Read luganda Kodšolo̱i 3 Bible Online

Kodšolo̱i 3 - luganda bible

Kodšolo̱i 3

¹Ni mene̱mei dši dšeṅmãdši ní Iehowa šĩ, koni *aṅõ-ka Israel fẽ ní lee Kanaan tai le̱ ekoeko le̱ akwe̱, [21]

²beni afe ke̱ke̱ ní Israelbii le̱ asešibii le̱ ale ni ake̱-tšõame̱ tawū, titri le̱ ame̱teṅ mei ní lee he eko sá le̱:

³ame̱dši Filistibii alumei enumo̱ le̱, ke̱ Kanaanbii ke̱ Zidonbii ke̱ Hivbii ní yo̱ Lebanon goṅ le̱ no̱ le̱ fẽ, ke̱-dše̱ Baal-Hermon goṅ le̱ he ke̱-yaši Hamat ṅma-ṅmaša le̱. [22]

⁴Ni ašĩame̱, beni afe ni ake̱ame̱ aka Israel akwe̱, ní aṅõ-le ake̱ ame̱abo Iehowa kitãi ní etšṍ Mose no̱ ewo ame̱tše̱mei le̱ atoi lo.

⁵Ni Israelbii le̱ hĩ Kanaanbii le̱ ke̱ Hitbii le̱ ke̱ Amorbii ke̱ Perizbii le̱ ke̱ Hivbii le̱ ke̱ Iebusbii le̱ ateṅ;

⁶ni ame̱w̌e̱w̌ē̱ ame̱biyei, ni ame̱ke̱ ame̱biyei hũ hãhā̃ ame̱bihĩĩ agblã, ni ame̱súmo̱ ame̱nyoṅmo̱i le̱. [23]

⁷Ni Israelbii le̱ fe efõṅ ye̱ Iehowa hĩe, ni ame̱hĩe kpa Iehowa, ame̱-Nyoṅmo̱ le̱, no̱, ni ame̱yasúmo̱ Baalim ke̱ Ašerot.

⁸Nohewo̱ le̱ Iehowa mli wo Israel la, ni ehõame̱ ehã Mesopotamia maṅtše̱ Kušan-Rišataim; ni Israelbii le̱ súmo̱ Kušan-Rišataim afii kpānyo̱.

⁹Ni Israelbii le̱ blo̱ tšé̱ Iehowa, ni Iehowa tē yiwalaherelo̱ ko ši ehãame̱, ni ehere ame̱yiwala, le̱ dši *Otniel, Kaleb nyemi gbekẽ Kenaz bi le̱. [24]

¹⁰Ni *Iehowa Mumo̱ le̱ ba eno̱, ni ekodšo Israel; ni efã ta, ni Iehowa ṅõ Mesopotamia maṅtše̱ Kušan-Rišataim ewo edeṅ; ni enine tšṍ Kušan-Rišataim no̱. [25]

¹¹Ni šikpoṅ le̱ no̱ dšo̱ afii nyoṅmai-edſe̱. Ni Otniel, Kenaz bi le̱, gbo.

¹²Ni Israelbii le̱ fe efõṅ ekoṅ ye̱ Iehowa hĩe; ni Iehowa hã Moab maṅtše̱ Eglon le̱ ná Israel no̱ hewale̱, edšake̱ ame̱fe efõṅ ye̱ Iehowa hĩe.

¹³Ni ebua Amonbii le̱ ke̱ Amalekbii le̱ anā eši eno̱, ni eba ebatſia Israel nii, ni eṅõ *tẽṅi amaṅ le̱. [26]

¹⁴Ni Israelbii le̱ súmo̱ Moab maṅtše̱ Eglon afii nyoṅma ke̱ kpānyo̱.

¹⁵Ke̱ke̱ ni Israelbii le̱ blo̱ tšé̱ Iehowa; ni Iehowa tē yiwalaherelo̱ ko ši ehãame̱, Ehud, abe̱kulo̱ le̱ ni dši Benyaminnyo Gera bi le̱, ni Israelbii le̱ tšũle̱ eke̱ nikẽnii te eyahã Moab maṅtše̱ Eglon.

¹⁶Ke̱ke̱ ni Ehud fe klante ke̱ enā nta, ni eke̱le̱ dši ninetalo̱ kome, ni eṅõ-fï ehe̱ ye̱ eninedšũrõgbe̱ ye̱ etade le̱ šiši.

¹⁷Ni eke̱ nikẽnii le̱ yahã Eglon, Moab maṅtše̱ le̱. Ši Eglon le̱, eſi naakpa.

¹⁸Ni eba mli ake̱, beni eke̱ nikēnii le̱ ehãle̱ egbe nã le̱, ewo mei ní tēre nikēnii le̱ agbe̱ ni ame̱te.

¹⁹Ši le̱dientše̱ le̱ ekũ ese̱ ke̱-dše̱ amãgãi ní yo̱ Gilgal le̱ ahe, ni ebakē̱: Maṅtše̱, miye̱ tēmo̱ sane ko ní mibagbao! Ni ekē̱: Bu onā! Ni mei ni damo̱ emase̱i le̱ fẽ dše ehe.

²⁰Ni Ehud ba eṅõ, ni ekometō etá ši ye̱ eṅwei-tšũ ni ehereo̱ kō̱yo̱ ye̱ mli le̱ṅ. Ni Ehud kē̱: Miye̱ Nyoṅmo̱ nã šĕ̱ ko ni mibakē̱o! Ni ete ši ke̱-dše̱ esẽi le̱ no̱.

²¹Ke̱ke̱ ni Ehud kpã enine abe̱ku le̱ mli, ni efã klante le̱ ye̱ eninedšũrõgbe̱ le̱, ni eke̱-dũ emũsũṅ,

²²ni klante le̱ tšṍ le̱ hũ nyie dade le̱ se̱ ke̱-bote mli, ni fo̱ batšĩ dade le̱ se̱; edšake̱ egblaa klante le̱ ke̱-dše̱e̱ emũsũ mli, ši eyadše kpo ye̱ se̱.

²³Ni Ehud tšṍ asa le̱ no̱ ke̱-dše kpo, ni eṅã́mo̱ šĩnāi le̱ ewo eyi ni eṅmẽ mli.

²⁴Ni beni edše kpo ete le̱, tšũdši le̱ ba ame̱bakwe̱, ni na, aṅã́mo̱ šĩnāi le̱ ni aṅmẽ mli; ni ame̱kē̱: Bene̱ ēwá enane ye̱ kō̱yo̱heremo̱ tšũ le̱ṅ.

²⁵Ni ame̱mẽ āhũ ke̱-yaši beyine̱ ni ame̱hĩe gboi, ni na, egblee ṅwei-tšũ le̱ šĩnāi le̱; ke̱ke̱ ni ame̱yako̱ samfē ni ame̱bagble, ni na, ame̱nuntšo̱ le̱ kã šikpoṅ ni egbo.

²⁶Ši beni ame̱lilaä ši le̱, Ehud edšo foi ke̱-te momo, ni efoṅ ye̱ amãgãi le̱ ahe, ni edšo foi ke̱-te Seira.

²⁷Ni eba mli ake̱, beni eše̱ dše̱i le̱, ekpã te̱tre̱mantre̱ ye̱ Efraim gõdši le̱ ano̱, ni Israelbii le̱ ke̱le̱ kpleke ši ke̱-dše̱ gõdši le̱ ano̱, ni enyie ame̱hĩe;

²⁸ni ekē̱ame̱ ake̱: Nyešaä foi ke̱-nyĩea mise̱; edšake̱ Iehowa eṅõ nyehenye̱lo̱i ní dši Moabbii le̱ ewo nyedeṅ. Ni ame̱kple-ke ši ke̱-nyie ese̱, ni ame̱he Iordan fõhei le̱ ní ake̱-yaä Moab le̱, ni ame̱ṅmẽẽ mokomoko gbe̱ ni efo.

²⁹Ni nakai be le̱ mli le̱ ame̱gbe mei aafe akpei-nyoṅma ye̱ Moabbii le̱ ateṅ, hĩĩ hewalo̱i ke̱ kãkãlo̱i so̱ṅṅ, ni mokomoko náá foĩdšē he gbe̱.

³⁰Ni aba Moab ši ye̱ nakai gbĩ le̱ no̱ awo Israel nine šiši. Ni šikpoṅ le̱ no̱ dšo̱ afii nyoṅmai-kpānyo̱.

³¹Ni Šamgar, Anat bi le̱, baye ese̱, ni eke̱ tšina kplamo̱tšo gbe Filistibii le̱ ateṅ mei ohai-ekpa. Ni le̱ hũ ehere Israel yiwala.