Read luganda Iuda 1 Bible Online

Iuda 1 - luganda bible

Iuda 1

¹Iuda, ni dši Iesu Kristo tšũlo̱ ke̱ *Iakobo nyemi le̱, ṅmã yahã mei ni atšé̱ame̱ ni afeame̱ kroṅkroṅ ye̱ tše̱ Nyoṅmo̱ le̱ mli ni aṅõame̱ ato ahã Iesu Kristo le̱. [1]

²Mo̱bo̱nale̱ ke̱ hedšo̱le̱ ke̱ suomo̱ babaō áhānye!

³Suomo̱mei, ake̱ noni mībo̱ mo̱deṅ dientše̱ ni maṅmānye wo̱ fē wo̱yiwalaheremo̱ le̱ he sane hewo̱ le̱, ehe mīdšrami ake̱ maṅmānye ní mike̱so̱lenye, koni *nyeple hemo̱-ke̱-yeli ni atu awo kroṅkroṅbii le adeṅ šikome le̱ he. [2]

⁴Edšake̱ gbomei komei edšu ši ebabote mli, mei ni blema bēbe adše̱ aṅmã ame̱hesane afõ ši ahã ne̱ke̱ fo̱bū ne̱, nōšafelo̱i ni ṅõo̱ wo̱-Nyoṅmo̱ dromo̱ ie̱ ame̱bo̱ö̱ nyenyeṅtſi, ni ame̱kwaä Nyoṅmo̱ ni dši no̱yelo̱ kome pe̱ le̱ ke̱ wo̱-Nuntšo̱ Iesu Kristo le̱.

⁵Ši mītao ake̱ mikaio̱nye, nye mei ni nyena ene̱ pēṅ le̱, ake̱ beni Nuntšo̱ le̱ dšie maṅ le ke̱-dše̱ Mizraim le, no se̱ le̱ ekpãtã mei ni hee yee le̱ ahīe. [3]

⁶Ni *ṅweibo̱foi hũ ni ehīee ame̱dientše̱ ame̱nukpayeli le̱ mli, ši moṅ ame̱ši ame̱dientše̱ ame̱šihīle̱ le̱, eke̱ nāno̱ kpāi efīmo̱ame̱ eto duṅ kpī mli ehã gbī wulu le̱ no̱ kodšomo̱ le̱. [4]

⁷Tamo̱ bo̱ni Sodoma ke̱ Gomora ke̱ mãdši ni dſere ame̱he le̱, ni bo̱ adſamaṅ āhũ tamo̱ mene̱mei ne̱ noṅṅ ni ame̱yanyie helo kroko se̱ le̱, kāmo̱ ši ake̱ okadi, ni ame̱náa nãno̱ la mli nyōmo̱wo le̱. [5]

⁸Nakai noṅṅ mene̱mei hū buleo̱ helo le̱ ye̱ ame̱lamōi le̱ amli, ni ame̱gbeo̱ no̱yeli he guo̱, ni ame̱wieo̱ gbomei agboi ahe wiemo̱i fõdši.

⁹Ši *bo̱fonukpa Mikael le̱, beni eke̱ abonsam kodšoo̱ ni eke̱le̱ tāa nā ye̱ Mose gbonyo le̱ hewo̱ le̱, ekaa lōmo̱ kodšomo̱ ko ke̱ eno̱fõ, ši moṅ ekē̱: †Kā, Nuntšo̱ le̱ aakã obīe! [6]

¹⁰Ši méne̱mei le̱, nii fē ní ame̱lee le̱, ame̱wieo̱ he musubō̱-wiemo̱, ši nii ní ame̱le ye̱ ame̱fo̱mo̱su le̱ nā tamo̱ koloi ni lee nii le̱, nomei amli noṅṅ ame̱fiteo̱ ame̱he ye̱.

¹¹Kpōo hãame̱! edšake̱ ame̱ko̱ *Kain gbe̱ le̱, ni †Bileam šišiumo̱ he nyōmo̱wo le̱ mli ame̱ke̱ ame̱he eyawo, ni Kora **atũatšemo̱ le̱ mli ame̱hĩe ekpãtã ye̱. [7]

¹²Mene̱mei dši mei ni woo̱ nyesuomo̱ niyenii le̱ abe mũdši, edšake̱ ame̱ke̱nye yeo̱ nii ni ame̱šee gbeyei, ame̱mīlè̱ ame̱dientše̱ ame̱he, atātui ni nu be̱ ame̱mli ni kō̱yo̱i kplaäame̱ ke̱-bo̱leo̱ ši dšiame̱, tšei ni yibāi ekpla ni ame̱woo yibii, ši ame̱gboi šii enyo̱ ni afãmo̱ame̱ ke̱ ame̱šišifãi,

¹³ṅšo̱kei hũ ni yo̱ hãmãhãmã *ni fẽo̱ ame̱dientše̱ ame̱hīegbedšianii ame̱fieo̱, ṅulamii dūdūlo̱i, mei ni asā dun kpī le̱ atoame̱ ke̱-mīya nãno̱ le̱. [8]

¹⁴Mene̱mei ahewo̱ ni *Henok ni dši mokpawo ke̱-dše̱ Adam no le̱ gba ye̱ ake̱: “Na, Nuntšo̱ le̱ mība ke̱ ekroṅkroṅbii akpei-nyoṅmanyoṅmai abo̱, [9]

¹⁵ni *ebakodšo mei fẽ, ni eekã nõšafelo̱i le̱ ye̱ ame̱nišai-anitšumo̱i fẽ ni ame̱tšu le̱ ke̱ wiemo̱i wawāi fẽ ni ešafelo̱i Nyoṅmo̱ kwalo̱i ewie ye̱ ehe le̱ hewo̱.” [10]

¹⁶Mene̱mei dši hũhũhũ-wielo̱i ke̱ kro̱lo̱i ni nõ esaa ame̱hīe, ni nyieo̱ ame̱dientše̱ ame̱ko̱no̱i fõdši anã, ni ame̱nãbu wieo̱ nāfū-wiemo̱i, ni ame̱kwe̱o̱ gbomei ahīeṅtšei ano̱ ye̱ se̱námo̱ hewo̱.

¹⁷Ši, suomo̱mei, nye le̱ nyekaia wiemo̱i ni wo̱-Nuntšo̱ Iesu Kristo bo̱foi le̱ wie sá le̱;

¹⁸ake̱ ame̱ké̱uye ake̱ *nāgbē be le̱ mli le̱ hefe̱oyelo̱i ni nyieo̱ ye̱ ame̱dientše̱ ame̱ko̱no̱i fõdši le̱ anã le̱ aaba. [11]

¹⁹Mene̱mei dši mei ni ke̱ mligblamo̱i baä le̱, helogbomei ni be̱ mumo̱. [12]

²⁰Ši, suomo̱mei, nye le̱ *nyehāa nyenane amõa ši ye̱ nyehemo̱-ke̱-yeli ni yo̱ kroṅkroṅ fè fẽ le̱ no̱, ni nyeso̱lea ye̱ Mumo̱ kroṅkroṅ le̱ mli, [13]

²¹ni nyetoa nyehe ye̱ Nyoṅmo̱ suomo̱ le̱ mli, ni nyekwe̱a wo̱-Nuntšo̱ Iesu Kristo mo̱bo̱nale̱ le̱ gbe̱, koni nyená nāno̱ wala,

²²Ni nyefea sro̱to ye̱ mli: meikomei le̱, nyenaäame̱ mo̱bo̱,

²³ši meikomei hũ, nyeke̱ hegbeyeiwō *aherea ame̱yiwala, ni nyešaäame̱ ke̱dše̱ã la le̱ mli, ni nyehìa †atade ni ake̱ helo ewo he mũdši le tete. [14]

²⁴Ši le̱, moni eyo̱ hewale̱ ni eke̱-abu nyehe ni nyekatẽ̱re̱, ni eke̱nye ayadamo̱ enumnyam le̱ hīe ní kpa ko be̱ nyehe, ye̱ mliflimo̱ mli le̱, [15]

²⁵Nyoṅmo̱ ni dši nilelo̱ kōme ke̱ wo̱yiwalaherelo̱ ye̱ Iesu Kristo, wo̱-Nuntšo̱ le̱, hewo̱ le̱, le̱ aṅó̱ anumnyam ke̱ agbodšē, no̱yeli ke̱ hegbe̱ fẽ ahã agbe̱ne̱ ke̱ dã! Amen. [16]