Read luganda Kodšolo̱i 4 Bible Online

Kodšolo̱i 4 - luganda bible

Kodšolo̱i 4

¹Ni Israelbii le̱ fe efõṅ ye̱ Iehowa ble ekoṅ, beni Ehud gbo le̱.

²Ni Iehowa hõame̱ ehã Iabin, Kanaan maṅtše̱ le̱, ní yeo̱ maṅtše̱ ye̱ Hazor le̱. Ni etatše̱ dši Sisera, ní yo̱ Harošet-Goyim le̱.

³Ni Israelbii le̱ blo̱ tšé̱ Iehowa; edšake̱ eye̱ dade ſīlii ohai-ne̱hũ, ni afii nyoṅmai-enyo̱ ewa Israelbii le̱ ayi deṅdeṅdeṅ.

⁴Ni gbalo̱yō Debora ni dši Lapidot ṅã le̱ kodšoo̱ Israel ye̱ nakai be le̱ mli.

⁵Ni ehī Debora tẽṅ le̱ šiši ye̱ Rama ke̱ Betel teṅ, ye̱ Efraim gõdši le̱ ano̱. Ni Israelbii le̱ baä eṅõ ní ekodšoo̱ame̱.

⁶Ni etšū ayakpē Barak, Abinoam bi le̱, ke̱-dše̱ Kedeš-Naftali ke̱-ba, ni ekē̱le̱ ake̱: Ani dšee fã́ ni Iehowa, Israel Nyoṅmo̱ le̱, efã́o ake̱: Yafã ta ke̱-ya Tabor goṅ le̱ ne̱, ni oṅõ Naftalibii le̱ ke̱ Zebulonbii le̱ ateṅ hĩĩ akpei-nyoṅma ofata ohe?

⁷Ni makpla Sisera, Iabin tatše̱ le̱, ke̱ eſīlii le̱ ke̱ emei babaō le̱ ke̱-ba oṅõ ye̱ Kišon fā le̱ nã, ni maṅõle̱ mawo odeṅ.

⁸Ni Barak kē̱le̱ ake̱: Ke̱dši oke̱mi aate le̱, no le̱ mate; ši ke̱dši oke̱mi eyaa le̱, no le̱ miyaa!

⁹Ni ekē̱le̱ ake̱: Mike̱o aate; ši kẽle̱ gbe̱ ni oyaä ne̱ mli anumnyam le̱ efeṅ onõ; edšake̱ yō ko deṅ Iehowa baṅõ Sisera awo! Ni Debora te ši, ni eke̱ Barak te Kedeš.

¹⁰Ni Barak hã ayakpē Zebulon ke̱ Naftali ke̱-ba Kedeš; ni mei akpei-nyoṅma ke̱le̱ ká nane ke̱-te; ni Debora hũ ke̱le̱ te.

¹¹Ši Heber, *Kennyo le̱, etše ehe ke̱-dše̱ Kainbii ni dši Mose šānū †Hobab bii le̱ ahe, ni ehĩe ebū le̱ ši āhũ ke̱-yaši tšo kple ní mã Zaananim ni yo̱ Kedeš mase̱i le̱ he. [27]

¹²Ke̱ke̱ ni ayatſa Sisera adafi ake̱ Barak, Abinoam bi le̱, efã ta ke̱-te Tabor goṅ le̱ no̱.

¹³Ni Sisera baa eſīlii ni dši dade ſīlii ohai-ne̱hũ le̱ fẽ nã, ke̱ mei ní fata ehe le̱ ſẽ, ke̱-dše̱ Harošet-Goyim ke̱-ba Kišon fã le̱ nã.

¹⁴Ke̱ke̱ ni Debora kē̱ Barak ake̱: Te ši, edšake̱ ṅme̱ne̱ gbĩ ne̱ Iehowa eṅõ Sisera ewo odeṅ! Ani dšee Iehowa efã ke̱-nyie ohĩe ne̱? Ke̱ke̱ ni Barak kpleke ši ke̱-dše̱ Tabor goṅ le̱ no̱, ni mei akpei-nyoṅma le̱ nyie ese̱.

¹⁵Ni Iehowa hã Sisera ke̱ eſīlii le̱ fẽ ke̱ eta mū le̱ ſẽ dšidšā ye̱ klante nā ye̱ Barak hĩe, ni Sisera yi ši ke̱-dše̱ eſīli le̱ mli ni edšo foi ye̱ enane nā.

¹⁶Ni Barak tiu ſīlii le̱ ke̱ ta le̱ ke̱-yaši Harošet-Goyim, ni Sisera ta le̱ fẽ nyõnyõ ye̱ klante nã, ni eſe̱e̱ mokomeflo.

¹⁷Ši Sisera dšo foi ye̱ enane nã ke̱-te Iael, Kennyo Heber ṅã le̱ bū le̱ṅ. Edšake̱ hedšo̱le̱ ye̱ Iabin, Hazor maṅtše̱ le̱, ke̱ Heber, Kennyo le̱, we le̱ teṅ.

¹⁸Ni Iael dše kpo eke̱ Sisera yakpe, ni ekē̱le̱ ake̱: Minuntšo̱, ba, ba miṅõ; kāše gbeyei! Ni egbá ke̱-te eṅõ ye̱ bū le̱ṅ, ni eke̱ sāno̱ bò ko ha eno̱.

¹⁹Ni ekē̱le̱ ake̱: Ofai ne̱, hāmi nu fiō manu, edšake̱ kũmai mīyemi! Ni egble fufo̱nõ le̱ nã, ni ehãle̱ eko enu; ni eha eno̱.

²⁰Ni ekē̱le̱ ake̱: Damo̱ bū le̱ šĩnā le̱ ši, ni aba mli ake̱, ke̱dši moko ba ni ebio ake̱: Ani moko ye̱ bie̱ lo? le̱, koni okē̱ ake̱: Dabi!

²¹Ke̱ke̱ ni Iael, Heber ṅã le̱, fã bū le̱ he šiṅmlitšo le̱ eko, ni eko̱ hamle ehĩe edeṅ, ni ede̱ke ši ke̱-te eṅõ, ni eke̱ šiṅmlitšo le̱ yaka etoi ši, ni eyamõ šikpoṅ; edšake̱ ewo̱ vī, ni nõ nyõ eno̱, ni egbo.

²²Ni na, beni Barak tiuo̱ Sisera le̱, Iael dše kpo eke̱le̱ yakpe, ni ekē̱le̱ ake̱: Ba, ni matšõo nū le̱ ní otaoo̱ le̱! Ni ete eṅõ; ni na, Sisera kã ši ní egbo, ni šiṅmlitšo le̱ tše̱ke̱ etoi ši.

²³Ni nakai gbĩ le̱ Nyoṅmo̱ ba Kanaan maṅtše̱ Iabin ši ye̱ Israelbii le̱ ahĩe.

²⁴Ni Israelbii le̱ enine hĩe Iabin, Kanaan maṅtše̱ le̱, no̱tšṍmo̱ ãhũ, ke̱-yaši beyino̱ ni ame̱kpãtã Iabin, Kanaan maṅtše̱ le̱, hĩe.