Read luganda Kpodšiemo 5 Bible Online

Kpodšiemo 5 - luganda bible

Kpodšiemo 5

¹Ni mina wolo ko ye̱ *moni tá maṅtše̱sẽi le̱ no̱ le̱ ninedšŭrõ no̱, ni †aṅmã emli ke̱ ese̱ fẽ, ni aso̱o nā ke̱ nāso̱omo̱i kpawo. [66]

²Ni mina bo̱fo agbo ko mīsie̱ ke̱ gbē wulu ake̱: Namo dši moni sa ake̱ eegble wolo le̱ nā ni etšere̱ enāso̱omo̱i le̱?

³Ni mokomoko be̱ ṅwei lo šikpoṅ le̱ no̱ lo šikpoṅ le̱ siši ni aanyẽ wolo le̱ nā agble lo akwe̱ mli.

⁴Ni mifó āhũ, edšake̱ anaa mokomoko ní sa ake̱ eegble wolo le̱ nā, ni ekane lo ekwe̱ mli.

⁵Ni onukpai le̱ ateṅ mokome kē̱mi ake̱: Kāfó! na, *dšata le̱ ni dše̱ Iuda akutšo le̱ mli le̱, moni dši David †sišifã le̱, eye kũnim ni egble wolo le̱ nā, ni etšere̱ enāso̱omo̱i kpawo le̱. [67]

⁶Ni mikwe̱, ni na, maṅtše̱sẽi le̱ ke̱ hĩekãlo̱i edſe̱ le̱ teṅ, ke̱ onukpai nyoṅmai-enyo̱ ke̱ edſe̱ le̱ teṅ le̱, *tōbi ko damo ši tamo̱ noni ágbele̱, ni eye aklontoi kpawo ke̱ †hĩṅme̱ii kpawo ní dši Nyoṅmo̱ **mumo̱i kpawo le̱ ní atšũ ke̱-te šikpoṅ le̱ fẽ no̱ le̱. [68]

⁷Ni eba ni ebahe wolo le̱ ke̱-dše̱ moni tá maṅtše̱sẽi le̱ no̱ le̱ ninedšŭrõ no̱.

⁸Ni beni eheo̱ wolo le̱, hĩekãlo̱i edſe̱ le̱ ke̱ onukpai nyoṅmai-enyo̱ ke̱ edſe̱ le̱ ho gbe ši ye̱ tõbi le̱ hĩe, ni ame̱teṅ mofẽmo hĩe *saṅkũ ke̱ šika to̱i ke̱ ame̱-mli tšofãi-ke̱-nmai obõbõ †ní dši kroṅkroṅbii le̱ aso̱lemo̱i le̱; [69]

⁹ni ame̱la *lala hē ko ame̱kē̱: Sa osa ake̱ oheo̱ wolo le̱ ni otšere̱o̱ enā-so̱omo̱i le̱, edšake̱ agbeo, ni oke̱ olá le̱ ekpõwo̱ ohã Nyoṅmo̱ ke̱-dše̱ akutšo-fẽ-akutšo ke̱ wiemo̱-fẽ-wiemo̱ ke̱ maṅ-fẽ-maṅ ke̱ dšeṅmaṅ-fẽ-dšeṅmaṅ mli, [70]

¹⁰ni oṅõwo̱ ofe maṅtše̱mei ke̱ oso̱foi ohã wo̱-Nyoṅmo̱ le̱, ni wo̱o̱ye maṅtše̱ ye̱ šikpoṅ le̱ no̱. [71]

¹¹Ni mikwe̱, ni minu *bo̱foi pī ni ebo̱le maṅtše̱ẽi le̱ ke̱ hĩekãlo̱i le̱ ke̱ onukpai le̱ ahe ke̱-kpe le̱ agbē, ni †ame̱yibo̱ dši akpei-nyoṅma toi akpei-nyoṅma ke̱ akpe toi akpe, [72]

¹²ni ame̱ke̱ gbē wulu kē̱ ake̱: Tōbi ní agbe le̱ sa ake̱ eṅõ *hewale̱ ke̱ nifále̱ ke̱ nilē ke̱ nyẽmo̱ ke̱ agbodšē ke̱ anumnyam ke̱ dšō̱mo̱. [73]

¹³Ni minu ake̱ bō̱nii fẽ ni yo̱ ṅwei ke̱ šikpoṅ le̱ no̱ ke̱ šikpoṅ le̱ šiši ke̱ ṅšo̱ hīe ke̱ nii fẽ ní yo̱ ame̱mli le̱ kē̱ ake̱: Aṅõ dšō̱mo̱ ke̱ agbodšē ke̱ anumnyam ke̱ no̱yeli le̱ áhã moni tá maṅtše̱sẽi le̱ no̱ le̱ ke̱ tōbi le̱ ke̱-dše̱ nāno̱ ke̱-ya nāno̱!

¹⁴Ni hĩekãlo̱i edſe̱ le̱ kē̱: Amen. Ni onukpai nyoṅmai-enyo̱ ke̱ edſe̱ le̱ ho gbē ši, ni ame̱dšá moni hĩe kã ke̱-dše̱ nãno̱ ke̱-yaä nãno̱ le̱. [74]