Read luganda Kodšolo̱i 15 Bible Online

Kodšolo̱i 15 - luganda bible

Kodšolo̱i 15

¹Ši fe se̱ fiō, ye̱ ṅmā̃kū̃ be le̱ṅ le̱, eba mli ake̱ Samson hĩe abotiabi ke̱-te eyasra eṅã le̱, ni ekē̱: Mate miṅã ṅõ ye̱ piaṅ. Ši etše̱ ekplẽẽle̱ ní eya tšũ le̱ṅ.

²Ni etše̱ kē̱: Mikē̱, bene̱ osumo̱o̱le̱ doṅṅ, nohewo̱ le̱ *miṅõle̱ mihā onanyo ko. Nto enyemi gbekẽ le̱ he ye̱ fe̱o fè-le̱? ṅõ le̱ ye̱ enãdšiaṅ. [101]

³Ni Samson kē̱ame̱ ake̱: Agbe̱ne̱ ke̱-dši mife Filistibii le̱ efõṅ ko le̱, ame̱sõ ko wulaa miyiteṅ!

⁴Ni Samson yiṅ ete ni eyamõmo̱ oso̱i ohai-etẽ, ni ekŏ̱lo̱ ko̱tii, ni eṅõ lei ke̱ lei etša, ni ko̱ti ye̱ leii enyo̱nyo̱ le̱ ateṅ.

⁵Ni beni emãmo̱ ko̱tii le̱ anã la le̱, eṅmē̃ ame̱he ewo Filistibii le̱ aṅmā̃ ni mãmo̱ ši le̱ mli, ni ešã ṅmā̃ kei le̱ ke̱ ṅmā̃ ni mãmo̱ ši ke̱ mũtšei atromi le̱ fẽ.

⁶Ke̱ke̱ ni Filistibii le̱ kē̱: Namo po fe ene̱? Ni ame̱kē̱: Samson, Timnanyo le̱, šānū le̱ ni, edšake̱ eṅõ eṅã le̱ ehã enanyo ko. Ke̱ke̱ ni Filistibii le̱ yiṅ te, ni ame̱ke̱ la yašãle̱ ke̱ etše̱ fẽ.

⁷Ni Samson kē̱ame̱ ake̱: Bo̱ni nye-tšṍ nyefe ne̱, dša mito̱ mihe owele ye̱ nyeno̱, dãni mafõ!

⁸Ni etſia ame̱gbedši ke̱ ſũo̱dši anii butū. Ni eyĩṅ ete, ni eyahĩ Etam te̱sā flo̱ le̱ mli.

⁹Ke̱ke̱ ni Filistibii le̱ fã ni ame̱yabo̱ nsra ye̱ Iuda, ni ame̱ho ame̱lē̱ ši ye̱ Lehi.

¹⁰Ni Iuda hĩĩ le̱ kē̱ame̱ ake̱: Mẽhewo̱ nyefã ke̱-ba wo̱ne̱ ne̱? Ame̱kē̱: Samson fī̃ wo̱ba ne̱, koni wo̱fele̱ tamo̱ bo̱ni efewo̱ le̱.

¹¹Ni Iuda hĩĩ akpei-etẽ yiṅ ke̱-te Etam te̱sã flo̱ le̱ṅ, ni ame̱yakē̱ Samson ake̱: Ani olee ake̱ Filistibii le̱ yeo̱ wo̱no̱? Kole̱ meni dši noni ofewo̱ ne̱? Ni ekē̱ame̱ ake̱: Bo̱ni ame̱femi le̱, nakai mi hũ mifeame̱.

¹²Ni ame̱kē̱le̱ ake̱: Bo fī̃ wo̱ba ne̱, koni wo̱ke̱o ayawo Filistibii le̱ adeṅ! Ni Samson kē̱ame̱ ake̱: Nyekãami kitã ake̱ nyedientše̱ nyefeṅmi noko!

¹³Ni ame̱kē̱le̱ ake̱: Dabi, ši fī̃ ke̱ke̱ wo̱bafĩo, ní wo̱ke̱o ayawo ame̱deṅ, ši gbē le̱ wo̱gbeṅo! Ni ame̱ke̱ tãṅkpẽi hẽi enyo̱ fĩle̱, ni ame̱ṅõle̱ ke̱-dše̱ te̱sã le̱ mli ke̱-dše kpo.

¹⁴Beni eše̱ Lehi le̱, Filistibii le̱ bo̱ oše ke̱le̱ bakpe, ni *Iehowa Mumo̱ le̱ bayi eno̱, ni tãṅkpēi le̱ ní yo̱ enidši le̱ tšṍmo̱ tamo̱ odonti ní ake̱ la ešã, ni ekpãi le̱ fẽne ye̱ enidši ahe. [102]

¹⁵Ni ena tedši kadā ṅmõṅ ko, ni ekpã enine mli ni eko̱ ni eke̱-gbe hĩĩ akpe.

¹⁶Ni Samson kē̱: Tedši kadā mike̱-dšidsa kū, kui enyo̱ ne̱, tedši kadā mike̱-gbe hĩĩ akpe!

¹⁷Ni eba mli ake̱, beni ewie egbe nã le̱, eṅmā̃ kadā le̱ he ye̱ edẽ eše̱ efõ, ni awo dše̱i ake̱: Ramat-Lehi.

¹⁸Ni kũmai yele̱ naakpa, ni eblo̱ etšē̱ Iehowa ni ekē̱: Otšṍ otšũlo̱ nine no̱ otšu yiwalaheremo̱ nitšumo̱ kpeteṅkple ne̱, ni kpāko moṅ ni magbo ke̱ kũmai, ni ma-gbē fõlo̱i le̱ adeṅ!

¹⁹Ši Nyoṅmo̱ gbá flo̱ kutruku ní yo̱ Lehi le̱ mli, ni nu tue ke̱-dše̱ mli, ni beni enu le̱, *emumo̱ kpale ba emli ni ehĩe tšere̱le̱, nohewo̱ le̱ awo dše̱i gbe̱i ake̱ En-Hakorē, ni eye Lehi ke̱-baši ṅme̱ne̱. [103]

²⁰Ni *ekodšo Israel afii nyoṅmai-enyo̱ ye̱ Filistibii le̱ ahe le̱ mli. [104]