Read luganda Kodšolo̱i 2 Bible Online

Kodšolo̱i 2 - luganda bible

Kodšolo̱i 2

¹Ni Iehowa bo̱fo le̱ dše̱ Gilgal ke̱-ba Bokim, ni ebakē̱: Midšienye ke̱-dše̱ Mĩzraim ni mike̱nye ba šikpoṅ ni mikã nyetše̱mei akitã ye̱ he le̱ no̱, ni mikē̱: Mikũṅ mikpãṅmo̱ ní mike̱nye ekpãṅ le̱ mli gbĩkogbĩko;

²ni nye hũ nyeke̱ šikpoṅ ne̱ no̱ bii le̱ akakpãṅa kpãṅmo̱ ko; *ame̱fo̱lešãlate̱i le̱ nyekũmo̱a! Ši nyeboo migbē toi. Mẽba nyefe nakai? [14]

³Nohewo̱ le̱ mi hũ mīkē̱ ake̱: Miſieṅame̱ ye̱ nyehĩe, ši ame̱atšṍmo̱ ṅmei ye̱ nyeṅmãwuiaṅ, ni ame̱nyoṅmo̱i le̱ aatšṍmo̱ tšõneĩ ahãnye. [15]

⁴Ni eba mli ake̱, beni Iehowa bo̱fo le̱ wie ne̱ke̱ wiemo̱i ne̱ etšõ Israelbii le̱ fẽ le̱, maṅ le̱ wó ame̱gbē no̱ ni ame̱fó.

⁵Ni ame̱wo dše̱i gbe̱i ake̱ Bokim, ni ame̱šã afo̱lei ame̱hã Iehowa ye̱ dše̱i.

⁶Agbe̱ne̱ Iošua wo maṅ le̱ gbe̱, ni Israelbii le̱ ateṅ mofẽmo te enõ mli, koni ame̱yaṅõ šikpoṅ le̱.

⁷Ni maṅ le̱ súmo̱ Iehowa gbĩĩ abo̱ ní Iošua yo̱ le̱ ke̱ gbĩĩ abo̱ ní onukpai ní hĩ ši ye̱ Iošua gbĕle se̱ ní ame̱na Iehowa nitšumo̱i wudši fẽ ní etšu eha Israel le̱ yo̱ le̱. [16]

⁸Ni Iehowa tšũlo̱ Iošua, Nun bi le̱, gbo, beni eye afii oha ke̱ nyoṅma le̱.

⁹Ni ame̱fũle̱ ye̱ le̱dientše̱ ešikpoṅ le̱ no̱ ye̱ Timnat-Heres ye̱ Efraim gõdši le̱ ano̱ ye̱ Gaaš goṅ le̱ kōyigbe̱. [17]

¹⁰Ni abua nakai yino̱bii le̱ hũ fẽ nā afata ame̱tše̱mei le̱ ahe; ni yino̱ kroko bate ši ye̱ ame̱se̱, mei ní lee Iehowa alo enitšumo̱i ní etšu eha Israel le̱.

¹¹Ke̱ke̱ ni Israelbii fe efõṅ ye̱ Iehowa hĩe, ni ame̱yasúmo̱ Baalim.

¹²Ni ame̱kwa Iehowa, ame̱tše̱mei le̱ a-Nyoṅmo̱ le̱, moni dšieame̱ ke̱-dše̱ Mizraim šikpoṅ le̱ no̱ le̱, ni ame̱yanyie nyoṅmo̱i krokomei ni dši ame̱hewo̱hewo̱ mãdši le̱ anyoṅmo̱i le̱ ase̱, ni ame̱dšáame̱, ni ame̱ke̱wo Iehowa mli la.

¹³Ni beni ame̱šĩ Iehowa, ni ame̱yasúmo̱ Baal ke̱ Aštarot le̱,

¹⁴Iehowa mli wo Israel la, ni eke̱ame̱ wo nihalo̱i adeṅ, ni ame̱bahaame̱, ni ehõame̱ ehã ame̱henye̱lo̱i ní be̱leo̱ame̱ ke̱-kpe le̱, ni ame̱nyẽẽ ame̱henye̱lo̱i le̱ ahĩe ame̱damo̱ doṅṅ.

¹⁵Hefẽhe ní ame̱afã ta ke̱-ate le̱, Iehowa nine kã ame̱no̱ wā, take̱ bo̱ni *Iehowa ewie le̱ ke̱ bo̱ni Iehowa ekãame̱ kitã le̱, ni efĩame̱ naakpa. [18]

¹⁶Ke̱ke̱ ni Iehowa tēo̱ kodšolo̱i aši, ni ame̱hereo̱ ame̱yiwala ke̱-dše̱o̱ ame̱halo̱i le̱ adeṅ. [19]

¹⁷Ši ame̱kodšolo̱i le̱ hũ ame̱booame̱ toi, ši moṅ ame̱yabo̱ō̱ adſamaṅ ke̱-nyieo̱ nyoṅmo̱i krokomei ase̱, ni ame̱dšáa-ame̱; etše̱e̱ ke̱ke̱ le̱ ame̱dše gbe̱ ní ame̱tše̱mei le̱ nyie no̱ ní ame̱bo Iehowa kitãi le̱ atoi le̱ no̱; ame̱ le̱ ame̱boo toi.

¹⁸Ni ke̱dši Iehowa tē kodšolo̱i aši ehãame̱ le̱, no le̱ Iehowa fataä kodšolo̱ le̱ he, ni ehereo̱ ame̱yiwala ke̱-dše̱o̱ ame̱henye̱lo̱i le̱ adeṅ gbĩĩ abo̱ fẽ ní kodšolo̱ le̱ yo̱ le̱; edšake̱ ame̱ntšo̱ĩ ní ame̱dõmoo̱ ye̱ ame̱yiwalo̱i ke̱ ame̱haolo̱i le̱ ahewo̱ le̱ do̱ö̱ Iehowa.

¹⁹Ši eba mli ake̱, ké̱ kodšolo̱ le̱ gbo le̱, ame̱kũo̱ ame̱se̱ ekoṅ ni ame̱fiteo̱ fè ame̱tše̱mei le̱, ye̱ nyoṅmo̱i krokomei ase̱ ní ame̱yanyieo̱ ní ame̱súmoo̱ame̱ ní ame̱dšáa-ame̱ le̱ hewo̱; ame̱fõõ ame̱nifemo̱i le̱ ke̱ ame̱kue̱ṅtimo̱ gbe̱ le̱ no̱nyiemo̱.

²⁰Bĕle̱ Iehowa mli woo̱ la woo̱ Israel, ni ekē̱o̱ ake̱: Ake̱ noni ne̱ke̱ maṅ ne̱ etõ mikpãṅmo̱ le̱ ní miwo ame̱tše̱mei akitã ye̱ he le̱ no̱, ni ame̱boo migbē toi,

²¹hewo̱ le̱ mi hũ ke̱-dše̱ ṅme̱ne̱ ke̱-yaã ne̱ miſieṅ dšeṅmãdši ní ſe̱ beni Iošua gbo le̱ eko ye̱ ame̱hĩe doṅṅ,

²²koni mike̱ame̱ *aka Israel akwe̱ ake̱ ame̱dſẽṅ Iehowa gbe̱ le̱ no̱ ní ame̱nyie no̱, tamo̱ bo̱ni ame̱tše̱mei le̱ dſẽṅ no̱ le̱, alo ame̱feṅ nakai. [20]

²³Nohewo̱ ni Iehowa ši nakai dšeṅmãdši le̱, ni eſieeame̱ mrã, ni asaṅ eṅõ̱õ-ame̱ ewoo Iošua deṅ hũ le̱.