Read luganda Kodšolo̱i 13 Bible Online

Kodšolo̱i 13 - luganda bible

Kodšolo̱i 13

¹Ni Israelbii le̱ fe efõṅ ye̱ Iehowa hĩe ekoṅ, ni Iehowa ṅõame̱ ewo Filistibii le̱ adeṅ afii nyoṅmai-edſe̱.

²Ni nũ ko ye̱ Zora ni dše̱ Danbii aweku le̱ mli, ni egbe̱i dši Manoa; ni eṅã le̱, kene dšile̱ ni efo̱o̱.

³Ni Iehowa bo̱fo le̱ dšie ehe kpo etšõ yō le̱, ni ekē̱le̱ ake̱: Na, ofe kene ni ofo̱o̱ moṅ, ši agbe̱ne̱ obaná mũsũ ni obafo̱ binū.

⁴Nohewo̱ le̱ agbe̱ne̱, le ohe no̱kwe̱mo̱, ní okanu *wein lo dã ko ní wa, ní okaye †noko ní he tšee hũ. [89]

⁵Edšake̱ na, obaná mũsũ ni obafo̱ binū; *asōyi nā akasa eyiteṅ, edšake̱ gbekẽ le̱ bafe Nyoṅmo̱ Nazirnyo ke̱-dše̱ mũsũṅ bēbe; ni le̱ ebabõi Israelbii le̱ ayiwala heremo̱ ke̱-badše̱ Filistibii le̱ adeṅ. [90]

⁶Ke̱ke̱ ni yō le̱ ba ni ebakē̱ ewù ake̱: Nyoṅmo̱ gbomo ko ba miṅō, ni ehĩe tamo̱ Nyoṅmo̱ bo̱fo hĩe, gbeyeigbeyei naakpa; ši mibiile̱ heni edše̱, ni le̱ hũ etšõõmi egbe̱i.

⁷Ni ekē̱mi ake̱: Na, obaná mũsũ ni obafo̱ binū; nohewo̱ le̱ agbe̱ne̱ le̱, kānu wein lo dā̃ ko ni wa, ni kāye noko ni he tšee; edšake̱ gbekẽ le̱ bafe Nyoṅmo̱ Nazirnyo ke̱-badše̱ mũsũṅ bēbe ke̱-yaši egbĕle gbĩ.

⁸Ke̱ke̱ ni Manoa kpa Iehowa fai ni ekē̱: O Nuntšo̱, mīkpao fai, hã Nyoṅmo̱ gbomo le̱ ní otšũ le̱ eba wo̱ṅõ ekoṅ, ní ebatšõwo̱ bo̱ni wo̱tšṍ wo̱hĩe gbekẽ le̱ ni abafo̱ le̱ wo̱hã!

⁹Ni Nyoṅmo̱ bo Manoa gbē toi, ni Nyoṅmo̱ bo̱fo le̱ ba yō le̱ ṅõ ekoṅ, beni etá ṅmõ le̱ mli le̱, ši ewù Manoa be̱ dše̱i.

¹⁰Ni yō le̱ he fe oyá ni eša foi, ni oyagba ewù le̱ ni ekē̱le̱ ake̱: Na, nū le̱ ní ba miṅõ nyese̱ le̱ ebadšie ehe kpo etšõmi!

¹¹Ni Manoa te ši, ni enyie eṅã le̱ se̱, ni eba nū le̱ ṅõ, ni ekē̱le̱ ake̱: Ani bo dši nū le̱ ni ke̱ yō le̱ bawie le̱? Ni ekē̱: Miṅ!

¹²Ni Manoa kē̱: Agbe̱ne̱ kē̱ owiemo̱i le̱ ná ba mli le̱, meni dši gbekẽ le̱ gbe̱nā ni té wo̱o̱tšṍ wo̱hĩele̱ tēṅ?

¹³Ni Iehowa bo̱fo le̱ kē̱ Manoa ake̱: Nibii fẽ ni mikē̱ yō le̱, ehĩe ahĩ ehe no̱ ye̱ he.

¹⁴Nibii fẽ ní dše̱o̱ weintšo mli le̱ akaye eko ko̱kō̱ko̱, ni asaṅ ekanu wein lo dā̃ ko ni wa, ni okaye nokonoko ni he tšee; nibii fẽ ní miwole̱ he akpo̱ le̱ eye no̱. [91]

¹⁵Ni Manoa kē̱ Iehowa bo̱fo le̱ ake̱: Mīkpao fai, *hã wo̱tšī onā fiō, ní wo̱ṅō tōabotiabi ko wo̱bamã ohĩe. [92]

¹⁶Ni Iehowa bo̱fo le̱ kē̱ Manoa ake̱: Ke̱dši otšĩ minā tete hũ, miyeṅ obolo ne̱ eko; ni ke̱dši šã-afo̱le obašã le̱, no le̱ šã ohã Iehowa. Edšake̱ Manoa lee ake̱ Iehowa bo̱fo le̱ ni.

¹⁷Ni Manoa kē̱ Iehowa bo̱fo le̱ ake̱: *Té ogbe̱iṅ? koni ké̱ owiemo̱i le̱ ná ba mli le̱, ni wo̱dšie oyi. [93]

¹⁸Ni Iehowa bo̱fo le̱ kē̱le̱ ake̱: Mẽba obio̱ migbe̱i ní yo̱ nākpe̱ le̱?

¹⁹Ke̱ke̱ ni Manoa ṅõ abotiabi le̱ ke̱ niyenii-afo̱le le̱, ni eke̱-šá afo̱le ye̱ te̱sā le no̱ ehā Iehowa. *Ni bo̱fo le̱ fe nākpe̱ noko ye̱ Manoa ke̱ eṅā le̱ hĩe. [94]

²⁰Ni eba mli ake̱, beni lalĩle̱i le̱ te ši ke̱-dše̱ afo̱lešãlate̱ le̱ no̱ ke̱-yaã ṅwei le̱, Iehowa bo̱fo le̱ tšṍ afo̱lešãlate̱ le̱ no̱ lalile̱i le̱ mli ekwo̱ ke̱-te ṅwei, ni beni Manoa ke̱ eṅã le̱ na le̱, ame̱ke̱ ame̱hĩe bumo̱ ši ye̱ šikpoṅ.

²¹Ni Iehowa bo̱fo le̱ ebadšiee ehe kpo etšõõ Manoa ke̱ eṅã le̱ doṅṅ. Ke̱ke̱ ni Manoa ná le ake̱ Iehowa bo̱fo le̱ ni.

²²Ni Manoa kē̱ eṅã le̱ ake̱: *Gboimo̱ wo̱bagboi ne̱, edšake̱ wo̱na Nyoṅmo̱. [95]

²³Ši eṅã le̱ kē̱le̱ ake̱: Iehowa mītaowo̱ egbe dšikũle̱, eheṅ šã-afo̱le ke̱ niyenii-afo̱le le̱ ye̱ wo̱deṅ, ni kũle̱ etšõṅwo̱ ene̱mei fẽ, ni asaṅ kũle̱ ehãṅ wo̱na ne̱ke̱ sãdši ní wo̱nu ne̱ ye̱ be ne̱ mli.

²⁴Ni yō le̱ fo̱ binū, ni ewole̱ Samson. Ni gbekẽ le̱ bada, ni Iehowa dšō̱le̱.

²⁵Ni *Iehowa Mumo̱ le̱ bōi ehe tā ye̱ Mahane-Dan, ye̱ Zora ke̱ Eštaol teṅ. [96]