Read luganda Kodšolo̱i 11 Bible Online

Kodšolo̱i 11 - luganda bible

Kodšolo̱i 11

¹Agbe̱ne̱ Iefta, Gileadnyo le̱, nū kãkãlo̱ ni, ši yō adſamaṅ ko bi ni; ni Gilead fo̱ Iefta.

²Ni Gilead ṅã le̱ ke̱le̱ fo̱ bihĩĩ, ni beni eṅã le̱ bihĩĩ le̱ badăra le̱, ame̱ſie Iefta, ni ame̱kē̱le̱ ake̱: *Oyeṅ gbošinii ye̱ wo̱tše̱ we le̱, edšake̱ yō kroko bi dšio! [75]

³Ke̱ke̱ ni Iefta dšo foi ye̱ enyemimei le̱ aṅõ, ni eyahĩ ši ye̱ Tob šikpoṅ le̱ no̱; ní yakayaka gbomei komei *bua ame̱he nā ame̱yafata Iefta he, ni ame̱ke̱le̱ fãa ta. [76]

⁴Ni no se̱ etše̱e̱ le̱ eba mli ake̱ Amonbii le̱ ke̱ Israel bawu.

⁵Ni eba mli ake̱, beni Amonbii le̱ ke̱ Israel bawu le̱, Gilead onukpai le̱ yiṅ ame̱te ni ame̱yaṅõ Iefta ye̱ Tob šikpoṅ le̱ no̱ ke̱-ba;

⁶ni ame̱kē̱ Iefta ake̱: Ba ní obaye asafoiatše̱ ohãwo̱, ní wo̱ke̱ Amonbii le̱ ayawu!

⁷Ni Iefta kē̱ Gilead onukpai le̱ ake̱: Ani dšee nye nyehe tšẽmi, ni nyeſiemi ke̱-dše̱ mitše̱ we le̱? ni mẽhewo̱ ni kpāko ní nyeyo̱ amanehũlũ mli le̱ ni nyebaä miṅō?

⁸Ni Gilead onukpai le̱ kē̱ Iefta ake̱: Nohewo̱ ní wo̱kũ wo̱se̱ ekoṅ ke̱-baã oṅõ agbe̱ne̱ ne̱, koni oke̱wo̱ aya ní wo̱ke̱ Amonbii le̱ ayawu, ni otšṍ *wo̱nukpa ye̱ Gileadbii le̱ fẽ no̱. [77]

⁹Ni Iefta kē̱ Gilead onukpai le̱ ake̱: Ke̱dši nyeke̱mi ná kũ se̱ ekoṅ ni wo̱ke̱ Amonbii le̱ yawu, ni Iehowa ṅõame̱ ewo mideṅ le̱, ani mi mibaye nyeno̱ onukpa lo?

¹⁰Ni Gilead onukpai le̱ kē̱ Iefta ake̱: Iehowa aaye wo̱teṅ odase ake̱ befẽbe ní fe le̱ wo̱o̱ye owiemo̱ le̱ no̱.

¹¹Ke̱ke̱ ni Iefta ke̱ Gilead onukpai le̱ yĩṅ te, ni maṅ le̱ wole̱ onukpa ke̱ asafoiatše̱ ye̱ ame̱no̱; ni Iefta yawie ewiemo̱i le̱ fẽ *ye̱ Iehowa hĩe ye̱ Mizpa. [78]

¹²Ke̱ke̱ ni Iefta tšũ bo̱foi ke̱-te Amonbii le̱ amaṅtše̱ le̱ ṅõ ayakē̱le̱ ake̱: Mẽ sane mike̱o yo̱, hewo̱ ni obaã mino̱ ní oke̱ mišikpoṅ le̱ abawu ne̱?

¹³Ni Amonbii le̱ amaṅtše̱ le̱ kē̱ Iefta bo̱foi le̱ ake̱: Edšake̱ beni Israel dše̱ Mizraim baä le̱, eṅõ mĩšĩkpoṅ le̱ ke̱-dše̱ Arnon he ke̱-yaši Iabok ke̱ Iordan he: nohewo̱ le̱ agbe̱ne̱ oke̱ minii akũ se̱ ahãmi kpō.

¹⁴Ni Iefta sā tšũ bo̱foi ke̱-te Amonbii le̱ amaṅtše̱ le̱ ṅõ ekoṅ,

¹⁵ni ayakē̱le̱ ake̱: Boni Iefta kē̱ ne̱: Israel eṅõko Moab šikpoṅ lo Amonbii ašikpoṅ ko; [79]

¹⁶ši moṅ beni ame̱dše̱ Mizraim le̱, Israel tšṍ ṅã le̱ no̱ ke̱-yaši Ṅšo̱-tšuru le̱ nā, ni ame̱ke̱-ba Kadeš.

¹⁷Ni Israel tšũ bo̱foi ke̱-te Edom maṅtše̱ le̱ ṅõ ayakē̱le̱ ake̱: Ofai ne̱, hã matšṍ ošikpoṅ le̱ no̱ ke̱-ho! Ši Edom maṅtše̱ le̱ boo toi. Ni etšũ Moab maṅtše̱ le̱ hũ ṅõ, ši ekplẽẽ. Ni Israel hĩ ši ye̱ Kadeš; [80]

¹⁸ke̱ke̱ ni ame̱tšṍ ṅã le̱ no̱ ke̱-te, ni ame̱yalo̱go̱ Edom šikpoṅ le̱ ke̱ Moab šikpoṅ le̱, ni ame̱tšṍ Moab šikpoṅ le̱ bokãgbe̱ ke̱-ba, ni ame̱babo̱ nsra ye̱ Arnon se̱ le̱ gbe̱, ši ame̱tekee Moab hũsũ le̱; edšake̱ Arnon dši Moab hũsũ. [81]

¹⁹Ke̱ke̱ ni Israel tšũ bo̱foi ke̱-te Amorbii amaṅtše̱ Sihon ni dši Hešbon maṅtše̱ le̱ ṅõ; ni Israel hã ayakē̱le̱ ake̱: Ofai ne̱, hã wo̱tšṍ ošikpoṅ le̱ no̱ ke̱-ya heni miyaä le̱! [82]

²⁰Ši Sihon yiṅ etẽẽle̱ ye̱ Israel he bo̱ni eehã ame̱tšṍ ešikpoṅ le̱ no̱; ni Sihon bua emaṅ le̱ fẽ nā ke̱-kpe, ni eyabo̱ nsra ye̱ Iahaz, ni eke̱ Israel wu.

²¹Ni Iehowa, Israel Nyoṅmo̱ le̱, ṅõ Sihon ke̱ emaṅ le̱ ſẽ ewo Israel deṅ, ni ame̱tfſaame̱ nii; ni Israel ṅõ Amorbii ni yo̱ nakai šikpoṅ le̱ no̱ le̱ ašikpoṅ mū le̱ fẽ efe enõ.

²²Ni ame̱ṅõ Amorbii le̱ ašikpoṅ le̱ fẽ ke̱-dše̱ Arnon he ke̱-yaši Iabok he, ni asaṅ ke̱-dše̱ ṅã le̱ no̱ ke̱-yaši Iordan nā tō̃.

²³Ni agbe̱ne̱ ni Iehowa, Israel Nyoṅmo̱ le̱, ſie Amorbii le̱ ke̱-dše̱ emaṅ Israel le̱ hĩe le̱, ni bo le̱ otaoo̱ oṅõ no̱?

²⁴Ani noni onyoṅmo̱ *Kemoš le̱ ṅõ-hãao ake̱ onõ le̱, oṅõõ? Nakai noṅṅ wo̱ hũ, nofëno ní Iehowa, wo̱-Nyoṅmo̱ le̱, ṅõ-hãawo̱ ye̱ wohĩe le, wo̱o̱ṅõ ake wonõ! [83]

²⁵Bĕle̱ oye̱ hewale̱ ye̱ šikpoṅ le̱ no̱ fè *Balak, Zipor bi le̱, ní dši Moab maṅtše̱ le̱ lo? Ani eke̱ Israel ebé pẽṅ, lo eke̱ame̱ ewu pẽṅ? [84]

²⁶Be mli ni Israel yo̱ Hešbon ke̱ ehe mãdši le̱ amli, ke̱ Aroer ke̱ ehe mãdši le̱ amli, ke̱ mãdšimãdši fẽ ni dſere Arnon be le̱ amli, afii ohai-etẽ so̱ṅṅ ne̱ le̱, mẽhewo̱ nyešõõ nyenii ye̱ no be le̱ mli?

²⁷Nohewo̱ le̱ mifekoö eša ko, ši bo moṅ ni ofeo̱mi efõṅ, ake̱-ni oke̱mi bawu ne̱. Iehowa ní dši kodšolo̱ le̱ ákodšo Israelbii le̱ ke̱ Amonbii le̱ ateṅ ṅme̱ne̱!

²⁸Ši kẽle̱ Amonbii le̱ amaṅtše̱ le̱ boo Iefta wiemo̱i ni etšũ ayakē̱le̱ le̱ toi.

²⁹Ni *Iehowa Mumo̱ ba Iefta no̱, ni etšṍ Gilead ke̱ Manase, ni efoṅ ke̱-te Gilead-Mizpe, ni edše̱ Gilead-Mizpe efoṅ ke̱-yanina Amonbii le̱. [85]

³⁰Ni Iefta wo Iehowa ši ni ekē̱: Ke̱dši ooṅõ Amonbii le̱ owo mideṅ le̱-le̱ṅ le̱,

³¹no le̱ aaba mli ake̱, kē̱ miyaye omanye ní mikũ mĩse̱ ke̱-dše̱ Amonbii le̱ aṅõ miba le̱, mofẽmo ní aadše̱ miwe le̱ šĩnā le̱ mli abakpemi le̱ eetšṍ Iehowa nõ, ni maṅõle̱ mafe šã-afo̱le.

³²Ke̱ke̱ ni Iefta fã ke̱-yanina Amonbii le̱, ni eke̱ame̱ wu; ni Iehowa ṅōame̱ wo edeṅ.

³³Ni etſiaame̱ nii ke̱-dše̱ Aroer āhũ ke̱-yaši Minit, mãdši fle̱ofle̱o nyoṅmai-enyo̱, ni asaṅ ke̱-yaši Abel-Keramim, ni egbeame̱ butū dientše̱. Ni Israelbii le̱ dšo̱ Amonbii le̱ ahe.

³⁴Ke̱ke̱ ni Ieſta ba ewe le̱ ye̱ Mizpa; ni na, ebiyō le̱ dše kpo bale̱ kpēmo̱ ke̱ fabii ke̱ dšōi, ni le̱ dši ebi kome pe̱; ese̱ le̱ ebe̱ binū lo biyō le̱ eko doṅṅ.

³⁵Ni eba mli ake̱, beni enale̱ le̱, egbla etadei ni ekē̱: Ao, mibi! ohã mihe edšo̱ naakpa, bo pam ohã ošrã bašrãmi ne̱! Edšake̱ *migble minā mihã Iehowa, ni minyẽṅ minā makpale! [86]

³⁶Ni ekē̱le̱ ake̱: Mitše̱, ogble onä okē̱ Iehowa; gbĩĩabo̱ kẽ ní Iehowa eto̱ ohe owele ye̱ ohenye̱lo̱i ní dši Amonbii le̱ ano̱ ne̱, femo̱mi bo̱ni dše onā le̱!

³⁷Ni esā ekē̱ etše̱ ake̱: Femo̱ ene̱ ke̱ke̱ ohãmi: ṅmẽmi gbe̱ ke̱-yaši bie̱ nyõdši enyo̱, ní maya ni mayakpleke gõdši le̱, ni mĩke̱ minanemei ayafó miblayeiaṅ.

³⁸Ni ekē̱: Ya! ni ewole̱ gbe̱ eyaye nyõdši enyo̱; ni eke̱ enanemei le̱ te, ni eyafó eblayeiaṅ ye̱ gõdši le̱ ano̱.

³⁹Ni eba mli ake̱ nyõdši enyo̱ le̱ nā-gbē mli le̱ ekũ ese̱ eba etše̱ ṅõ ekoṅ, ni efele̱ tamo̱ bo̱ni ewo šĩ le̱ noṅṅ; ni egbãã nū ko nū ko. Ni etšṍ kusum ye̱ Israel,

⁴⁰ake̱ dā afi le̱ Israel oblayei le̱ yaä ame̱yakafoo̱ Iefta, Gileadnyo le̱, biyō le̱ gbĩĩ edſe̱ ye̱ afi mli.