Read luganda Kodšolo̱i 10 Bible Online

Kodšolo̱i 10 - luganda bible

Kodšolo̱i 10

¹Ni Abimelek se̱ le̱ moni te ši bahere Israel yiwala dši Tola, Isakarnyo le̱, ní dši Dodo bi Pua bi le̱. Ni ehĩ ši ye̱ Šamir ye̱ Efraim gõdši le̱ ano̱.

²Ni ekodšo Israel afii nyoṅmai-enyo̱ ke̱ etẽ; ni egbo, ní afũle̱ ye̱ Šamir.

³Ni ese̱ le̱ *Iair, Gileadnyo le̱, te ši, ni ekodšo Israel afii nyoṅmai-enyo̱ ke̱ enyo̱. [70]

⁴Ni eye̱ bihĩĩ nyoṅmai-etẽ ní tráa *tedšibii nyoṅmai-etẽ no̱; ni ame̱ye̱ mãdši nyoṅmai-etẽ, ni atšé̱o̱ame̱ Iair akrowai ke̱-baši ṅme̱ne̱, ni ame̱ye̱ Gilead šikpoṅ le̱ no̱. [71]

⁵Ni Iair gbo, ni afũlo̱ yo̱ Kamon.

⁶Ni Israelbii le̱ fe efõṅ ye̱ Iehowa hĩe ekoṅ, ni ame̱yasúmo̱ Baalim ke̱ Aštarot ke̱ Aram nyoṅmo̱i le̱ ke̱ Zidon nyoṅmo̱i le̱ ke̱ Moab nyoṅmo̱i le̱ ke̱ Amonbii le̱ anyoṅmo̱i le̱ ke̱ Filistibii le̱ anyoṅmo̱i le̱, ni ame̱kwa Iehowa, ni ame̱súmo̱o̱le̱.

⁷Ni Iehowa mli wo Israel la, ni ehõame̱ ehã Filistibii ke̱ Amonbii.

⁸Ni ame̱hao Israelbii le̱ ni ame̱yeame̱ nyṍṅ ye̱ nakai afi le̱ mli; ni afii nyoṅma ke̱ kpānyo̱ so̱ṅṅ ame̱ye Israelbii fẽ ní yo̱ Iordan se̱ ye̱ Amorbii ašikpoṅ ni yo̱ Gilead le̱ no̱ le̱ anyṍṅ.

⁹Ni asaṅ Amonbii le̱ bafo Iordan ni ame̱ke̱ Iuda hũ ke̱ Benyamin ke̱ Efraim we le̱ bawu; ni Israel fe yeyẽye naakpa.

¹⁰Ke̱ke̱ ni Israelbii le̱ blo̱ tšé̱ Iehowa ame̱kē̱: Wo̱fe eša wo̱šio; edšake̱ wo̱kwa wo̱-Nyoṅmo̱ le̱, ni wo̱yasúmo̱ Baalim!

¹¹Ni Iehowa kē̱ Israelbii le̱ ake̱: Ani dšee mi mihere nyeyiwala ke̱-dše̱ Mizraimbii ke̱ Amorbii ke̱ Amonbii ke̱ Filistibii

¹²ke̱ Zidonbii ke̱ Amalekbii ke̱ Midianbii ní wanye yi le̱ adeṅ, beni nyeblo̱ nyetšé̱mi le̱?

¹³Ši nye le̱ nyekwami, ni nyeyasúmo̱ nyoṅmo̱i krokomei kẽ; nohewo̱ le̱ mihereṅ nyeyiwala doṅṅ.

¹⁴Nyeyaä ni nyeyablo̱a nyetšé̱a nyoṅmo̱i le̱ ní nyehala le̱; ame̱ ame̱here nyeyiwala ye̱ nyemanehũlũ be le̱ mli! [72]

¹⁵Ši Israelbii le̱ kē̱ Iehowa ake̱: Wo̱fe eša! bo le̱ feme̱wo̱ nofẽno ní sa ohĩe; ofai ne̱, dšiemo̱wo̱ ṅme̱ne̱ ke̱ke̱!

¹⁶Ni *ame̱dšie nyoṅmo̱i krokomei le̱ ke̱-dše̱ ame̱teṅ ni ame̱súmo̱ Iehowa; ní Israelbii le̱ anii †fele̱ mo̱bo̱ ye̱ ame̱manehũlũ le̱ hewo̱. [73]

¹⁷Ni ayakpẽ Amonbii le̱ ke̱-ba, ni ame̱babo̱ nsra ye̱ Gilead. Ni Israelbii le̱ hũ bua ame̱he nā ke̱-kpe, ni ame̱yabo̱ nsra ye̱ Mizpa.

¹⁸Ni Gilead maṅbii ni dši lumei le̱ kē̱kē̱ ame̱he ake̱: Namo dši nũ ni ke̱ Amonbii le̱ ababõi wū? Le̱ eeye *onukpa ye̱ Gileadbii le̱ fẽ no̱! [74]