Read luganda Kpodšiemo 12 Bible Online

Kpodšiemo 12 - luganda bible

Kpodšiemo 12

¹Ni ana okadi kpeteṅkple ko ye̱ ṅwei: yō ko ní ke̱ hũlũ eha ehe, ní nyoṅtšĕre yo̱ enãdšiaši, ni ṅulamii nyoṅma ke̱ enyo̱ akekre fĩ eyitšo;

²ni ehĩe mũsũ, ni ēblo̱, ni ēkõmo̱ ni *ēna nõ ni ebafo̱. [145]

³Ni ana okadi kroko ye̱ ṅwei, ni na, *drako tšuru kpeteṅkple ní yo̱ yitšei kpawo ke̱ aklontoi nyoṅma, ní maṅtše̱faii kpawo bumo̱ ayitsei le̱ ano̱. [146]

⁴Ni elei mīgbla ṅwei *ṅulamii amlidšāi etẽ mli ekome, ni etšire̱ame̱ eſie šikpoṅ le̱ no̱. Ni drako le̱ badamo̱ yō le̱ ní bafo le̱ hĩe, koni, ké̱ efo̱ le̱, ní emĩ ebi le̱. [147]

⁵Ni efo̱ binū ní ke̱ *dadetšo bakpla dšeṅmãdsi le̱ fẽ le̱; ni ašá ebi le̱ ke̱-te Nyoṅmo̱ ṅõ ye̱ emaṅtše̱sẽi le̱ mase̱i. [148]

⁶Ni yō le̱ *dšo foi ke̱-te nāno̱ heko, heni Nyoṅmo̱ esā eto ehãle̱ le̱, koni ame̱yalè̱le̱ ye̱ dše̱i †gbĩĩ akpe ke̱ ohai-enyo̱ ke̱ nyoṅmai-ekpa. [149]

⁷Ni ta te ši ye̱ ṅwei: *Mikael ke̱ ebo̱foi le̱ fã drako le̱ no̱ ta. Ni drako le̱ bo̱foi le̱ fata ehe ke̱-wu, [150]

⁸ni ame̱nyẽẽ, ni asaṅ ame̱náá gbe̱ doṅṅ ye̱ ṅwei.

⁹Ni *ašé̱ drako kpeteṅkple le̱ afõ, moni dši †blema onũfũ le̱ ní atšé̱o̱le̱ diabolo (nāflo̱lo̱ lo abonsam) le̱ ke̱ satan (henye̱lo̱) le̱ ní šišiuo̱ dšeṅ mū le̱ fẽ le̱, ašé̱le̱ afõ šikpoṅ le̱ no̱, ni aše̱re̱ ebo̱foi le̱ hũ aſie afata ehe. [151]

¹⁰Ni minu gbē wulu ko ye̱ ṅwei mīkē̱: *Agbe̱ne̱ yiwalaheremo̱ le̱ ke̱ hewale̱ le̱ ke̱ maṅtse̱yeli le̱ etšṍ wo̱-Nyoṅmo̱ le̱ nõ, ni ake̱ hegbe̱ le̱ eha e-Kristo (moni efo̱le̱ mũ) le̱, edšake̱ ašé̱ wo̱nyemimei le̱ anāflo̱lo̱ le̱ ní †flo̱ö̱ ame̱nā ye̱ wo̱-Nyoṅmo̱ le̱ hĩe nyōṅ ke̱ ſane le̱ afõ. [152]

¹¹Ni ame̱ le̱, *tōbi le̱ lá le̱ ke̱ ame̱dientše̱ †ame̱daseyeli wiemo le̱ **ame̱ke̱-ye eno̱ kũnim, ni ame̱do̱o̱ ame̱dientše̱ ame̱wala he ke̱-yaši gbĕle mli tete. [153]

¹²Nohewo le̱ nye ṅweii ke̱ nye mei ní nyeyo̱ dše̱i nyenáa tšuidšŭrõ! Kpóo hã mei ní yo̱ šikpoṅ le̱ no̱ ke̱ ṅšo̱ hĩe le̱! edšake̱ abonsam le̱ ekpleke ši ke̱-ba nyeṅõ, egri naakpa, ni ele ake̱ be fiō ke̱ke̱ eyo̱.

¹³Ni beni drako le̱ na ake̱ ašé̱le̱ afõ šikpoṅ le̱, etiu yō le̱ ní fo̱ nū le̱.

¹⁴Ni aṅõ okropoṅ kpeteṅkple le̱ fĩdši enyo̱ le̱ ahã yō le̱, koni efliki *ke̱-ya ṅã le̱ no̱ ye̱ egbe̱he le̱, heni alè̱o̱le̱ ye̱ †be ke̱ bei ke̱ be fã ke̱-dše̱ onũfũ le̱ hĩe le̱. [154]

¹⁵Ni onũfũ le̱ fẽ̀ nu ní tamo̱ fā ko ke̱-dše̱ edāṅ eſie yō le̱ se̱, koni nu le̱ ášále̱ ke̱-ya.

¹⁶Ni šikpoṅ le̱ ye bua yō le̱; ni šikpoṅ le̱ gble edāṅ ní emĩ fā le̱ ní drako le̱ fẽ̀ ke̱-dše̱ edāṅ eſie le̱.

¹⁷Ni drako le̱ mli fũ yō le̱, ni eyin ete ní eke̱ yō le̱ sešibii ní eſe̱ ni *yeo̱ Nyoṅmo̱ kitãi le̱ ano̱ ni ame̱hĩe †Iesu Kristo odase le̱ ayawu. [155]

¹⁸Ni eyadamo̱ ṅšo̱ nā šia le̱ no̱.