Read luganda Kodšolo̱i 5 Bible Online

Kodšolo̱i 5 - luganda bible

Kodšolo̱i 5

¹Ke̱ke̱ ni Debora ke̱ Barak, Abinoam bi le̱, la ye̱ nakai gbĩ le̱ no̱ ake̱:

²Ake̱-ní aná tatše̱mei tĕre ta le̱ ye̱ Israel, ni maṅ le̱ hũ here amehe hewo̱ le̱, nyedšiea Iehowa yi!

³Nyeboa toi, nyemaṅtše̱mei! Nyefea toi, nyelumei! Mi le̱, Iehowa mala mahã, saṅkũ matſa ke̱-la ke̱-dšĩe Iehowa, Israel Nyoṅmo̱ le̱, yi!

⁴Iehowa, beni odše *Seir obaä le̱, beni ofã nyiemo̱ ke̱-dše̱ Edom ṅã le̱ no̱ le̱, †šikpoṅ le̱ hoso, ni ṅweii tšere ſie ši, asaṅ atatui le̱ tue nu. [28]

⁵Gõdši le̱ kpokpo ye̱ Iehowa hĩe, ke̱ nakai Sinai le̱ hũ, ye̱ Iehowa, Israel Nyoṅmo̱ le̱, hĩe. [29]

⁶Ye̱ Šamgar, Anat bi le̱, yino̱ ke̱ Iael yino̱ le̱ gbe̱dšegbe̱i le̱ ano̱ kãmo̱ eflo, ni gbe̱nyielo̱i le̱ dšuo̱ ši nyieo̱. [30]

⁷Asafoiatše̱mei ahe sẽ ye̱ Israel, ame̱he sẽ, ke̱-yaši beyino̱ ní mi, Debora, mite ši, ní mite ši ake̱ nye ye̱ Israel.

⁸Ame̱hala nyoṅmo̱i hēi: ke̱ke̱ ni ta še̱ agbói le̱ anā. *Anaa tše̱ṅ lo akplo̱ ko ye mei akpei-nyoṅmai-edſe̱ deṅ ye̱ Israel. [31]

⁹Miná Israel no̱yelo̱i le̱ ahe tšui; mei ní here ame̱he ye̱ suomo̱ nã ye̱ maṅ-bii le̱ ateṅ le̱, nyedšiea Iehowa yi!

¹⁰Nye mei ni nyetrá *tedšiyei ye̱dši ano̱, nye mei ní nyetrá kentei fe̱fe̱dši ano̱, nye mei ní nyenyie gbe̱ le̱ no̱, nyelaä! [32]

¹¹Heni anuu gãitšẽlo̱i ablo̱mo̱ ye̱, ye̱ nuyē̱hei le̱, dše̱i noṅṅ ame̱agba Iehowa dšale̱ nitšumo̱i le̱ ye̱, ke̱ eno̱yelo̱i le̱ adšale̱ nitšumo̱i ní ame̱tšu ye̱ Israel le̱. No mli ni Iehowa maṅ le̱ kpleke ši ke̱-te agbói le̱ anā.

¹²Tše ohe, tše ohe, Debora! Tše ohe, tše ohe, ni ola! Te ši, Barak, ni oṅõ onomṅõlo̱i le̱ anom, Abinoam bi!

¹³Ke̱ke̱ ni abladei le̱ ke̱ maṅbii le̱ ateṅ mei ní eſe̱ le̱ kpleke ši, ni Iehowa kpleke ye̱ kãkãlo̱i le̱ ateṅ ye̱ mihewo̱.

¹⁴Mei ni ame̱šišifã yo̱ *Amalek le̱ dše̱ Efraim ba, amenyie bo Benyamin ose̱ ye̱ omaṅbii le̱ ateṅ; no̱yelo̱i dše̱ †Makir ba, ni mei ní hleo̱ tatše̱tšo le̱ hũ dše̱ Zebulon. [33]

¹⁵Ni Isakar lumei le̱ hũ fata Debora he; bo̱ni Isakar yo̱ le̱ nakai Barak yo̱, ame̱ša foi ke̱-nyie ese̱ ke̱-te dšō̱ le̱ṅ. Ruben nsutẽṅi le̱ anā le̱, ate adšinai wudši ye̱ dše̱i.

¹⁶Mẽba otá otōiatšũi le̱ ateṅ, ní oboo̱ be̱dši ni akpāa ake̱-tšé̱o̱ tōi le̱ atoi? Ruben nsutẽṅi le̱ anā le̱, ate adšinai ní he dšra ye̱ dše̱i.

¹⁷Gilead tá ši ye̱ Iordan se̱. Ni Dan hũ, mẽba elilaä Si ye̱ le̱dši amli? Ašer esẽ koni ke̱-tá ṅšo̱ nã, etá eṅšo̱-blei le̱ anā.

¹⁸Zebulon dši maṅ ní še̱ ehe efõ ehã gbĕle, ke̱ Naftali hũ ye̱ ṅãno̱ goṅkpo̱i le̱ ano̱.

¹⁹Maṅtše̱mei le̱ ba ni ame̱bawu ta, no mli Kanaan maṅtše̱mei hũ bawu ye̱ Tanaak, ye̱ Megido nui le̱ anā; ši ame̱náá dſie̱te̱i ko ame̱ha.

²⁰Adše̱ ṅwei awu ta le̱, ṅulamii tete dše ame̱gbe̱hei ni ame̱ke̱ Sisera wu! [34]

²¹Kišon fā le̱ lōame̱ ke̱-te, blema fā le̱, Kišon fā le̱. Misusuma, fã nyiemo̱ ke̱ hewale̱.

²²No mli le̱ okpo̱ṅo̱i le̱ ananekoklotoi le̱ šimo̱ ši ye̱ foidšē mli, ame̱hewalo̱i le̱ afoidšē mli.

²³Iehowa bo̱fo le̱ kē̱: Nyelomo̱a Meroz, nyelomo̱a emli bii le̱ kre̱dē̱! Edšake̱ ame̱bafataa Iehowa he, ame̱bafataa Iehowa he ye̱ kãkãlo̱i le̱ ateṅ!

²⁴Aadšō̱ Iael ye̱ yei ateṅ, Heber, Kennyo le̱, ṅã le̱, aadšō̱le̱ fè yei ni yo̱ būi amli le̱ fẽ!

²⁵Ebi nu, ni ehãle̱ fufo̱, tšene fe̱fe̱o mli eke̱ fufo̱-hĩe-fo̱ wó ebahãle̱. [35]

²⁶Ekpã enine mli eko̱ šiṅmlitšo le̱, ni eke̱ eninedšũrõ ko̱ nitšulo̱i ahamle le̱, ni eke̱ hamle le̱ tſa Sisera, edſa eyitšo, eke̱-gbule̱, ni eke̱-ka etoi ši.

²⁷Egbē ši ye̱ enãdši anā, ekã ši ni eple; egbē ši ye̱ enãdši anā, ni eple; heni egbē ši ye̱ le̱, dše̱i noṅṅ eple ni egbo ye̱.

²⁸Sisera nye mīkwe̱ samfle̱ mli, ni ebo lelēle ye̱ samfle̱ ke̱ emli fo̱dši le̱ anā: Mẽhewo̱ ni eſīli le̱ bā le̱ etše̱ ne̱? Mẽhewo̱ ni eſīlii anãdši le̱ ekpe se̱ ne̱?

²⁹Ehewo̱ yei le̱ ateṅ nilelo̱i le̱ to he hãle̱, ni le̱dientše̱ hũ eto he ehã ehe ake̱:

³⁰Ame̱ná hānii kẽ, ni ame̱mīdša; nū-fẽ-nū aaná oblayō kome lo enyo̱ tete, Sisera hũ he̱ aaná asāsā hānii, asāsā hānii ní alò mli, asāsā hānii kome lo enyo̱ ní alò mli ní ake̱-baha kue̱.

³¹Bo̱ noṅṅ ní ohenye̱lo̱i le̱ fẽ ahĩe aakpãtã ne̱, Iehowa! Ši mei ní sumoo̱o le̱ aafe tamo̱ hũlũ beni eteo̱ ši yo̱ ehewale̱ mli le̱! Ni šikpoṅ le̱ no̱ dšo̱ *afii nyoṅmai-edſo̱. [36]