱ ano̱, ni ame̱bãã ame̱kpleke ši ke̱-ba dšō̱ le̱ṅ.

³⁵Ni Amorbii le̱ ná hegbe̱ hĩ Heres goṅ le̱ no̱, ye̱ *Ayalon ke̱ Šaalbim; ši beni Iosef we le̱ nine bó ame̱no̱ le̱, ame̱-súmo̱ame̱. [13]

³⁶Ni Amorbii le̱ ahũsũ le̱ dše̱ Akrabim ṅmeṅme le̱ he ke̱-dše̱ Sela ke̱-te yiteṅgbe̱.