Read luganda Kpodšiemo 14 Bible Online

Kpodšiemo 14 - luganda bible

Kpodšiemo 14

¹Ni mikwe̱, ni na, tōbi le̱ damo̱ Zion goṅ le̱ no̱, ni mei *akpei-oha-ke̱-nyoṅmai-edſe̱-ke̱-edſe̱ ni †aṅmā egbe̱i ke̱ etše̱ gbe̱i ye̱ ame̱hĩeṅtšei ano̱ fata ehe. [169]

²Ni minu gbe ko ke̱-dše̱ ṅwei *tamo̱ nui pī agbē, ni asaṅ etamo̱ nyoṅmo̱-šĩmo̱ kpeteṅkple gbē; ni gbē ní minu le̱ tamo̱ saṅkŭtſalo̱i ní hĩe ame̱saṅkũi ame̱tſaä le̱ agbē. [170]

³Ni ame̱laä *lala ko ní tamo̱ ehē ye̱ maṅtše̱sẽi le̱ hĩe ke̱ hĩekãlo̱i edſe̱ le̱ ke̱ onukpai le̱ ahĩe; ni moko nyẽẽ lala le̱ akase, ake̱ dša mei akpei-oha-ke̱-nyoṅmai-edſe̱-ke̱-edſe̱ le̱ ní ahé ke̱-dše̱ šikpoṅ le̱ no̱ le̱ ke̱ke̱. [171]

⁴Mene̱mei dši mei ní ke̱ yei buleko ame̱he, edšake̱ *oblahĩĩ mūdši dšiame̱ ní ame̱nyieo̱ tōbi le̱ se̱ ke̱-yaä hefẽhe ni eyaä le̱. Mene̱mei dši mei ni †ahé ke̱-dše̱ gbomei ateṅ ní ame̱tšṍmo̱ kleṅkleṅyibii ame̱hã Nyoṅmo̱ ke̱ tōbi le̱; [172]

⁵ni anaa amale ko ye̱ ame̱dāṅ, edšake̱ kpa ko be̱ ame̱he [ye̱ Nyoṅmo̱ maṅtše̱sẽi le̱ hĩe].

⁶Ni mina *bo̱fo kroko mīfliki ye̱ ṅwei teṅ, ni ehĩe nāno̱ sanekpakpa ní eyadšadse etšõ mei ní yo̱ šikpoṅ le̱ no̱ ke̱ dšeṅmaṅ-fẽ-dšeṅmaṅ ke̱ akutso-fẽ-akutso ke̱ mãdšiano̱wiemo̱i fẽ ke̱ maṅ-fẽ-maṅ, ni eke̱ gbē wulu kē̱: [173]

⁷Nyešea Nyoṅmo̱ gbeyei ni nyeke̱ anumnyam ahãale̱, edšake̱ ekodsomo̱ ṅmle̱tſā le̱ éše̱; ni nyedsáa moni fe ṅwei ke̱ šikpoṅ ke̱ ṅšo̱ ke̱ nubui ní baä le̱.

⁸Ni bo̱fo kroko ní dši enyo̱ nyie se̱ kē̱: *Edſa, Babilon maṅ kpeteṅkple le̱ edſa, edšake̱ éhã dšeṅmãdši fẽ énu edſamaṅbō le̱ he mlifũ dā̃ le̱ eko. [174]

⁹Ni bo̱fo kroko ni dši etẽ nyie ame̱se̱, ni eke̱ gbē wulu kē̱: Ké̱ moko dšá kolo le̱ ke̱ emãgã le̱, ni ehé ekadi le̱ ye̱ ehĩeṅtšo no̱ lo *enine no̱ le̱: [175]

¹⁰le̱ hũ eenu Nyoṅmo̱ *mlifũ dā̃ ní afutu le̱ kro̱ṅṅ awo emlifũ kpulu le̱ mli le̱ eko, ni †aapĩle̱ ye̱ la ke̱ swō̱ mli ye̱ bo̱foi kroṅkroṅi le̱ ahĩe ke̱ tōbi le̱ hĩe. [176]

¹¹Ni ame̱pĩmo̱ le̱ *lasũ le̱ teo̱ ši ke̱-yaä nāno̱i anāno̱; ni mei ní dšáa kolo le̱ ke̱ emãgã le̱, ke̱ mofẽmo ní ehé egbe̱i okadi le̱, náá hedšomo nyōṅ ke̱ ſane. [177]

¹²Bie̱ kroṅkroṅbii le̱ ni *yeo̱ Nyoṅmo̱ kitãi le̱ ke̱ Iesu no̱ hemo̱-ke̱-yeli le̱ no̱ le̱ †atšuisiṅmē̃ le̱ yo̱. [178]

¹³Ni minu gbē dše̱ ṅwei mīkē̱mi ake̱: Ṅmã: Adšō̱ gbohĩĩ le̱ ní gbole̱ ye̱ Nuntšo̱ le̱ mli le̱ ke̱-dše̱ ṅme̱ne̱ no̱ ke̱-yaä ne̱. Hē̃, Mumo̱ le̱ kē̱, koni *ame̱dšō̱ ame̱he ke̱-dše̱ ame̱haomo̱i le̱ amli; ši ame̱nitšumo̱i le̱ nyieo̱ ame̱se̱. [179]

¹⁴Ni mikwe̱, ni na, *atatu ye̱ṅ, ni moko tá atatu le̱ no̱ tamo̱ gbomobi le̱, ni šika akekre fĩ eyitšo, ni ehĩe †nikpamo-kakla ni nā ba ye̱ edeṅ. [180]

¹⁵Ni bo̱fo kroko dše kpo ke̱-dše̱ so̱lemo̱tšũ le̱ṅ ni eblo̱ ke̱ gbē wulu ekē̱ moni tá atatu le̱ no̱ le̱ ake̱: *Oke̱ onikpamo̱-kakla le̱ awo mli ni okpa nii; edšake̱ nikpamo̱ ṅmle̱tſā le̱ eše̱, ni šikpoṅ le̱ ne̱ nikpamo̱nii le̱ egbi. [181]

¹⁶Ni moni tá atatu le̱ no̱ le̱ še̱ enikpamo̱-kakla le̱ efõ šikpoṅ le̱ no̱, ni akpa šikpoṅ le̱ no̱ nii le̱.

¹⁷Ni bo̱fo kroko dše kpo ke̱-dše̱ so̱lemo̱tšũ le̱ ní yo̱ ṅwei le̱ mli, ni le̱ hũ ehĩe kakla ní nā ba.

¹⁸Ni be̱fo kroko dše kpo ke̱-dše̱ afo̱lešãlate̱ le̱ mli, ní yo̱ la no̱ hewale̱, ni ebo etšé̱ moni hĩe kakla ní nā ba le̱ ke̱ blo̱mo̱ ní nā wa ake̱: *Oke̱ okakla ní nā ba le̱ awo mli, ni obua šikpoṅ le̱ no̱ weinyibii šabii le̱ anā, edšake̱ eweinyibii le̱ étšu! [182]

¹⁹Ni bo̱fo le̱ še̱ ekakla le̱ efõ šikpoṅ le̱ no̱, ni ebua šikpoṅ le̱ no̱ weinyibii le̱ ana, ni eke̱-wo Nyoṅmo̱ mlila le̱ *weinṅã̀nō kpeteṅkple le̱ mli. [183]

²⁰Ni anānā *weinṅã̀nõ le̱ no̱ ye̱ maṅ le̱ ṅmaṅmaša le̱, ní lá dše̱ weinṅã̀nõ le̱ mli ke̱-yaše̱ okpo̱ṅo̱i le̱ adãṅnii le̱ ahe ye̱ stadioi akpe ke̱ ohai-ekpa dšeke̱mo̱ mli. [184]