Read luganda Kpodšiemo 21 Bible Online

Kpodšiemo 21 - luganda bible

Kpodšiemo 21

¹Ni mina *ṅwei hē ke̱ šikpoṅ hē; edšake̱ †tšutšu ṅwei le̱ ke̱ tšutšu šikpoṅ le eho ete, ni ṅšo̱ be̱ doṅṅ. [278]

²Ni mi, Iohane, mina maṅ kroṅkroṅ le̱ ní dši *Ierusalem hē le̱ †dše̱ Nyoṅmo̱ ṅõ ye̱ ṅwei mīkpleke ši, ní ásāle̱ tamo̱ **ayemforo ní áwulale̱ áhã ewu. [279]

³Ni minu gbē kpeteṅkple ko dše̱ maṅtše̱sẽi le̱ mli kē̱: Na, Nyoṅmo̱ bū le̱ ye̱ gbomei ateṅ, ni *eeši ebū le̱ ye̱ ame̱teṅ, ni ame̱atšṍmo̱ emaṅ, ni Nyoṅmo̱ dientše̱ ke̱ame̱ aahĩ ši, ni eetšṍ ame̱-Nyoṅmo̱. [280]

⁴Ni *Nyoṅmo̱ aatšumo̱ ame̱hĩeaṅ yāfónui fẽ, ni gbĕle be̱ doṅṅ, ni †ṅko̱mo̱yeli ko ke̱ blo̱mo̱ ko ke̱ nõnā ko hũ be̱ doṅṅ; edšake̱ tšutšunii le̱ eho ete. [281]

⁵Ni moni *tá maṅtše̱sẽi le̱ no̱ le̱ kē̱: †Na, mife nii fẽ ehē. Ni ekē̱mi ake̱: Ṅmã, edšake̱ ne̱ke̱ wiemo̱i ne̱ ano̱kwa wiemo̱i ní mã ši šiṅṅ ni. [282]

⁶Ni ekē̱mi ake̱: Agbe nā. *Midši Alfa le̱ ke̱ Omega le̱, šišidšē le̱ ke̱ nāgbẽ le̱. †Moni kũmai yeo̱le̱ le̱, mahãle̱ wala nubu le̱ mli nu le̱ eko enu yaka. [283]

⁷*Kũnimyelo̱ le̱ aatšṍ ne̱ke̱ nii ne̱ fẽ yelo̱, ni †matšṍ e-Nyoṅmo̱, ni le̱ hũ eetšṍ mibi. [284]

⁸Ši mei ní *tšui fāa ke̱ mei ní hee yee ke̱ mei ní feo̱ nihĩnii ke̱ †awuyelo̱i ke̱ adſamaṅbo̱lo̱i ke̱ sũlo̱i ke̱ wo̱ṅdšálo̱i ke̱ amalelo̱i fẽ le̱, ame̱aná ame̱gbe̱nā ye̱ kpākpo le̱ **ní tšoo̱ ke̱ la ke̱ swō̱ le̱ mli, noni dši gbĕle ní dši enyo̱ le̱. [285]

⁹Ni *bo̱foi kpawo ní hīe te̱i kpawo ní eyimo̱ obõbõ ke̱ nāgbē haomo̱i kpāwo le̱ ateṅ mokome ba miṅõ ni eke̱mi bawie ekē̱: Ba, ní matšõo †ayemforo le̱ ní dši tōbi le̱ ṅã le̱. [286]

¹⁰Ni eṅõmi ye̱ mumo̱ mli ke̱-te *goṅ kple ko ni kwo̱ no̱, ni etšõmi maṅ kpeteṅkple le̱ ni dši Ierusalem kroṅkroṅ le̱ ní edše̱ Nyoṅmo̱ ṅõ ye̱ ṅwei ẽkpleke ši, [287]

¹¹ni *ehĩe Nyoṅmo̱ anumnyam le̱; ni ekpe̱o̱ tamo̱ te̱ ní dšra wa fè fẽ, tamo̱ yaspi-te̱ ní mli tše ake̱ kristalo aſiſe̱. [288]

¹²Eye̱ gbogbo kpeteṅkple ní kwo̱, ke̱ *agbói nyoṅma ke̱ enyo̱, ni bo̱foi nyoṅma ke̱ enyo̱ damo̱ agboi le̱ ano̱, ni aṅmlã gbe̱ii ye̱ no̱ ní dši Israelbii le̱ akutšei nyoṅma ke̱ enyo̱ le̱ agbe̱ii. [289]

¹³Agbói etẽ ye̱ bokãgbe̱, ni agbói etẽ ye̱ kōyigbe̱, ni agbói etẽ ye̱ wuoyi-gbe̱, ni agbói etẽ ye̱ anaigbe̱.

¹⁴Ni maṅ le̱ gbogbo le̱ ye̱ šišitōi (alo fanesii) nyoṅma ke̱ enyo̱, ni tōbi le̱ bo̱foi nyoṅma ke̱ enyo̱ le̱ gbe̱ii ye̱ ame̱-mli.

¹⁵Ni *moni ke̱mi wie le̱ hĩe šika gălã susumo̱tšo, koni eke̱-susu maṅ le̱ ke̱ egbói le̱ ke̱ egbogbo le̱. [290]

¹⁶Ni maṅ le̱ kă ši *kodši-edſe̱, ni eke̱le̱ tamo̱ elē̱mo̱ noṅṅ. Ni eke̱ gălã le̱ susu maṅ le̱, ni efe stadioi akpei-nyoṅma-ke̱-enyo̱. Eke̱le̱ ke̱ elē̱mo̱ ke̱ ekwo̱le̱ ye egbo̱. [291]

¹⁷Ni esusu egbogbo le̱, efe ninetalo̱i oha ke̱ nyoṅmai-edſe̱ ke̱ edſe̱ ye̱ gbomo susumo̱nõ ní bo̱fo le̱ hĩe le̱ nā.

¹⁸Ni noni ake̱-tſa egbogbo le̱ dši yaspi-te̱, ni maṅ le̱ šika kro̱ṅṅ ni tamo̱ aſiſe̱ kro̱ṅṅ ni.

¹⁹Ni maṅ le̱ gbogbo le̱ šišitōi (fanesii) le̱ awulale̱ *ke̱ te̱i ní dšra wa sro̱toi fẽ: Kleṅkleṅ šišitō le̱ yaspi, noni dši enyo̱ le̱ safiro, noni dši etẽ le̱ kalkedon, noni dši edſe̱ le̱ smaragdo, [292]

²⁰noni dši enumo̱ le̱ sardoniki, noni dši ekpa le̱ sardio, noni dši kpawo le̱ krisolito, noni dši kpānyo le̱ berilo, noni dši ne̱hũ le̱ topasion, noni dšĩ nyoṅma le̱ krisopraso, noni dši nyoṅma ke̱ ekome le̱ hiakinto, noni dši nyoṅma ke̱ enyo̱ le̱ ametisto.

²¹Ni agbói nyoṅma ke̱ enyo̱ le̱ adiagbai nyoṅma ke̱ enyo̱ ni, agbó kome le̱ adiagba kome ake̱-fe. Ni maṅ le̱ *blohũ le̱ šika kro̱ṅṅ ni, ni emli tše tamo aſiſe̱. [293]

²²Ni minaa so̱lemo̱tšũ ye̱ mli; edšake̱ Nuntšo̱ Nyoṅmo̱ Ofe le̱ ke̱ tōbi le̱ dši eso̱lemo̱tšũ.

²³Ni hũlũ lo nyoṅtšĕre ehĩaa maṅ le̱, ní etšo alo ekpe̱ ye̱ mli; edšake̱ Nyoṅmo̱ anumnyam le̱ tšoo̱ ye̱ mli, ni tōbi le̱ dši la ní kpe̱o̱ ye̱ mli. [294]

²⁴Ni dšeṅmădši [ní ahere ame̱yiwala] le̱ aanyie ye̱ ela le̱ mlĩ, ni šikpoṅ le̱ no̱ maṅtše̱mei le̱ aaṅõ ame̱numnyam le̱ ke̱-ba mli. [295]

²⁵Ni *egbói le̱ aṅã́mo̱ṅ kwrā ſane; edšake̱ †nyōṅ be̱ dše̱i; [296]

²⁶ni ame̱ke̱ dšeṅmãdši le̱ anumnyam le̱ ke̱ ame̱wō le̱ aaba mli.

²⁷Ni noko ní he tšee ke̱ moni feo̱ nihĩnii ke̱ moni maleo̱ boteṅ mli kwrā, ake̱ dša mei ní aṅmã ame̱gbe̱i ye̱ tōbi le̱ wala-wolo le̱ mlĩ le̱. [297]