Read luganda Kodšolo̱i 6 Bible Online

Kodšolo̱i 6 - luganda bible

Kodšolo̱i 6

¹Ni Israelbii le̱ fe efõṅ ye̱ Iehowa hĩe ekoṅ, ni Iehowa ṅõame̱ ewo Midianbii le̱ adeṅ afii kpawo.

²Ni Midianbii ayi wa ye̱ Israelbii le̱ ano̱. Ni Midianbii le̱ ahewo̱ le̱ Israelbii le̱ sā fo̱dši ní yo̱ gõdši le̱ ano̱ le̱ ke̱ te̱kploi ke̱ mõdši ame̱hã amehe.

³Ni ebaä mli ake̱, *ké̱ Israelbii dū nii le̱, ke̱ke̱ le̱ Midianbii ke̱ Amalekbii ke̱ bokãgbe̱bii le̱ efã ke̱-baninaame̱, [37]

⁴ni ame̱babo̱ō̱ nsra ame̱woo̱ame̱, ni ame̱fiteo̱ šikpoṅ le̱ no̱ nibānii le̱ ke̱-yašio̱ Gaza tō̃, ni ame̱šĩĩ niyenii ko ye̱ Israel, alo tō lo tšina lo tedši ko.

⁵Edšake̱ ame̱baä ke̱ ame̱koloi ke̱ ame̱būi, ni ame̱baä babaō tamo̱ bālabii, ni ame̱ ke̱ ame̱yomai le̱ fẽ le̱ anyẽẽ akane, ni ame̱baä šikpoṅ le̱ no̱ ame̱bakpãtãa hĩe.

⁶Ni Midianbii le̱ hã Israel gbo̱dšo̱ kwrā; ni Israelbii le̱ blo̱ tšé̱ Iehowa.

⁷Ni eba mli ake̱, beni Israelbii le̱ blo̱ tšé̱ Iehowa ye̱ Midianbii le̱ ahewo̱ le̱,

⁸Iehowa tšũ gbalo̱ ko ke̱-ba Israelbii le̱ aṅõ, ni ebakē̱ame̱ ake̱: Bo̱ni Iehowa, Israel Nyoṅmo̱ le̱, kē̱ ne̱: Mi miṅõnye ke̱-dše̱ Mizraim ke̱-ba, ni midšienye ke̱-dše̱ nyṍdši awe le̱,

⁹ni midšienye ke̱-dše̱ Mizraimbii adeṅ ke̱ mei ní waănye yi le̱ fẽ adeṅ, ni mi-ſieame̱ ye̱ nyehĩe, ni miṅõ ame̱šikpoṅ le̱ mihãnye;

¹⁰ni mikē̱nye ake̱: Midši Iehowa, nye-Nyoṅmo̱ le̱; nyekašea Amorbii ní nyeyo̱ ame̱šikpoṅ le̱ no̱ le̱ anyoṅmo̱i le̱ agbeyei; ši nyeboo migbē toi!

¹¹Ke̱ke̱ ni Iehowa bo̱fo le̱ ba ebatá blo̱fo-yo̱itšo ní yo̱ Ofra ni dši Ioaš, Abiezernyo le̱, nõ le̱ šiši. Ni ebi Gideon le̱ mīgbē ṅmā̃ ye̱ weinbu le̱ mli, koni eke̱-tē Midian le̱.

¹²Ni Iehowa bo̱fo le̱ dšie ehe kpo etšõle̱, ni ekē̱le̱ ake̱: Iehowa ke̱o ye̱, bo nū ekãlo̱!

¹³Ni Gĩdeon kē̱le̱ ake̱: Ofai ne̱, minuntšo̱! ké̱ Iehowa ke̱wo̱ ye̱ le̱, bĕle̱ mẽba ene̱mei fẽ eba wo̱no̱ ne̱? ni nẽgbe̱ enãkpenii le̱ fẽ ni wo̱tše̱mei le̱ gbawo̱ ake̱: Ani dšee Mizraim Iehowa dšiewo̱ ke̱-dše̱? le̱ yo̱? Ši agbe̱ne̱ Iehowa eše̱wo̱ efõ ní eke̱wo̱ ewo Midianbii adeṅ!

¹⁴Ni Iehowa kwe̱ ehĩe ni ekē̱le̱ ake̱: *Oke̱ ohewale̱ ne̱ aya, ní ohere Israel yiwala ye̱ Midianbii le̱ adeṅ! Ani dšee mi mĩtšũo? [38]

¹⁵Ni ekē̱le̱ ake̱: Ofai ne̱, nuntšo̱! meni mike̱-ahere Israel yiwala? Na, miweku le̱ edſa ye̱ Manase, ni midši gbekẽ kwrā ye̱ mitše̱ we le̱!

¹⁶Ni Iehowa kē̱le̱ ake̱: *Mibafata ohe āhũ, ni oogbe Midianbii le̱ tamo̱ agbeo̱ mokome! [39]

¹⁷Ni ekē̱le̱ ake̱: Agbe̱ne̱, ke̱dši mihĩe eba nyam ye̱ ohĩe le̱, no le̱ tšõmo̱mi okadi ko ake̱ bo oke̱mi wieo̱ ne̱!

¹⁸Ofai ne̱, *kādše bie̱ ke̱-yaši beyino̱ ni maba oṅõ ni mike̱ minikēnii aaba abamã ohĩe! Ni ekē̱: Mahĩ ši ke̱-yaši beyino̱ ní ookũ ose̱ oba. [40]

¹⁹Ni Gideon te ni eyasā tōabotiabi, ni eke̱ mã efa kome fe akpĩtĩ; lō le̱ eṅõ-wo kafũ mli, ni ehe-nu le̱ eṅõ-wo kukwe̱i mli, ni eke̱-dše kpo ke̱-ba eṅõ ye̱ tšo le̱ šiši, ni eke̱-bamã ehĩe.

²⁰Ši Nyoṅmo̱ bo̱fo le̱ kē̱le̱ ake̱: Ṅõ lō le̱ ke̱ akpĩtĩ le̱ oſie te̱sā ne̱ no̱, ni ofo̱se ehe-nu le̱ oſie no̱! Ni efe nakai.

²¹Ke̱ke̱ ni Iehowa bo̱fo le̱ kpã edẽhĩemo̱tšo ní ehĩe le̱ mli ni eke̱-sa lō le̱ ke̱ akpĩtĩ le̱ he; ni *la dše̱ te̱sā le̱ mli ni ebaye lō le̱ ke̱ akpĩtĩ le̱. Ni Iehowa bo̱fo le̱ lãdše ye̱ ehĩe. [41]

²²Ni beni Gideon na ake̱ Iehowa bo̱fo ni le̱, Gideon kē̱: Ao, Nuntšo̱ Iehowa! Iehowa bo̱fo pam mina hĩe ke̱ hĩe ne̱!

²³Ni Iehowa kē̱le̱ ake̱: *Ná tšui; kāše gbeyei, ogboṅ! [42]

²⁴Ke̱ke̱ ni Gideon mã afo̱lešãlate̱ ye̱ dše̱i ehã Iehowa, ni etšē̱le̱ ake̱: Iehowa Šalom. Eye̱ Ofra ní dši Abiezerbii le̱ anõ le̱ ke̱-baši ṅme̱ne̱.

²⁵Ni nakai nyō le̱ṅ noṅṅ le̱ eba mli ake̱ Iehowa kē̱le̱ ake̱: Yamõ otše̱ tšinanū ni dši tšinanū ní dši enyo̱ ní eye afii kpawo le̱, ni *oyakũmo̱ Baal afo̱lešãlate̱ ni dši otše̱ nõ le̱, ni oflo̱ ehe akrabatša le̱. [43]

²⁶Ni omã afo̱lešãlate̱ ohã Iehowa, o-Nyoṅmo̱ le̱, ye̱ ne̱ke̱ te̱sã ne̱ yiteṅ ni otole̱ hĩṅme̱i no̱; ni oṅõ tšinanū ní dši enyo̱ le ošã šã-afo̱le ni oke̱ akrabatša ní oflo̱ le̱ lai le̱ ašã.

²⁷Ke̱ke̱ ni Gideon ṅõ etšũdši le̱ ateṅ mei nyoṅma, ni efe bo̱ni Iehowa kē̱le̱ le̱. Ši eba mli ake̱-ní ešeo̱ etše̱ we le̱ ke̱ maṅbii le̱ agbeyei hewo̱ le̱, enyẽẽ efe ſane, ši nyõṅ efe.

²⁸Ni beni maṅbii le̱ te ši lebi mãṅkpa le̱, na, akũmo̱ Baal afo̱lešãlate̱ le̱, ni aflo̱ ehe akrabatša le̱, ni ašã tšinanũ ni dši enyo̱ le̱ ye̱ afo̱lešãlate̱ ní amã le̱ no̱.

²⁹Ni ame̱bibī ame̱he ake̱: Namo ye ne̱ke̱ sane ne̱? Ni beni ame̱tao mli ni ame̱bi ši le̱, akē̱ame̱ ake̱: Gideon, Ioaš bi le̱, ye ne̱ke̱ sane ne̱.

³⁰Ni maṅbii le̱ kē̱ Ioaš ake̱: Dšiemo̱ obi le̱ ke̱-ba ní agbele̱, edšake̱ ekũmo̱ Baal afo̱lešãlate̱ le̱ ni eflo̱ ehe akrabatša le̱!

³¹Ke̱ke̱ ni Ioaš kē̱ mei fẽ ní ebabo̱le ehe ke̱-kpe le̱ ake̱: Ani nye nyebabé Baal he? Alo nye nyebahere eyiwala? Moni aabé ehe le̱ le̱, hã ní agbele̱ lebi ne̱ noṅṅ. *Ké̱ nyoṅmo̱ dšile̱ le̱, hã le̱dientše̱ ebé ehe ake̱ akũmo̱ efolešãlate̱ le. [44]

³²Nohewo̱ le̱ nakai gbĩ le̱ no̱ le̱ ewole̱ gbe̱i ake̱ Ierubaal, ekē̱: Hã Baal ke̱le̱ abé, edšake̱ ekũmo̱ efo̱lešãlate̱ le̱.

³³Ni Midianbii ke̱ Amalekbii ke̱ bokãgbe̱bii le̱ fẽ bua ame̱he nã, ni ame̱fo mli ni ame̱yabo̱ nsra ye̱ Iezreel dšō̱ le̱ṅ.

³⁴Ni *Iehowa Mumo̱ le̱ bayi Gideon no̱, ni ekpã te̱tre̱mantre̱ eke̱-tšē̱ Abiezerbii le̱ ní ame̱banyie ese̱. [45]

³⁵Ni etšũ bo̱foi ke̱-te Manase fẽ, ni ayakpẽame̱ hũ ni ame̱banyie ese̱. Ni etšũ bo̱foi ke̱-te Ašer ke̱ Zebulon ke̱ Naftali, ni ame̱ hũ ame̱fã ame̱ke̱ame̱ bakpe.

³⁶Ke̱ke̱ ni Gideon kē̱ Nyoṅmo̱ ake̱: Ke̱dši ye̱ṅ ake̱ minine no̱ obatšṍ ohere Israel yiwala, take̱ bo̱ni okē̱ le̱,

³⁷na, mike̱ tōgwanteṅ wolo baka ṅmā̃-šãhe le̱; ke̱dši bó̱ nyõ wolo le̱ kome ke̱ke̱ no̱ ni šikpoṅ mū le̱ fẽ gbĩ le̱, no le̱ maná male ake̱ minine no̱ obatšṍ ohere Israelbii le̱ ayiwala, take̱ bo̱ni okē̱ le̱.

³⁸Ni eba mli nakai; ni beni dše tše̱re no̱ le̱, ete ši lebi mrã, ni eṅã tō wolo le̱ mli, ni bó̱ ní eṅã ye̱ tō wolo le̱ mli le̱ fe tšene obõ.

³⁹Ni Gideon kē̱ Nyoṅmo̱ ake̱: *Omli akafũmi ní mawie šikome ne̱ pe̱! mī-kpao fai, hã mike̱ wolo le̱ aka makwe̱ šikome hũ: hã ní wolo le̱ ke̱ke̱ agbĩ, ni bó̱ anyõ šikpoṅ le̱ no̱ fẽ! [46]

⁴⁰Ni Nyoṅmo̱ hã ba mli nakai ye̱ nakai nyō le̱ṅ, ni wolo le̱ ke̱ke̱ gbī, ši bó̱ nyō šikpoṅ le̱ no̱ fẽ.