Read luganda Kodšolo̱i 21 Bible Online

Kodšolo̱i 21 - luganda bible

Kodšolo̱i 21

¹Agbe̱ne̱ Israel hĩĩ le̱ ekũmo̱ kitãi ye̱ *Mizpa ake̱: Wo̱teṅ mokomoko ke̱ ebiyō akahã gblã ye̱ Benyamin. [137]

²Ni maṅ le̱ ba *Betel, ni ame̱hĩ ši ye̱ dše̱i ke̱-yaši gbe̱ke̱ ye̱ Nyoṅmo̱ hĩe, ni ame̱-hole ame̱gbēi ano̱ ni ame̱fṍ naakpa; [138]

³ni ame̱kē̱: Iehowa, Israel Nyoṅmo̱, mẽba ene̱ ba ye̱ Israel ake̱ ṅme̱ne̱ aku-tšo kome mīlādše ye̱ Israel?

⁴Ni eba mli ake̱ dšetše̱reno̱ le̱ maṅ le̱ te ši mãṅkẽ mrã, ni ame̱mā afo̱lešãlate̱ ye̱ dše̱i, ni ame̱šã šã-afo̱lei ke̱ šidā-afo̱lei.

⁵Ni Israelbii le̱ kē̱: Israel akutšei le̱ fẽ ateṅ le̱ namo dši moni ke̱ ãsafo le̱ *baa Iehowa ṅõ? Edšake̱ akã kitã wula afo moni baa Iehowa ṅõ ye̱ Mizpa le̱ no̱ ake̱: Gbe ágbele̱! [139]

⁶Ni Israelbii le̱ ſa ame̱he ye̱ ame̱nyemi Benyamin hewo̱, ni ame̱kē̱: Nme̱ne̱ atše akutšo kome ye̱ Israel he aše̱ afõ!

⁷Tè wo̱o̱fe tēṅ wo̱ná ṅāmei wo̱hã mei ní eſe̱ le̱ṅ, ake̱-ni *wo̱kã Iehowa kitã ake̱ wo̱ke̱ wo̱biyei bãṅame̱ gblã ne̱? [140]

⁸Nohewo̱ le̱ ame̱kē̱: Israel akutšei le̱ ateṅ namo ni le̱ le̱ ebe̱ mli ni ate Iehowa ṅõ ye̱ Mizpa le̱? Ni ana ake̱ mokomoko dše̱e̱ Iabeš-Gilead ebafutuu asafo le̱ ye̱ nsra le̱ṅ.

⁹Edšake̱ beni akane maṅ le̱, ana ake̱ Iabeš-Gileadbii le̱ ateṅ mokomeflo be̱ dše̱i.

¹⁰Ke̱ke̱ ni asafo le̱ tšũ hĩĩ ni feo̱ ekã fè fẽ le̱ ateṅ mei akpei-nyoṅma-ke̱-enyo̱, ni ame̱fã́ame̱ ake̱: Nyeyaä ni nyeyagbea Iabeš-Gileadbii le̱ ke̱ klante, yei ke̱ bii fẽ.

¹¹Ni bo̱ni nyefe ne̱: Hĩĩ fẽ ke̱ yō-fẽ-yō ní le nū le̱, nyefeaame̱ musu! [141]

¹²Ni ame̱na oblayei froi ohai-edſe̱ ní leko nū ye̱ Iabeš-Gileadbii le̱ ateṅ, ni ame̱ke̱ame̱ ba nsra le̱ṅ ye̱ Šilo ni yo̱ Kanaan šikpoṅ le̱ no̱ le̱.

¹³Ke̱ke̱ ni asafo mū le̱ fẽ tšũ ake̱ Benyaminbii ní yo̱ *Rimon te̱sā le̱ mli le̱ yawie, ni ake̱ame̱ yakpãtã. [142]

¹⁴Ni Benyaminbii le̱ kũ ame̱se̱ ye̱ nakai be le̱ mli; ni ame̱ṅõ yei ní ame̱here ame̱yiwala ye̱ Iabeš-Gilead yei le̱ ateṅ le̱ ame̱hãame̱ gblã; ši no tete hũ le̱ eše̱e̱ame̱.

¹⁵Ni maṅ le̱ ſa ame̱he ye̱ Benyamin hewo̱, edšake̱ Iehowa ehã mligblamo̱ eba Israel akutšei le̱ ateṅ.

¹⁶Ni asafo le̱ mli onukpai le̱ kē̱: Té wo̱o̱fe tẽṅ wo̱ná ṅāmei wo̱hã mei ni eſe̱ le̱, ake̱-ni akpãtã Benyamin mli yei le̱ ahĩe ne̱?

¹⁷Ni ame̱kē̱: Benyaminbii le̱ agbe̱-fãṅnõ le̱ ahĩ ši ahã ame̱teṅ mei ní yi ná wala le̱, beni afe ní akutšo ko seši ekabule ye̱ Israel.

¹⁸Ši wo̱ le̱ wo̱nyẽṅ wo̱ṅõ wo̱biyei le̱ eko wo̱hãame̱ gblã; edšake̱ Israelbii le̱ *ekãmo̱ kitãi ake̱: Alomo̱ moni aaṅõ yō ko ahã gblã ye̱ Benyamin! [143]

¹⁹Ni ame̱kē̱: Na, dă afi le̱ ayeo̱ Iehowa gbĩdšũrõ le̱ ye̱ Šilo ni kã Betel kōyigbe̱, ye̱ gbe̱dšegbe̱ ní kã ke̱-dše̱ Betel ke̱-yaã Šekem le̱ bokãgbe̱, ke̱ Lebona wuoyigbe̱ le̱.

²⁰Ni ame̱fã́ Benyaminbii le̱ ake̱: Nyeyaã ní nyeyatea ye̱ weintromi le̱ amli,

²¹ni na, ke̱dši Šilo oblayei le̱ dše kpo ba ame̱badšò ye̱ dšòi le̱ amli le̱, ke̱ke̱ ni nyedše kpo ke̱-dše̱ weintromi le̱ amli ke̱-ba, ni nyeteṅ mofẽmo abamõ eṅã ye̱ Šilo oblayei le̱ ateṅ, ní nyeke̱-ame̱ aya Benyamin šikpoṅ le̱ no̱.

²²Ni aaba mli ake̱, kē̱ ame̱tše̱mei lo ame̱nyemimei ba wo̱ṅõ ke̱wo̱ babé le̱, wo̱o̱kē̱ame̱ ake̱: Nyekwe̱a wo̱hewo̱ ní nyeke̱ame̱ ahãa-ame̱; edšake̱ wo̱náá ṅãmei wo̱hã ame̱fẽ ye̱ ta le̱ mli; ni asaṅ dšee nye nyeṅõame̱ nyehãame̱, ni kũle̱ nyeatẽre sõ ko!

²³Ni Benyaminbii le̱ fe nakai, ni ame̱mõmo̱ ṅãmei ye̱ ame̱yikule̱ le̱ nã, ye̱ mei ni badšò le̱ ateṅ; ni ame̱ke̱ame̱ te ni ame̱-kũ ame̱se̱ ke̱-te ame̱šikpõdši le̱ ano̱, ni ame̱yasã mādši le̱, ni ame̱hĩ mli.

²⁴Ni Israelbii le̱ hũ dše dše̱i ye̱ nakai be le̱ mli, mofẽmo te ekutšo ke̱ aweku mli, ni ame̱teṅ mofẽmo te ešikpoṅ no̱.

²⁵Nakai *gbĩĩ le̱ amli le̱ maṅtše̱ ko be̱ Israel; mofẽmo feo̱ noni dša ye̱ le̱dientše̱ ehĩe. [144]